¹ Nwíísi núnnə bé yé né cə́bal mɔ́ nwə̃́ə̃́. bə̀ n’ê dwí nyínsi ku bə̀ m’ê núnə́. Dəvyidi nwə̃́ə̃́. ² Ǎ Yi, cili à búbwéésé n’â búbwéé mó, sə́ pyèrhè ǹ zhã̌ ń cili à lwə̌l mó! ³ À zhǐ lũ kùr w à wu-zhìlì, à n’â búbwéé à ce mó ; Zə nɛ ń vò pàtá nə́kulu w à yír ò yó mó yó ! ⁴ Bə̀ wɔ́ ǹmyɛ́ ǹ wɔ́ à shòò jàà, jì nánjjíjíní è zhe è jàn nɛ mɔ́ wẽ́, à zù-bal mɔ́ yé né. ⁵ À n’â yǎl sə à j’â ŋwɛ́nɛ́ ǹ kòrhó w byinə nə̀ bə zhɔ̌ zhe, a shèè ǹ vwɛ̀mɛ̀ kùr wə. ⁶ Ǎ Yi, wɔ́ ǹmyɛ́ ǹ nə́ ǹ pyìrh kɔn tɛ̀bɛ́ à n’â dɛ̃̀ mɔ́, ǹ nə́ ǹ pɛ nɛ lyì bí byɛ̀bɛ́ bə̀ n’ê nyàm ǹ yil ré mó mó cəl kɔn rɛ́. ⁷ Súlí dwã pyɔ̌ mɔ́ dwã nɛ́ yó ; sə à byinə né twẽ̌ nə́ vò yé né gaga ! ⁸ N mɛ̃ pyɛ̀lɛ̀ də̀gwã́ yó ǹ yé né byinə nə̀ bə zhɔ̌ zhe yilə ! Ce ǹ wu-bɔ̀nɔ̀ ǹdə́ ǹ zhə̀n rɛ́ yìlì ni !