¹ Wɔ́ Dəvyidi nwə́ə́. Ń gə́ yà ń zɛ̃̀ ń nə́ ń dùr ń byǐ Abəsalɔ̃ yé né yi ní. ² Ǎ Bə-zhɔ̌-zhe, nyǐ à zwə̀ bé já dɛ̃́dɛ̃́ ! Wɔ́ etər nunə nánjə̀jóló, bə̀ zɛ̃̀ bə̀ n’ê bwí ǹdə́ nɛ èta mɔ́ ! ³ Wɔ́ nunə màngal bə̀ n’ê zɔ̀m à shò kwã nɛ́ bə̀ zhe : Ń kə́ ń tá ń la vwǎrh nɔ Yi sono yé ! ⁴ Sə ǹmyɛ́, Bə-zhɔ̌-zhe ! Ǹ wɔ́ à shòò jàà, ǹ wɔ́ à zùwə́ yə́, ǹ nə́ ǹ zhẽ̌ à yó dɛ̃̌. ⁵ À n’â zhẽ̌ à cəl à ce Bə-zhɔ̌-zhe ne, sə ń nə́ ń zhì ń pyɔ̀ w yó ń lyár nɛ. ⁶ Ce à y’a pyẽ̀ tɛ̃́ a dɛ̀ɛ̀, a k’a zɛ̃̀, bə̀ Bə-zhɔ̌-zhe wɔ́ kwɛ̃́na. ⁷ À t’â dùr dwə́ né mɔ̀ɔ̀rhɛ̀ yàà nyɛ̀bɛ́ nə̀ jě nə kə́kɛ́lɛ́ nɛ jààsɛ́ gakó wẽ́ mó ywẽ yé. ⁸ Bə-zhɔ̌-zhe, à Yi, zɛ̃̀ dɛ̃̌ ń vwǎrh nɛ ! Bə̀ wɔ́ ǹmyɛ́ ǹ nə́ ǹ mà à zwə̀ bé jə̀-sěrh, ǹ nə́ ǹ kɛ́ lyì-bəlwǎlsɛ́ yə́lə́.