¹ Pyɔ̀ w jíl nwə̃́ə̃́. Lyì bí byɛ̀bɛ́ bə̀ zhí Bə-zhɔ-zhe ne mó, wɔ́ ǹdə Səyɔ̃ pyɔ̀ w ta : Ò zhǐ twéé twéé kẽkẽ, ò t’â dom gaga yé. ² Pyàr kə́kɛ́lɛ́ Zhərəzalɛm, wɔ́ èta myɛ Bə-zhɔ-zhe kə́kɛ́lɛ́ ń dwí rí ní, èlǎsɛ̃́ kɔn m’e la gaga byinə nə̀ bə zhɔ̌ zhe. ³ Bə̀ wu-bárhɛ́ pyɛ̀lɛ̀ də̀-dɔ̀lɔ̀ w ò ŋwɛ́nɛ́ lyì-bəlwǎlsɛ́ yil mó t’â la wu-cángá cìnə́ bé sõ zhǔ yé, mùnì ga bə̀ bə̀k’a zhẽ̌ bə̀ jɛ̃̀ bə zǎ lwɛlɛ nɛ yé. ⁴ Bə-zhɔ-zhe, wɛ̀rhɛ́ ǹ cɛ̀nɛ̀ rɛ́ lyì-twěsé, ǹdə́ lyì bí byɛ̀bɛ́ bə̀ wun wɔ́ òdù mú ni ! ⁵ Sə è gə wɔ́ lyì bí bə̀ zɛ̃̀ bə ywə̀r bə kwè sɔ́msɛ dwã mɔ́, ǹdə́ byɛ̀bɛ́ bə̀ n’ê wɛ̀rhɛ́ lwɛlɛ mɔ́, Bə-zhɔ-zhe, zhìlì bə̀myɛ́ mɔ́ ! Sə yə̀-zùlə́ jòm Esərayɛl nɛ́ !