1 Dəvyidi nwə̃́ə̃́. Bə-zhɔ-zhe zɔ̀m n wɔ̀ à Cǐnnə mó ne : Bə̀ ń jòm à jə̀-jĩ́ ni, kɔn m’e yí a ce ń nɔ̀ ǹ zwə̀ bé ǹ nèrh kùr wə. 2 Bə-zhɔ-zhe mà n wɛ̀lɛ̀ ǹ pyɛ̀lɛ̀ rɛ́ də̀-dɔ̀lɔ̀ w ŋwɔ̀nɔ́ wa : Ǹ m’a jí pyɛ̀lɛ̀ ǹ zwə̀ bé cəcəl wə ! 3 dɛ̃ rɛ́ tɛ̀bɛ́ ń la ǹ shə̀dɛ́ɛ́sɛ́ dwã yó cṹ búlə́ né bú yil mú, ǹ dwí rí m’a zə paánsɛ shɛ̀bɛ́ sə̀ wɔ́ Yi nyɛ̌rh ǹdə́ jàn nánfɔ̀lɔ̀, rə tó nəkɔkɔlɛ nɛ rə bà, ǹ ébwá-dàlá bɛ b’a bə̀ ǹ sono ǹdə myɔ̀nɔ̀ ta. 4 Wɔ́ Bə-zhɔ-zhe ń bwəl nyí rí rə̀myɛ́ mɔ́, ce ń ń nyí rí t’â la kwǎrh gaga yé : Ǹ yə̀ vwĩ̀-zwə́lnə byinə nə̀ bə zhɔ̌ zhe yilə, ǹdə Mələsədɛkɛ ta. 5 Cǐnnə mó, ń zhǐ ǹ jə̀jĩ́ ni mú, nə́ ń lwé pyǎ tɛ̃́ n nɔ̀ bɛ tɛ̃́ n bɔbɔlɛ ǹ lyim gə zɛ̃̀ dɛ̃ rɛ́ yùwə̀. 6 Ń nə́ ń pɛ còrhò-tum tənèsé cəcəl w ǹdə́ cángá : cùùri j’a sú cə-yala nɛ́ gakó wə ; n nɔ̀ yó-kwə́ə́le (pyǎ) tɛ̃́ n bɔbɔlɛ tənà y gakó wẽ́. 7 Ń nə́ ń zhə̀l ǹdə́ ń nə́ ń nywɛ̀ nɛ̃̌ bǔ wə : Wɔ́ rə̀myɛ́ è ce ń nə́ ń zhẽ̌ lò yó dɛ̃̌.