¹ Pyɔ̌ w jíl nwə̃́ə̃́. Ǎ, Bə-zhɔ-zhe ! à zhì gɔ́rɔ́ nãnlyilyùmú w wẽ́ a byẽ̀ mó ! ² Cǐnnə, cili à cəl ré ! pyèrhè ǹ zwã̌ ń cili, à lwə̀lə́ y zɔ̀mà nɛ́ ! ³ Cǐnnə, Bə-zhɔ-zhe, ǹ gə cĩ́ lwɛlɛ rɛ́ rə̀ lyɛ̃ mɔ́ ǹ wẽ́, wɔ́ lò mɔ̌ ń wɔ̌ ń mà yə̀ nɛ́ ? ⁴ Sə sǔbrí wɔ́ ǹmyɛ́ sono rə̀ ŋwɛ́nɛ́, mùnì bə nyɛ̀ mɔ́. ⁵ Wɔ́ Bə-zhɔ-zhe sono à n’â dɛ̃̀ kɔn nɛ́, à wu w zhí mu, a zɛ̃̀ à n’â dɛ̃̀ ń nyì-bwelé y pyǐrh mó. ⁶ À wu w wẽ́, wɔ́ Cǐnnə mó yó w à n’â nyǐ ní, kɔn du lyì byɛ̀bɛ́ bə̀ n’ê yìlì jàà nɛ gə́ n’ê nyǐ nəkɔkɔ́lɛ́ yó è bàn nɛ́, kɔn du lyì byɛ̀bɛ́ bə̀ n’ê yìlì jàà nɛ gə́ n’ê nyǐ nəkɔkɔ́lɛ́ yó è bàn nɛ́. ⁷ Esərayɛl, nyǐ Bə-zhɔ-zhe yó w ǹ kɔn rɛ́ tɛ̀bɛ́ ǹ nə́ ǹ dɛ̃̀ mɔ́ yilə ! Bə̀ nɔ̀nɔ̀-dǔr mó ŋwɛ́nɛ́ Bə-zhɔ-zhe sono, bə̀ vwǎrh mɔ́ myɛ ŋwɛ́nɛ́ ń sõ dɛ̃́dɛ̃́. ⁸ Wɔ́ ńmyɛ̌ ń la n ká n kwɛ̃̌ Esərayɛl ye yə́, n zwẽ y è dwə́ə́ré gakó wẽ́.