1 Pyɔ̀ w jíl nwə̃́ə̃́. À zhẽ̌ à yìrhə́ a ce ǹmyɛ́ nɛ, ǹmyɛ́ mɔ̀bɔ́ ǹ jě dɛ̃̌ Arəzana w mɔ́ nɛ. 2 Nyǐ kɔn nyɛ̌ ǹdə wɔ́ tùntùnnə bə̀ yírhə́ pyǎ bə̀ yó-cə́bal jɛ̃̀ y yó w ta, ǹdə wɔ́ kɛ̃ ń wɔ́ tùntùnnə, ń yírhə́ zɛ̃̀ nə pyǎ ń yó-cə́bal jɛ̃̀ y yó ta. Èta, nə́myɛ yírhə́ pyìrhə́ nə zǎ Bə-zhɔ-zhe, nə́ Yi rí ni. 3 Rə̀myɛ́ ce, dǔr nə́ nɔ̀nɔ̀, Bə-zhɔ-zhe, dǔr nə́ nɔ̀nɔ̀ ! Bə̀ nyǐ nə́ sú ǹdə́ lyì bí tùùrhí dɛ̃́dɛ̃́ ; 4 nə́ wun ní sú ǹdə́ cìn-byilu cìnə́ mɔ̀n rɛ́, nə́ sú ǹdə́ cìn-dɛ̃̌ zhõ̌ cìnə́ bé tùùrhí.