¹ Nwíísí yé né cə́bal mɔ́. Ń nún ǹdə́ wí. Dəvyidi nwə̃́ə̃́. ² Bə-surhə zhe cə́bal nə́ ń wə̀l ń wẽ́ bə̀ Yi tɛ̀nɛ́ gaga ! Numbyínsí cɔ̀, sə̀ wɛ̀rhɛ́ lwɛlɛ, sə̀ twĩ̀ pwarha tumə ; èdù ga myɛ cìcì tɛ̀nɛ́ è n’ê wɛ̀rhɛ́ cɛ̀nɛ̀ yé. ³ Yi zhì dɛ̃̌ yi w gaga rə̀ n’ê nyǐ numbyínsí rə̀ la nyǐ ǹdə́ lò gə ŋwɛ́nɛ́ ń surhə, ń nə́ ń pyà Yi. ⁴ Bə̀ gakó jé, lwɛlɛ rɛ́ cɔ̀ bə̀ gakó ; lò mə̀dù ga myɛ tɛ̀nɛ́ ń nə́ ń wɛ̀rhɛ́ cɛ̀nɛ̀ yé, bá mə̀dù sásá myɛ cìcì. ⁵ Lyì bí byɛ̀bɛ́ bə̀ n’ê wɛ̀rhɛ́ lwɛlɛ rɛ́ mɔ́, cìnə́ nábá nə zhe surhə ? bə̀ n’ê dɔ̀m à dwí rí, bə zə rɛ bə̀ m’ê yàl bə̀ kùjú ; bə̀ k’ê t’â byẽ̀ Yi gaga ? ⁶ Wɔ́ rə̀myɛ́ è ce, wu-zɛ̃̀ɛ̃́ zɛ̃̀ è zhe be bə̀ n’ê kəkə, e jà wu-zɛ̃̀ɛ̃́ kɔn tɛ̀nɛ́ rə̀ m’a ce lò wu zɛ̃̀ yé ; Yi m’a ce lyì bí byɛ̀ɛ́ bə̀ jě bə kə́kɛ́lɛ́ mɔ́, bə̀ n’ê bwí ǹdə́ mɔ́ mɔ́, kúr kə́ rə làà tɛ̃́ ; Ǹ m’a pə bɛ cìzhìlə̀, bə̀ Yi zhɔ̃̀ bɛ.