¹ Esərayɛl byǎ bɛ́ gə́ du Ezhipti ní, Zhakɔbɛ nɛ̀mɛ́ nɛ́ gə́ du dwí rí rə̀ də̀ bə̀myɛ́ dwí mú wẽ́ mó kwã nɛ́, ² Zhidə jǐrh Yi jì, Esərayɛl jǐrh Yi jàà. ³ Nə̀-fɔ̀lɔ̀ w nə mɔ o dùr, Zhɔrdɛ̃ bwǐ y nə mɔ e kwɛ̃̀ e vò è kwã nɛ́, ⁴ Pyàr rɛ́ zɛ̃̀ rə̀ n’ê fwɛ̃́ ǹdə pyì-byerh ta, pyǎlsɛ n’ê fwɛ̃́ tɛ̃́ ǹdə bɔ̀-bwǎlsɛ ta. ⁵ Nə̀-fɔ̀lɔ̀, wɔ́ bə̀kɔ́n rə̀ zhe mó ǹ mə́ ǹ dùrə̀, Zhɔrdɛ̃ bwǐ, wɔ́ bə̀kɔ́n rə̀ zhe mó ń mə́ ń kwɛ̃̀ ǹ la ǹ kwã nɛ́ mɔ́ ? ⁶ Pyàr, sə wɔ́ bə̀kɔ́n rə̀ zhe ába á m’á fwɛ̃́ tɛ̃́ ǹdə pyì-byər ta mɔ́, sə ámyɛ pyǎlsɛ́, byè rə̀ zhe ámyɛ nɛ á m’a fwɛ̃́ tɛ̃́ ǹdə bɔ̀-bwǎlsɛ ta mɔ́ ? ⁷ Cɛ, kəkə Cǐnnə mó yé né ! Zhakɔbɛ Yi rí yé né : ⁸ Ńmyɛ̌ ń nə́ ń lyə́r pàtá nəkulu, nə̀-bùlì du nɛ̃̌ mə̀ n’ê dùr tɛ̃́.