koussoube-marc-lee_jos_text

Kǝ̀kàl-fwɛ̀lɛ̀ 21

¹ Levyitibá jìsí cìnə́ zɛ̃̀ bə̀ b'e nə vwĩ̀-zwə́lnə Eləyazaarɛ ǹdə́ Nuuni byǐ Zhozwe ǹdə́ Esərayɛl lyì byǎ bɛ́ kwàlsɛ́ jìsí cìnə́ bé, ² Shilo né, Kanaã tənà y wẽ́ bə̀ wɔ̀ bɛ̀: «Cinu Yi tó Muyiisi dɛnnɛ n pə nyí bə̀ ń mà n pə nə́ba cɛmɛ nə́ jòm nə̀ wẽ́ ǹdə́ nə̀ cə-bwǎlsɛ́ nə́ vwàmá nɛ́ yilə. ³ Esərayɛl lyì byǎ bɛ́ zɛ̃̀ bə zù bə̀ cəl ré wẽ́ bə vùr cɛmɛ nɛ́ nyɛ̀bɛ́ ǹdə́ nə̀ cə-bwǎlsɛ́ bə pə Levyitibá ne ǹdə Cinu Yi gə́ yà ń pɔ nyí ní. ⁴ Tántɛ́ɛ́ y bə̀ tɔ́ mɔ́ zɔ Kəyətitibá jìsí; Levyitibá bə̀myɛ́ mɔ́ kə̀kàlà, vwĩ̀-zwə́lnə Aarɔ̃ byǎ bɛ́, tó tántɛ́ɛ́ dɛnnɛ bə nə Zhəda ǹdə́ Shəmənyɔ̃ ǹdə́ Bɛ̃zhamɛ kwálsɛ́ cɛmɛ shí ǹdə́ nə̀tɔ̀. ⁵ Kəyaatɛ byǎ bɛ́ byɛ̀bɛ́ bə̀ dàl mɔ́ tó tántɛ́ɛ́ dɛnnɛ bə nə Efərəyim ǹdə́ Dan kwálsɛ́ e súlí Manasɛ kwálá y kə̀kàlà y cɛmɛ shíyə́. ⁶ Gɛrəshɔn byǎ bɛ́ tó tántɛ́ɛ́ dɛnnɛ bə nə Yəsakaarɛ ǹdə́ Asɛɛrɛ ǹdə́ Nəfətəlyi kwálsɛ́ e súlí Manasɛ kwálá y kə̀kàlà y cɛmɛ shí ǹdə́ nə̀tɔ̀ Bashã nyí rí wẽ́. ⁷ Myərəri byǎ bɛ́ nɔ cɛmɛ shí ǹdə́ nə̀lyè Orɔbɛn ǹdə́ Gaadɛ ǹdə́ Zabyəlɔ̃ kwálsɛ́ wẽ́ kɔn mɛrhɛ dwã ǹdə bə̀ jìsí. ⁸ Esərayɛl lyì byǎ bɛ́ tó tántɛ́ɛ́ dɛnnɛ bə pə cɛmɛ nɛ́ nə̀myɛ́ ǹdə́ jààsɛ́ nə̀ yala nɛ mɔ́ Levyitibá nɛ ǹdə Cinu Yi gə́ yà ń tó Muyiisi dɛnnɛ n pə nyí ní. ⁹ Bə̀ pɔ Zhəda ǹdə́ Shəmənyɔ̃ kwálsɛ́ cɛ̀mɛ́ nɛ nyɛ̀bɛ́: Cərəyatɛ-Arəba bə̀ n'ê súlí bə̀ byẽ̀ bə̀ Ebərɔ̃ mɔ́ ¹⁰ ǹdə́ jààsɛ́ sə̀ y'à kə́kɛ́lɛ́ w mɔ́ Aarɔ̃ byǎ bɛ́ bə̀ y'à wɔ́ Kəyətitibá Levyi byǎ bɛ́ wẽ́ mó ne, Zhəda pyàr rɛ́ wẽ́; tántɛ́ɛ́ gə́ tó yé