¹ Pyɔ̀ w jíl nwə̃́ə̃́. Saləmɔ nwə̃́. Nyǐ Bə-zhɔ̀-zhe gə yə̀ jì lwì, sə́ nyǐ bɛ̀bɛ́ bə̀ n’ê lwì y mú, wɔ́ tum bə̀ n’ê twĩ̀ nánfò. Bə-zhɔ-zhe gə tá ń yìlì cɔ nɛ, sə́ nyǐ lò mó mɔ̀bɔ́ ń nə́ ń yìlì w mú wɔ́ jan nɛ́ ń nə́ kwàrh nánfò. ² Á y’ǎ dùlí a pyẽ̀ á zɛ̃̀, á k’a tàkwã á bə̀ jè, á jí á lyààrɛ kùjú, e jà wɔ́ nánfò, nyɔ̀ɔ̀rhɛ́ tɛ̀nɛ́ yé ; sə lyì bí byɛ̀bɛ́ Bə-zhɔ-zhe só mó, ń nə́ ń pɛ bɛ kùjú bə̀ jí bə̀ swí bə̀ jan wẽ́. ³ Nyǐ byǎ wɔ́ Bə-zhɔ-zhe cəl kɔna, sə lùlì y kɛ̀bɛ́ è n’ê shí pwǐ wẽ́ mó wɔ́ kwǎndɛ Bə-zhɔ-zhe nə́ ń pɛ. ⁴ Kɔn nyɛ̌ ǹdə cama gə́ y’a ŋwɛ́nɛ́ búlə́ kã̀dɔ jɔ̀ w nɛ́, wɔ́ èta kɔn wɔ́ nɛ́ ǹdə́ byǎ byɛ̀bɛ́ lò lùl ǹdə́ ń wɔ́ ébɔ́-dǎl yi ní mú. ⁵ Wu-nyɔ̀ cə́bal wɔ́ lò mɔ̀bɔ́ ń ce ń swã̀ y sú ǹdə́ cama mɔ́ ! bə̀ lyì bí bə̀myɛ́ mɔ́ gə tú bə̀ la zɔ̌m ǹdə́ zwə̀ bwə̀rə̀ y w yi ní, cìzhìl t’â la bɛ jú yé.