¹ Nwə̃́ə̃́. Nwə̃́ə̃́ y è nún Yi jì y nyí rí pul címsí dɛ̃ rɛ́ yù w mú. Dəvyidi nwə̃́ə̃́. ² Bə-zhɔ-zhe, à n’â cèrhé mó, bə̀ ǹ vùr ne gɔ́rɔ́ wa, ǹ tá ǹ yǎl bə̀ à zwə̀ bé fùù à zúzúnú yil yé. ³ Bə-zhɔ-zhe, à Yi ! à búbwéé a ce mó sə ǹ wárh nɛ. ⁴ Bə-zhɔ-zhe ! Ǹ ká ce a du cùùrì wẽ́, ń pɛ̃ nyǔ a vò à ŋwɛ́nɛ́ gaga a yẽ̌ byɛ̀bɛ́ bə̀ ŋwɛ́nɛ́ lú-bɔ̀là wẽ́ mó ne. ⁵ Ámyɛ̌ byɛ̀bɛ́ á só Bə-zhɔ-zhe mó, nún-nə mo, cèrhé-na mo bə̀ ń wɔ́ pwɛ̃́pwɛ̃́ ! ⁶ Bə̀ ń lyim rí wɔ́ ń kùr yó, sə ń pɛnɛ́ nánfò w ŋwɛ́nɛ́ byinə nə̀ zhɔ̌ zhe yilə ; Cìlə́ gə zɛ̃̀ nə̀ n’ê kúr nəkɔkɔ́lɛ́ nɛ, də̀dɛ̀nɛ́ la m’e yí ǹdə́ è k’a wɔ́ fùwə́ è ŋwɛ́nɛ́. ⁷ À gə́ y’à zhe yə̀-zùlə́ né mó yi ní, à y’à n’â wə̀lə̀ : Àmyɛ́ t’â la tu gaga yé ! ⁸ Bə-zhɔ-zhe ! Wɔ́ ǹ pɛnɛ́ y nánfò w yilə, ǹ yà ǹ ce pyɔ̀ w à y’à ŋwɛ́nɛ́ ò yó mó zhǐ kẽkẽ… Sə ǹ yà ǹ shèè ne ǹ cìnə̀, à wu zhìlì. ⁹ Bə-zhɔ-zhe ! À zɛ̃̀ a búbwéé a ce mó, a byẽ̀ Bə-zhɔ-zhe a wɔ̀ : ¹⁰ Ǹ gə ce à jal ló tɛ̃́, bə kwè ne bə ce lú-bɔ̀l wa, wɔ́ bə̀kɔ́n ǹ la nɔ rə̀ yilə ? Cə-shó zhe còrhó ò la mɔ́ còrhó nà ? Ò wɔ̌ ó m’a yə̀ ǹ zhə̀n-cínnə ? ¹¹ Bə-zhɔ-zhe, cili, dǔr à nɔ̀nɔ̀ ! Bə-zhɔ-zhe, bə̀ ń sɛ̃ nɛ ! ¹² Ǹ lyə́r à wu zhìlù wə́, a zɛ̃̀ à zhe wu-nyɔ̃̀ à n’â sɛ, ń vùr cu wu-zhùlù gàmmə̀-zwǐ y à yala nɛ, ń ká zù ni wu-nyɔ̃̀ gàmmə̀-zwǐ,