¹ Nwíísi yé né cə́bal. Bə̀ n’ê nún ǹdə́ nyínsi ku ǹdə dàkɔ̀nɔ́ ta. Davyidi nwíísi.1 Nwíísi yé né cə́bal. Bə̀ n’ê nún ǹdə́ nyínsi ku ǹdə dàkɔ̀nɔ́ ta. Davyidi nwíísi. ² À gə n’â búbwéé à ce mó, sə́ lyár nɛ, à Yi, bə̀ wɔ́ ǹmyɛ́ ǹ nə́ ǹ pɛ nɛ bwìrì ! À gə ŋwɛ́nɛ́ zwini wẽ́ sə́ zwẽ ne ! Dǔr à nɔ̀nɔ̀, sə́ cili à lwə̌l mó ! ³ Numbyínsi byǎ, á la à zùwə́ y yààlɛ kɔn m’e yí dǒ ? Á m’ǎ swéné kɔn tɛ̀bɛ́ rə̀ wɔ́ nánfò e m’e yí dǒ ? Wɔ́ kɔma bɛ́ á n’á pyà nà ? ⁴ Lwar-na bə̀ Bə-zhɔ̌-zhe cír Yi lò ; À gə n’â zhẽ̌ à cəl à ce mo, ń nyɛ̌. ⁵ Kəkə-nə, á bə̀k’á wɛ̀rhɛ́ yə̀-bəlɔ̀lɔ́ gaga yé ; Á gə pyě á kò-pyònò wə, s’á zɔ̀m á wun ní wẽ́, s’a pyi á nyí. ⁶ Zwə́l-nə cángá vwə̃̀ á pa, s’á pə á cìn Bə-zhɔ̌-zhe ne. ⁷ Nánzhəzhɔ̌ n’ê wə̀lə̀ : wɔ́ mɔ̌ ń mà n ce nə́ yírhə́ nə cɛ̀nɛ̀ ? N ce Bə-zhɔ-zhe yé-zhã̌ y pwẽ̀ ré yə̌r nə́ yó ! ⁸ Sə wɔ́ ǹmyɛ́ ǹ nə́ ǹ pɛ nɛ wu-nyɔ̃̀ à wẽ́ du bə̀ wu-nyɔ̃̀ w kɔ̀bɔ́ o y’a zə bɛ ǹdə́ bə̀ jə̀r bə̀ bə̀lé y ǹdə́ bə̀ də̀vɛ̃́ y sú tɛ̃́ dɛ̃́dɛ̃́ mɔ́ yi ní mú. (verset9 manque ici ?)