¹ Dəvyidi nwə̃́ə̃́. Wɔ́ Bə-zhɔ-zhe ń cǐ cɛ y ǹdə́ kɔn dɛ̀bɛ́ gakó rə̀ ŋwɛ́nɛ́ è yó mó, ń cǐ lũ w ǹdə́ lyì bí byɛ̀bɛ́ bə̀ ŋwɛ́nɛ́ ò wẽ́ mó ! ² Wɔ́ ńmyɛ̌ ń cĩ́ cɛ y kùr ré tɛ̃́ nə̀-fɔ̀lɔ̀ yó, n ce è zhǐ bwǐsí yó kẽkẽ. ³ Wɔ́ mɔ̌ ń wɔ̌ Bə-zhɔ-zhe pyɔ̀ w yó ń la nɛ́ jíl ? Mɔ̌ lò ń wɔ̌ ń mà n zɛ̃̀ n vò ń jàà y náàcɛ̀nɛ́ y w mɔ́ ? ⁴ Nyǐ wɔ́ lò mó mɔ̀bɔ́ ń jɛ̀ssɛ́ bə dóó zhe, ń wu w wɔ́ námpõ̀ mó ; Wɔ́ lò mɔ̀bɔ́ ń tá ń yẽ̌ kɔma yàl ń wẽ́ mó, n jà ń tá ń bwəl nyí ń mə́ ń myìnì ń dõ mó. ⁵ Wɔ́ ńmyɛ̌ mɔ́ ń nə́ nɛ Bə-zhɔ-zhe bwəl ré, ń nə́ ń nɛ ń Yi rí rə̀ n’ê vwǎrh mɔ mɔ́ nɔ̀nɔ̀ dǔr mó. ⁶ Wɔ́ rə̀myɛ́ è wɔ́ lyì bí byɛ̀bɛ́ bə̀ n’ê byẽ̀ mo mó cəl ré, Zhakɔbɛ Yi rí, wɔ́ byɛ̀bɛ́ bə̀ n’ê pyà ǹ pár lwar mɔ́ Yi ! ⁷ Bwə̀ə̀le, zhẽ̌-nə á ywẽ́ né dɛ̃̌ ; byinə nə̀ bə zhɔ̌ zhe bwə̀ə̀le, zɛ̃̀-na dɛ̃̌ ! Á yẽ̌ pyɔ̌ mɔ́ ń zhe còrhó y mó ne n zù ! ⁸ Wɔ́ mɔ̌ ń wɔ́ pyɔ̌ mɔ́ ńmyɛ̌ mɔ́ ń zhe zùwə́ y mó ? Nyǐ wɔ́ Bə-zhɔ̌-zhe mó, ń zhe jàn ǹdə́ ŋwɔ̀nɔ́ mɔ́, Bə̀-zhɔ-zhe mó ń zhe jàn búlə́ wẽ́ mó. ⁹ Bə̀ə̀le, zhẽ̌-nə á ywẽ́ né dɛ̃̌ ; byinə nə̀ bə zhɔ̌ zhe bwə̀ə̀le, zɛ̃̀-na dɛ̃̌ ! Á yẽ̌ pyɔ̌ mɔ́ ń zhe còrhó w mó ne n zù ! ¹⁰ Wɔ́ mɔ̌ ń wɔ́ pyɔ̌ mɔ́ ńmyɛ̌ mɔ́ ń zhe zùwə́ y mó? Wɔ́ Bə-zhɔ-zhe mó ń cǐ jàn cìnə́ bé mó : Nyǐ wɔ́ ńmyɛ̌ ń wɔ́ pyɔ̌ mɔ́ ń zhe zùwə́ y mó ! --Pause