e zə bɛ mɔ́ yilə. Arəba y'à wɔ́ Anakɛ da. ¹¹ Bə zɛ̃̀ bə pə cɔ w cɛsɛ́ ǹd'ô cə-bwǎlsɛ Yəfũne byǐ Kalɛɛbɛ nɛ n cìní. ¹² Bə pə cɛmɛ nɛ́ nyɛ̀bɛ́ nə̀ la yə̀ gurə shòò jààsɛ̀ vwĩ̀-zwə́lnə Aarɔ̃ byǎ bɛ́ nɛ: Ebərɔ̃ ǹdə́ jààsɛ́ ò yala nɛ mɔ́, Lyəbəna ǹdə́ jààsɛ́ ò yala nɛ mɔ́, ¹³ Yətiiri ǹdə́ jààsɛ́ ò yala nɛ mɔ́, Eshətəmɔwa ǹdə́ jààsɛ́ ò yala nɛ mɔ́, ¹⁴ Olɔ̃ ǹdə́ jààsɛ́ ò yala nɛ mɔ́, Dəbyiiri ǹdə́ jààsɛ́ ò yala nɛ mɔ́, ¹⁵ Ashã ǹdə́ jààsɛ́ ò yala nɛ́ mɔ́, Yəta ǹdə́ jààsɛ́ ò yala nɛ mɔ́, Bɛtɛ-Shəmɛɛshɛ ǹdə́ jààsɛ́ ò yala nɛ mɔ́: nə̀ wɔ́ cɛmɛ nə̀bɔ́ bə̀ vùr kwálsɛ́ sə̀myɛ́ sə̀lyè y wẽ́. ¹⁶ Ashã ǹdə́ jààsɛ́ ò yala nɛ́ mɔ́, Yəta ǹdə́ jààsɛ́ ò yala nɛ mɔ́, Bɛtɛ-Shəmɛɛshɛ ǹdə́ jààsɛ́ ò yala nɛ mɔ́: nə̀ wɔ́ cɛmɛ nə̀bɔ́ bə̀ vùr kwálsɛ́ sə̀myɛ́ sə̀lyè y wẽ́. ¹⁷ Bɛ̃zhamɛ kwálá y wẽ́ bə̀ pɔ bɛ: Gabaɔ̃ ǹdə́ jààsɛ́ ò yala nɛ mɔ́, Gəba ǹdə́ jààsɛ́ ò yala nɛ mɔ́, ¹⁸ Anatɔɔtɛ ǹdə́ jààsɛ́ ò yala nɛ mɔ́, Aləmɔ̃ ǹdə́ jààsɛ́ ò yala nɛ mɔ́: nə̀ wɔ́ cɛmɛ nə̀na. ¹⁹ Vwĩ̀-zwə́lnə byɛ̀bɛ́ bə̀ y'à wɔ́ Aarɔ̃ byǎ bɛ́ cɛmɛ nɛ́ gakó y'à wɔ́ cɛmɛ shí ǹdə́ nə̀tɔ̀ ǹdə́ jààsɛ́ nə̀ yala nɛ mɔ́. ²⁰ Kəyaatɛ byǎ bɛ́ dwã bɛ́ bə̀ y'à wɔ́ Levyitibá, jìsí tó tántɛ́ɛ́ dɛnnɛ bə nə Efərəyim kwálá y cɛmɛ. ²¹ Bə̀ pɔ bɛ cɛmɛ nɛ́ nyɛ̀bɛ́ nə̀ la yə̀ gurə shòò jààsɛ̀: Shəshɛm ǹdə́ jààsɛ́ ò yala nɛ mɔ́ Efərəyim pyàr rɛ́ wẽ́ ǹdə́ Gɛzɛɛrɛ ǹdə́ jààsɛ́ ò yala nɛ mɔ́, ²² Kəbəsəyim ǹdə́ jààsɛ́ ò yala nɛ mɔ́, Bɛtɛ-Orɔ̃ ǹdə́ jààsɛ́ ò yala nɛ mɔ́: nə̀ wɔ́ cɛmɛ nə̀na. ²³ Dan kwálá y wẽ́ bə̀ pɔ bɛ Elətəkɛ ǹdə́ jààsɛ́ ò yala nɛ́ mɔ́, Gɛbətɔ̃ ǹdə́ jààsɛ́ ò yala nɛ mɔ́, ²⁴ Ayalɔ̃ ǹdə́ jààsɛ́ ò yala nɛ mɔ́, Gaatɛ-Erəmɔ̃ ǹdə́ jààsɛ́ ò yala nɛ mɔ́: nə̀ wɔ́ cɛmɛ nə̀na. ²⁵ Manasɛ́ kwálá y kə̀kàlà y wẽ́ bə̀ pɔ bɛ Taanakɛ ǹdə́ jààsɛ́ ò yala nɛ mɔ́, Yəbələyam ǹdə́ jààsɛ́ ò yala nɛ mɔ́: nə̀ wɔ́ cɛmɛ nə̀lyè. ²⁶ Cɛmɛ nɛ́ nyɛ̀bɛ́ bə pɔ Kəyaatɛ byǎ bɛ́ bə̀ dàl mɔ́ nɛ́ mɔ́ gakó jìsí ne mó wɔ́ cɛmɛ shíyə́, ǹdə́ jààsɛ́ nə̀ yala nɛ mɔ́. ²⁷ Manasɛ kwálá kə̀kàlà y dõ mó wẽ́ bə pɔ: Gɛrəshɔn byǎ byɛ̀bɛ́ bə̀ wɔ́ Levyitibá nɛ: Gɔlã, Bashã nɛ́ ǹdə́ jààsɛ́ ò yala nɛ mɔ́, Byəəshətəra ǹdə́ jààsɛ́ ò yala nɛ mɔ́ nə̀ la yə̀ gurə shòò jààsɛ: nə̀ wɔ́ cɛmɛ nə̀lyè. ²⁸ Yəsakaarɛ kwálá y wẽ́ bə̀ pɔ bɛ: Cəshɔ̃ ǹdə́ jààsɛ́ ò yala nɛ mɔ́, Dəbəratɛ ǹdə́ jààsɛ́ ò yala nɛ mɔ́, ²⁹ 2Yərəmɔɔtɛ ǹdə́ jààsɛ́ ò yala nɛ mɔ́, Ein-Gənimi ǹdə́ jààsɛ́ ò yala nɛ mɔ́: nə̀ wɔ́ cɛmɛ nə̀na. ³⁰ Asɛɛrɛ kwálá y wẽ́ bə̀ pɔ bɛ: Myəshəyal ǹdə́ jààsɛ́ ò yala nɛ mɔ́, Abədɔ̃ ǹdə́ jààsɛ́ ò yala nɛ mɔ́, ³¹ Eləkatɛ ǹdə́ jààsɛ́ ò yala nɛ mɔ́, Erəwɔbɛ ǹdə́ jààsɛ́ ò yala nɛ mɔ́: nə̀ wɔ́ cɛmɛ nə̀na. ³² Nəfətəlyi kwálá y wẽ́ bə̀ pɔ cɛmɛ nɛ́ nyɛ̀bɛ́ nə̀ la yə̀ gurə shòò jààsɛ̀: Kədɛshɛ Gəlile né ǹdə́ jààsɛ́ ò yala nɛ mɔ́, Amaatɛ-Dɔɔrɛ ǹdə́ jààsɛ́ ò yala nɛ mɔ́, Karətã ǹdə́ jààsɛ́ ò yala nɛ mɔ́: nə̀ wɔ́ cɛmɛ nə̀tɔ̀. ³³ Gərəshonitibá cɛmɛ nɛ́ gakó, kɔn mɛrhɛ dwã ǹdə bə̀ jìsí, wɔ́ cɛmɛ shí ǹdə́ nə̀tɔ̀ ǹdə́ jààsɛ́ nə̀ yala nɛ mɔ́. ³⁴ Bə̀ pɔ Myərəri byǎ bɛ́ jìsí, Levyitibá dwã bɛ́ nɛ Zabyəlɔ̃ kwálá y cəl ré wẽ́, Yɔkənəyam ǹdə́ jààsɛ́ ò yala nɛ mɔ́, Karəta ǹdə́ jààsɛ́ ò yala