¹ Pyɔ̀ w jíl nwə̃́ə̃́. Bə̀ nwɛ̀nɛ̀ nɛ dɛ̃́dɛ̃́ à bə̀sɔ́nɛ́ yi ní ga, bə̀ Esərayɛl zɔ̌m yò òmyɛ́ mɔ́ n byili ! ² Bə̀ nwɛ̀nɛ̀ nɛ dɛ̃́dɛ̃́ à bə̀sɔ́nɛ́ yi ní ga, sə bə̀ yə̀ bɛlɛ jí à yó yé. ³ Vwàlna vwàl à cã̌ y yó, bə̀ bàà bàà nèrh nándə̀dwààlɛ è yó. ⁴ Nyǐ Bə-zhɔ-zhe wɔ́ cángá cə́bal : Ń sɔ́ lyì-bəlwǎlsɛ́ nyínsí. ⁵ Cìzhìl pú si sə k’a kwã̀ ǹdə́ sə̀ kwã, lyì bí byɛ̀bɛ́ gakó bə̀ n’ê súl Səyɔ̃ mɔ́ ! ⁶ bə̀ yál ǹdə gɔ kɔ̀bɔ́ ò lyĩ lyarh yó, ò y’a mǎ o cì ǹdə́ bə̀ yə̀ w mǔr mó ta ! ⁷ Ò t’â swí lò mɔ̀bɔ́ ń nə́ ń kwar w mɔ́ jə̀-gúl gaga yé, lò mó mɔ̀bɔ́ ń nə́ ń lyẽ w cíl cíl mó myɛ tá ń nɛ ò cíl rə sú ń vɔ̃̀ kòló gaga yé, ⁸ lyì bí byɛ̀bɛ́ bə̀ n’ê tó sɔ́má y gàà mɔ́ bə̀ lyɛ̃ mɔ́ t’â wə̀l gaga : Bə̀ Bə-zhɔ-zhe cĩ́ bwəl á yó ! Nə́ n’é cĩ́ bwəl á yó Bə-zhɔ-zhe yil ré yilə.