¹ Dəvyidi nwə̃́ə̃́. Pyɔ̀ w jíl nwə̃́. È gə də̀ Bə-zhɔ-zhe, wɔ́ mɔ̌ lò ń yìlì nə́ba, Esərayɛl, zɔ̌m rə̀myɛ́ ń byili ! ² È gə də̀ Bə-zhɔ-zhe, wɔ́ mɔ̌ lò ń yìlì nə́ba lyì bí byɛ̀bɛ́ bə̀ zɛ̃̀ bə̀ n’ê bwí ǹdə́ nə́ba mɔ́ yé né, ³ è gə y’à də̀ rə̀myɛ́, bə̀ y’à m’a lyì nə́ba ǹdə́ nə́ yírhə́ ga, ǹdə́ bə̀ lyimə né gə́ y’à zɛ̃̀ myìn-zhù nə́ yó mó yi ní ; ⁴ rə̀myɛ́ ce, nə́ y’ǎ m’ǎ mɔ́lɛ́ nɛ̃̌ wẽ́, bǔrh nɛ̃̌ wùl mə tó nə́ yó ; ⁵ zho nánfɔ̀lɔ̀ y’à m’a zɛ̃̀ o zə nɛ̃̌ mə wùl mə tó nə́ yó mə mɔ́lɛ́ nə́ba tɛ̃́. ⁶ Sə Bə-zhɔ-zhe nə còrhó ! bə̀ wɔ́ ńmyɛ̌ ń yə̀ nə́ba yẽ̌ n pə bɛ bə zə yə́lə́ bə dɔ̃̀ yé ! ⁷ rə̀myɛ́ ce, nə́ lú ǹdə wɔ́ kúmí è lú lyì byɛ̀bɛ́ bə̀ n’ê pàm wẽ̀ bə̀ m’ê zal kúmsi yé né ta, sə pɔ̀mɔ̀ w sɔ́wá, nə́ lú. ⁸ Wɔ́ Bə-zɔ-zhe yil ré wẽ́ nə́myɛ̌ kúrhí sãɔ̃ mɔ́ n’ê shí, ńmyɛ̌ mɔ̀bɔ́ ń wɛ̀rhɛ́ dɛ̃̌ ǹdə́ cɛ y mɔ́.