¹ Cèrhé-nə Bə-zhɔ-zhe, nyǐ ń càn, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ² Cèrhé-nə dɛ̃̌ yə né Yi rí, bə̀ rə̀ wu-bɔ̀nɔ̀ w j’â ŋwɛ́nɛ́ twéé twéé gaga ! ³ Cèrhé-nə Cǐnnə bé gakó cǐnnə mó, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ⁴ Wɔ́ ńmyɛ̌ dúdú ń nə́ ń wɛ̀rhɛ́ tũ̀-fwààlɛ, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ⁵ Wɔ́ ńmyɛ̌ ń zɔ surhə n mə n wɛ̀rhɛ́ dɛ̃̌ yə né, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ⁶ Wɔ́ ńmyɛ̌ ń cĩ́ cɛ y nɛ̃̌ mɔ́ yó, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ⁷ wɔ́ ńmyɛ̌ ń wɛ̀rhɛ́ pwẽ̀ yěr wẽ̀ ré nə́nfwààlɛ́, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ⁸ Nə̀nyɛ́nɛ́ y n’ê yə̌r dɛ̃ rɛ́ è m’ê zhə̀lə̀, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ⁹ Cànà y n’ê yə̌r cəcɛ̃ è m’ê zhə̀lə̀, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ¹⁰ Wɔ́ ńmyɛ̌ ń mà Ezhibti lyì byí-yə́ə́sé, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ¹¹ N ce Esərayɛl lyì byǎ bɛ́ du bə̀ cəcəl wə, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ¹² Ǹdə́ ń jɛ̃̀ y ń cèlè mó jàn rɛ́, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ¹³ Wɔ́ ńmyɛ̌ ń kǎr nə̀-fɔ̀lɔ̀ w nã́-shɔ̃̀ w nɛ̃̌ mɔ́ dwã wa, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ¹⁴ N ce Esərayɛl lyì byǎ bɛ́ tó ò cəcəl w bə lyɛ̃, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ¹⁵ N zɛ̃̀ n yìrh Faraɔ̃ ǹdə́ ń shə̀dɛ́ɛ́sɛ́ n ji nə-fɔ̀lɔ̀ w nã́-shɔ̃̀ w wa, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ¹⁶ Wɔ́ ńmyɛ̌ ń yàl ń dwí yé né, rə̀ y’à m’ê zhə̀l gɔ-elũ èpòlò w wə, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ¹⁷ Wɔ́ ńmyɛ̌ ń mà pyǎ nánfwààlɛ, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ¹⁸ Ń gu pyǎ byɛ̀bɛ́ bə̀ y’à zhe jàn, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ¹⁹ È yàl Amɔrətəbá pyɔ̌ Səwɔ̃, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ²⁰ ǹdə́ Basã pyɔ̌ Oge, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ²¹ N pə bə̀ tənèsé sə yə̀ cəl-tənèrh, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ²² N pə Esərayɛl, ń tùntùnnə mó ń cəl tənèrh, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ²³ Bə̀ gə́ pɔ nə́ba cìzhil yó né, wɔ́ ńmyɛ̌ ń lyǐrh nə́ yò, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ²⁴ N zwẽ nə́ba lyì bí byɛ̀bɛ̀ bə̀ y’à n’ê nwɛ̀nɛ̀ nə́ba mɔ́ jɔ̃̀ wa, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ²⁵ Wɔ́ ńmyɛ̌ ń nə́ ń pɛ kùjú numbyíní gakó ne, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga ! ²⁶ Cèrhé-nə dɛ̃̌ yə né Yi rí, bə̀ ń wu-bɔ̀nɔ̀ w j’â ŋwɛ́nɛ́ twéé twéé gaga !