¹ Zǔl-nə Bə-zhɔ-zhe ! ámyɛ̌ Bə-zhɔ-zhe tùntùnnə bé ! zǔl-nə Bə-zhɔ-zhe mó, zǔl-nə ń yil ré ! ² Bə̀ Bə-zhɔ-zhe yil ré nə còrhó, èlǎsɛ̃́ ǹdə́ twéé twéé gakó yilə ! ³ Cèrhé-nə Bə-zhɔ-zhe yil ré, nəkɔkɔ́lɛ́ e m’e yí dədɛ̀nɛ́ ! ⁴ Bə-zhɔ-zhe wɔ dɛ̃̌dɛ̃̌ du tənèsé gakó, ń zùwə́ y wɔ dɛ̃̌ yə né yó wə̀. ⁵ Wɔ́ mɔ̌ ǹ mà n nyɛrhɛ Bə-zhɔ-zhe, nə́ Yi rí ? Ń jàà y ŋwɛ́nɛ́ dɛ̃̌ yə né w gaga ; ⁶ ń jě gàà mɔ́ n lwəl ń nə́ ń nyǐ dɛ̃̌ yə́ né ǹdə́ tɛ̃́ cɛ y yó. ⁷ Wɔ́ cə-shó w wẽ́ ń nə́ ń vùr nə̀mɔ̀ mɔ́ nɛ́, wɔ́ pùlú w wẽ́ ń nə́ ń vùr bə lò zhe mó né, ⁸ n zɛ̃̀ n ce bə tó lyì-fwààlɛ nɛ bə jòm, bə tó ń dwí rí lyì-fwààlɛ́ nɛ bə jòm. ⁹ N pə ń jì y kə-eju ni o zù, n ce kə-eju w jǐrh wu-nyɔ̃̀ cə́-kɛ̃ ń byǎ cəcəl wə. Zǔl-nə Bə-zhɔ-zhe !