¹ Nwiisi núnnə bé yé né cə́bal mɔ́. Dəvyidi nwə̃́ə̃́. Ywẽ̀ Lyǐrh nwə̃́ə̃́. ² Ǎ Yi, ce jàn nɛ́ làlà ń bə̀ ń vwǎrh nɛ ! Bə-zhɔ-zhe, ce jàn nɛ́ làlà ń bə̀ ń zwẽ ne ! ³ Ce cìzhìl jí lyì bí byɛ̀bɛ́ bə̀ n’ê pyà à myə̌l ré vǔr mó, bə̀ wun zhizhiri. ! Ce byɛ̀bɛ́ bə̀ n’ê pyà à tɛ̃́ jó mó k’a vò bə̀ kwã nɛ́ ! ⁴ Bə̀ bə̀ cìzhìl ré ce bə̀ k’a kwɛ̃̀, bə̀myɛ́ byɛ̀bɛ́ bə̀ n’ê kǔrh ne : yǒòò yǒòò mó ! ⁵ Bə̀ lyì bí byɛ̀bɛ́ gakó bə̀ n’ê pyà mɔ́ mɔ́ fùù ǹdə́ wu-nyɔ̃̀ ǹ yilə ! Bə̀ lyì bí byɛ̀bɛ́ bə̀ só ǹ vwǎrh mɔ́ mɔ́ j’â n’ê zɔ̀m twéé twéé bə̀ m’ê wə̀l bə̀ : Yi du kɔn gakó!»