nɛ mɔ́, ³⁵ Erəmɔ̃na ǹdə́ jààsɛ́ ò yala nɛ mɔ́, Naalal ǹdə́ jààsɛ́ ò yala nɛ mɔ́: nə̀ wɔ́ cɛmɛ nə̀na. ³⁶ Zhɔrdɛ̃ bwǐ y Zheriko né mɔ́ kwã nɛ́, Orɔbɛn kwálá y wẽ́ bə pɔ Bəsɛɛrɛ ǹdə́ jààsɛ́ ò yala nɛ mɔ́, tə̀na y è wɔ́ jə́-è-zɛ̃̀-dɛ̃̌ mɔ́ èpòlò w wẽ́, Yaasɛ ǹdə́ jààsɛ́ ò yala nɛ mɔ́, ³⁷ Kədəmɔtɛ ǹdə́ jààsɛ́ ò yala nɛ mɔ́, Myəfaatɛ ǹdə́ jààsɛ́ ò yala nɛ mɔ́: nə̀ wɔ́ cɛmɛ nə̀na; nə la yə̀ gurə shòò jààsɛ̀. ³⁸ Gaadɛ kwálá y wẽ́, bə̀ pɔ cɛmɛ nyɛ̀bɛ́ nə̀ la yə̀ gurə shòò jààsɛ̀: Aramatɛ Galaadɛ ǹdə́ jààsɛ́ ò yala nɛ mɔ́, Məyənəyimi ǹdə́ jààsɛ́ ò yala nɛ mɔ́, ³⁹ Eshəbɔ̃ ǹdə́ jààsɛ́ ò yala nɛ mɔ́, Yazɛɛrɛ ǹdə́ jààsɛ́ ò yala nɛ mɔ́. Nə̀ gakó wɔ́ cɛmɛ nə̀na. ⁴⁰ Cɛmɛ nɛ́ gakó bə̀ tó tántɛ́ɛ́ dɛnnɛ bə pə Myərəri byǎ bɛ́ dwã bɛ́ bə̀ wɔ́ Levyitibá nɛ, kɔn mɛrhɛ dwã ǹdə bə̀ jìsí wɔ́ cɛmɛ shí ǹdə́ nə̀lyè. ⁴¹ Levyitibá cɛmɛ nɛ́ gakó cəl ré wẽ́ mó wɔ́ cɛmɛ shí-ɛ̀na ǹdə́ lyɛlɛ ǹdə́ nə̀ jààsɛ́ nə̀ yala nɛ mɔ́. ⁴² Cɛmɛ nɛ́ nə̀myɛ́ òdù gakó jààsɛ́ ò yala nɛ mɔ́ y'à kə́kɛ́lɛ́ wa. Kɔn y'à wɔ́ èta cɛmɛ nɛ́ nə̀myɛ́ gakó yilə. ⁴³ Cinu pɔ nɛ tənà y kɛ̀bɛ́ gakó ń yà ń bwəl nyí bə̀ ń la bə̀ dabá nɛ pɔ mɔ́. Bə̀ zwẽ y bə cìní, bə j'á jòm gàà. ⁴⁴ Cinu Yi pə bɛ shìrhə́, kɔn gə́ y'à kə́kɛ́lɛ́ bɛ mɔ́ nyí rí gakó wẽ́, kɔn gakó tó ǹdə ń gə̀ yà ń bwəl nyí bə̀ dabá nɛ nɛ́; bə̀ zwə̀ bé gakó wẽ́, lò mə̀dù ga myɛ yə̀ ŋwɛ̀nɛ́ n zhì bə̀ yé né yé. Cinu Yi yà ń co bə̀ zwə̀ bé gakó bə̀ jɔ̃̀ wa. ⁴⁵ Cɛ̀nɛ̀ rɛ́ tɛ̀bɛ́ gakó Cinu bwəl n pə Esərayɛl lyì byǎ bɛ́ dwí rí ni mú rə̀dù ga myɛ yə̀ mɛ̃ nánfò yé. Rə̀ gakó pyìrh.