¹ Nwíísí yé né cə́bal mɔ́. Nwə̃́ə̃́ bə̀ nún ǹdə́ ku bə̀ n’ê dwí ǹdə́ nyínsi. Dəvyidi nwə̃́ə̃́. ² Wɔ́ Zhiifyi lyì bí gə́ tú bə jál Səyuli ni bə wɔ̀ : Dəvyidi nə̀ yə̀ twí n shèè nə́ sono nà ? Wɔ́ rə̀myɛ́ yi ní Dəvyidi nún nwə̃́ə̃́ èmyɛ́. ³ Ǎ Yi, zwẽ ne ǹ yil ré jàn yilə, sə́ pɛ̃ bùrì ǹ jàn rɛ́ yilə ! ⁴ Ǎ Yi ! Cili à lwə̌l mó, pyèrhè ǹ zwã̌ ń cili zɔ̀mà nɛ́ à n’â zɔ̀m à nyú w mú ! ⁵ Nyǐ zhələ zɛ̃̀ bə̀ n’ê bwí ǹdə́ nɛ, lyì byɛ̀bɛ́ bə̀ n’ê twĩ̀ jàn tumə mó, n’ê pyà à myə̌l vǔr ; bə̀ t’â bùl Yi bùlə̀ yé. ⁶ Sə nyǐ, Yi wɔ́ àmyɛ́ sanna, wɔ́ Cǐnnə mó ne à zhí. ⁷ Lwɛlɛ rɛ́ m’a k’a jòm lyì bí bə̀ n’ê bwí ǹdə́ nɛ mɔ́ yó ; zhìlì bə̀ yò bə jé tɛ̃́ cɛ yó ǹ zhə̀n rɛ́ yilə.