¹ Dəvyidi nwə̃́. Pyɔ̀ w jíl nwə̃́ə̃́. Bə-zhɔ-zhe, nyǐ cìn-dɛ̃̌-zhõ̌ tɛ̀nɛ́ à wẽ́ yé. À yírhə́ myɛ t’â nyǐ wẽ̀ tɛ̀bɛ́ rə̀ wɔ dɛ̃̌dɛ̃̌ du ní mú yé. Nyǐ wẽ̀ tɛ̀bɛ́ rə̀ nyɛ̌ nánfwààlɛ dɛ̃́dɛ̃́ mɔ́ ǹdə́ tɛ̀bɛ́ rə̀ wɔ dɛ̃̌dɛ̃̌ mɔ́, pyǎ yò yə̀ nɛ́ zwì yé. ² À gaga mɔ́ twə́r tɛ̀nɛ́ ǹdə́ rɛ́ yé, à wu w jě shɛ́ɛ́, ǹdə bə̀sɔ́bwɛ̀lɛ́ kɛ̀bɛ́ è ná kwər yil ne, e zɛ̃̀ è zhǐ è ná nyí ni mú ta. Wɔ́ èta, à nyɛ̌ nɛ́ ǹdə bə̀sɔ́bwɛ̀lɛ́ e kwər yil ne ta. ³ Esərayɛl, nyǐ Bə-zhɔ-zhe yó w ǹ kɔn rɛ́ tɛ̀bɛ́ ń nə́ ǹ dɛ̃̀ mɔ́ yilə, kɔn zhì èlǎsɛ́ è m’e la byinə nə̀ bə zhɔ̌.