¹ Nwíísí núnnə bé yé né cə́bal mɔ́ nwə̃́ə̃́. Ń nún y ǹdə́ nyínsi ku dú. ² Bə̀ Yi dǔr nə́ nɔ̀nɔ̀, sə rə cĩ́ bwəl nə́ yó, sə rə ce rə̀ yə́-zwã̌ yə̌r pwẽ̀ nə́ yó, ³ mùnì ga lyì bí lwar ǹ sɔ́má y párá, sə tənèsé lyì bí gakó lwar ǹ vwǎrh mɔ́ pár cɛ yó ! ⁴ Ǎ Yi, dwə́ né gakó n’ê zǔl mó, dwə́ né gakó n’ê zǔl mó. ⁵ Tənèsé lyì bí zhe wu-nyɔ̃̀, bə̀ n’ê fùù ; bə̀ ǹ nə́ ǹ bùr dwə́ né ǹdə́ bùrsi cángá, wɔ́ ǹmyɛ́ ǹ nə́ ǹ zal tənèsé lyì bí bə̀ m’ê zhə̀l cɛ yó. ⁶ Ǎ Yi, dwə́ né n’ê zǔl mó ! Dwə́ né gakó n’ê zǔl mó. ⁷ Cɛ y n’ê ce è wẽ̀ ré byìl è pɛ nə́ba, Yi, nə́ Yi, ǹ nə́ ǹ cĩ́ bwəl nə́ yó.