¹ Yi zǔl nwə̃́ə̃́. Búbwéé-nə wu-nyɔ̃̀ búwéése á ce Bə-zhɔ-zhe ne, Ámyɛ̌ byɛ̀bɛ́ gakó á ŋwɛ́nɛ́ cɛ y yó mó ! ² Tó-nə Bə-zhɔ-zhe ne ǹdə́ wu-yɔ̃̀, fǔ-nə ǹdə́ wu-nyɔ̃̀ á m’a bə̀ ń yé né ! ³ Lwar-na bə̀ Bə-zhɔ-zhe wɔ́ Yi ! Wɔ́ rə̀myɛ́ rə̀ wɛ̀rhɛ́ nə́ba, wɔ́ rə̀myɛ́ lyì ǹdə́ nə́ba ; Nə́ wɔ́ rə̀ dwí, rə̀ vwàmá rə̀ n’ê kálá. ⁴ Zə-nə zùwə́ á m’á tó rə̀ bwə̀rsé á zù, á zə nwíísí á zù rə̀ jì y kɔ̀nɔ́ w wa ! ⁵ Bə̀ Bə-zhɔ-zhe càn ; ń wu-bɔ̀nɔ̀ w j’â ŋwɛ́nɛ́ twéé twéé, ń zhə̀n ré myɛ j’â ŋwɛ́nɛ́ byinə byinə gakó.