¹ Nwíísi yé né cə́bal. Bə̀ n’ê dwí dàkɔ́nɔ́ ò nyínsi lyɛlɛ bə̀ m’ê núnə́. Davyidi nwíísi. ² Bə-zhɔ-zhe, vwǎrh nɛ ! Nyǐ lyì bí byɛ̀bɛ́ bə̀ zhe ǹ zhə̀n numbyínsí cəcəl mó n'ê lyɛ̃. ³ Zhə̀n-cìnə́ bé numbyíní byǎ bɛ́ cəcəl w mó n'ê jé tɛ̃́. Bə̀ n'ê gòm kɔma bə̀ pɛ dwã nɛ, wɔ́ myìnù zɔ̀mà nə̀ ŋwɛ́nɛ́ bə̀ nyú wə, bə̀ n'ê zɔ̀m ǹdə́ wun nə̀lyè nə̀lyè, ⁴ Bə-zhɔ̌-zhe, ce bə̀ nyə́ né nyɛ̀bɛ́ nə̀ n'ê zɔ̀m jàn zɔ̀mà nɛ́ mɔ́ jé tɛ̃́ cɛ yó. ⁵ Byɛ̀bɛ́ bə̀ n'ê wə̀lə̀: nə́ nə̀ mə̀jə̀ə̀lé yil nə́ zhe jàn, nə́ zhe nə́ mə̀jə̀ə̀lé, wɔ́ mɔ̌ ń mà n yə̀ nə́ cə̀rhnə? ⁶ Bə̀ n'ê nwɛ̀nɛ̀ zúzúnú cìnə́, nə̀nwã̀ bɛ́ wɔ́ wɔ́wɔ́lɔ́ yó bə̀ ŋwɛ́nɛ́ bə̀ n’ê wɔ́wɔ́lɛ́. Sə èlǎsɛ̃́, Bə-zhɔ̌-zhe wòwə̀: à m'a zɛ̃̀ a vwǎrh byɛ̀bɛ́ bə̀ n'ê mà mɔ́. ⁷ Bə-zhɔ̌-zhe zɔ̀mà nɛ́ wɔ́ wárhgáá, nə̀ wɔ́ sə̀byì-kùlì bə̀ kù tɛ̃́ bə yə̌l bə nyǐ, bə̀ yə̌l y twər tàlpyɛ̀ gakó bə nyǐ. ⁸ Bə-zhɔ̌-zhe, wɔ́ ǹmyɛ́ ǹ mà ń yìlì bi, ń cə̀r bə̀ yé né dwí rí rə̀myɛ́ mɔ́ yé né.