¹ Wɔ́ Dəvyidi nwə̃́ə̃́. Bə-zhɔ-zhe ! pɛ̃ bùrì, bə̀ à n’â zhə̀l ǹdə́ wu-põ̀, à co à cìn Bə-zhɔ-zhe jɔ̃̀ wa, à t’â mà à nà yé. ² Bə-zhɔ-zhe ! gwɛ̃ à wu w wẽ́, sə́ zhẽ̀ ne ń nyǐ à wu w ǹdə́ à bùlə̀ né ; ³ Bə̀ à n’â nyǐ ǹ sónó w à yírhə́ wə, a zɛ̃̀ à n’â zhə̀l ǹ zhə̀n rɛ́ wẽ́. ⁴ À bə̀k’a tó kɔma cìnə́ nɛ à jòm yé, à t’â zhə̀l ǹdə́ myìnù cìnə́ yé ; ⁵ À n’â súl lwɛlɛ cìnə́ dwã gùlú jàà yá, à t’â tó lyì-bəlwǎlsɛ nɛ à jòm yé. ⁶ Bə-zhɔ-zhe ! À n’â s̀am à jɛ̀sɛ́ à m’a byili bə̀ à bə dóó zhe yé, fòró a zɛ̃̀ à m’a vó ǹ vwĩ̀-jùlú w yé né ! ⁷ A m’a ce ǹ nə̀bán pamparɛ̃ɛ̃ bə̀ ǹ pɔ nɛ pɛnɛ́ nánfò, a zɛ̃̀ byili ǹ tũ̀-fwààlɛ́ gakó. ⁸ Bə-zhɔ-zhe ! à gə ŋwɛ́nɛ́ ǹ sõ kɛ̀lɛ́ w à só, jàà y kɛ̀bɛ́ ǹ zùwə́ y ŋwɛ́nɛ́ è wẽ́ mó. ⁹ Ǹ bə̀ká zə nɛ ń mù dwã nɛ ǹdə́ yə̀-bəlàálɛ́ cìnə́ ń lyẽ yé, Ǹ bə̀ká zə nɛ ń mú dwã nɛ ǹdə́ byɛ̀bɛ́ bə̀ n’ê lwé jal tɛ̃́ nɛ ń vùr à myə̌l yé. ¹⁰ Lyì gurnə bé bə̀myɛ́ mɔ́ wɛ̀rhɛ́ lwɛlɛ, bə yẽ̌ bə yè be, bə zwẽ wẽ̀ bə̀ jə̀-jĩ́sí sú ǹdə́ nə̀cɛ̀ndɛ ! ¹¹ È gə wɔ́ àmyɛ́ yilə, à n’â zhə̀l ǹdə́ wu-põ̀ ; ce dǔr à nɔ̀nɔ̀ sə́ vwǎrh nɛ ! ¹² À n’â zhə̀l sɔ́má kɛ̀bɛ́ è wɔ́ cángá mɔ́ yó : À m’a cèrhé Bə-zhɔ-zhe dwã-gùúlí jìsí wə.