¹ Nwíísí yé né cə́bal. Dəvyidi nwíísi. ² Bə-zhɔ̌-zhe, ǹ mà ń já ń swě à yò twéé twéé kɔn m'ê yí dǒ? Ǹ mà ń shèè ne ǹ cìn kɔn m'e yí dǒ? ³ À m'a cĩ́ twə́lə́ à wẽ́ kɔn m'e dǒ? À zù-bal mɔ́ mà n zɛ̃̀ búlə́ à yó kɔn m'e dǒ? ⁴ Bə-zhɔ̌-zhe, à Yi, nyǐ, sə́ lyár nɛ ! Ce à zə à yírhə́ ne nə shǐrh, mùnì ga à bə̀k'a dɛ̀ɛ̀ cu jan yé, ⁵ Mùnì ga à zù-bal mɔ́ bə̀ká n wɔ̀ : À ŋwɛ̀nɛ́ mɔ ! Sə byɛ̀bɛ́ bə̀n’ê bwí ǹdə́ nɛ mɔ́ bə̀k'a fùù à tɛ̃́ twirí y yil yé. ⁶ Àmyɛ́ zhe ǹ wu-bɔ̀nɔ̀ w zhə̀nà, à n'â fùù à wẽ́, ǹ vwǎrh mɔ́ yilə; À n'â nún Bə-zhɔ̌-zhe, bə̀ ń wɛ̀rhɛ́ nɛ cɛ̀nɛ̀.