koussoube-marc-lee_psa_text

Kǝ̀kàl-fwɛ̀lɛ̀ 128

¹ Pyɔ̀ w jíl nwə̃́ə̃́. Wu-nyɔ̀ cə́bal wɔ́ lò mɔ̀bɔ́ gakó ń nə́ ń nyàm Bə-zhɔ-zhe, ń nə́ ń zhə̀l ń sɔ́má y yó mó ! ² Ǹmyɛ́ mɔ́ nə́ ǹ jí ń jɛ̃̀ tum rí kùjú wə́, ǹ wɔ́ wu-nyɔ̀ cə́bal, ǹ tumə né n’ê zwẽ nyí. ³ Ǹ kɛ̃ mɔ́ nyɛ̌ ǹdə də̀vɛ̃́ cò nã́-nyɔ̀ ta, ò n’ô zhĩ byǎ ǹ sõ jù wə̀ ; ǹ byǎ bɛ́ zɛ̃̀ bə̀ nyɛ̌ ǹdə wɔ́ Olyivyé cèmé nə̀ zhǐ nə kə́kɛ́lɛ́ mɔ́ ǹ kùjú jú jàà w ta. ⁴ Wɔ́ èta lò mɔ̀bɔ́ Bə-zhɔ-zhe cĩ́ bwəl ń yó mó wɔ́ nɛ́. ⁵ Bə-zhɔ-zhe mà n cĩ́ bwəl ǹ yó Səyɔ̃ nɛ́, ǹ yírhə́ b’a nə Zhərəzalɛm cɛ̀nɛ̀ rɛ́, dɛ̃ gakó kɔn m’e yí ǹ cu. ⁶ Ǹ yírhə́ m’a nə ǹ byǎ bɛ́ byǎ. Bə̀ yə̀-zùlə́ yál Esərayɛl nɛ́.