koussoube-marc-lee_psa_text

Kǝ̀kàl-fwɛ̀lɛ̀ 15

¹ Ǎ Bə-zhɔ-zhe ! wɔ́ mɔ̌ lò ń mà n zhì ǹ jì y wə ? Wɔ́ mɔ̌ lò ń mà n jòm ǹ pyɔ̀ w yó ! Wɔ́ mɔ̌ ń mà n jòm ǹ sə̀pwà pyɔ̀ w yó ? ² Wɔ́ lò mɔ̀bɔ́ ń zhe wu-põ̀, ń nə́ ń twĩ̀ cángá tumə, n jà ń nə́ ń zɔ̀m zhə̀n ǹdə ń wu gə́ n’ô yǎl nɛ́. ³ Ń tá ń zə ń mə̀jòlò w ń lwe cɛ yé, ń tá ń wɛ̀rhɛ́ lwɛlɛ ń dõ ne gaga, ń tá ń pɛ cìzhìl ń dõ né gaga mɔ́. ⁴ Ń bə lò mɔ̀bɔ́ ń nə́ ń pɔ̀ɔ́sɛ ń dõ só yé, ń só lyì byɛ̀bɛ́ bə̀ n’ê nyàm Bə-zhɔ-zhe mó ; Ń gə bwəl kɔn nyí, ń nə́ n pyìrh ré, bá ǹdə́ kɔn rɛ́ gə t’a la mɔ nyɔ̀ɔ́rhɛ co ga. ⁵ Ń tá ń nyɛ́ɛ́ shɛ́ɛ́shɛ̃̀ n pyà nyɔ̀ɔ́rhɛ́ ń wɛ́rɛ́ yó w yé, Ń bə shɛ̀ sə bə pɔ̃ kɔn n mə n ce bə pə còrhò-tum lò mɔ̀bɔ́ ń bə dóó zhe ne yé. Zhənà, lò mɔ̀bɔ́ ń nə́ wɛ̀rhɛ́ èta, rə̀-ná-cí tá ń twi gaga.