¹ Nwĩ́ĩ́sí yé né cə́bal mɔ́. Kore byǎ bɛ́ nwə̃́ə̃́. ² Ámyɛ̌ dwə́ né gakó, mǎ-na á jɛ̀rh ! Mǎ-na wu-yɔ̀ búbwéése a ce Bə-zhɔ-zhe ne ! ³ Bə̀ Bə-zhɔ-zhe, Dɛ̃̌-Gaga cə́bal mɔ́, nə́ ń zɛ̃̀ wu ní, Ń wɔ́ cɛ y púlə́púlə́ pyɔ̌ nánfɔ̀lɔ̀. ⁴ Ń zwẽ dwə́ n pə nə́ba nə́ cǐ, ń co tənèrh ŋwɛ́nɛ́ nə́ nèrh kùr wə ; ⁵ Ń cír nə́ cəl tənà y n pə nə́ba, è wɔ́ Zhakɔɔbɛ ǹdə́ ń zùwə́ y ń só mó. ⁶ Yi zɛ̃̀ bə̀ cəcəl w ǹdə́ bə̀ n’ê mà bɛlɛ jú búbwéé, rə̀ la ǹdə́ pɔ́lá n’ê wúlə́. ⁷ Nún-nə Bə-zhɔ-zhe, Nún-nə ! Nún-nə nə́ pyɔ̌ mɔ́, nún-nə ! ⁸ Bə̀ Yi wɔ́ lũ w gakó pyɔ̌ : Nún-nə nwə̃́ə̃́ ! ⁹ Yi n’ê jí pyɛ̀lɛ̀ tənèsé yó, Yi də̀gwã́ y wɔ́ rə̀myɛ́ sə̀pwà pyɛ̀lɛ̀ də̀gwã́ y yó.