koussoube-marc-lee_jos_text

Kǝ̀kàl-fwɛ̀lɛ̀ 19

¹ Twər rə̀lyè nyǎn rɛ́, cəl ré tántɛ́ɛ́ zɔ mɔ́ yàl Shəmənyɔ̃ kwálá y byǎ bɛ́ yilə kɔn mɛrhɛ dwã ǹdə́ bə̀ jìsí. Bə̀ cəl ré y'à ŋwɛ́nɛ́ Zhəda byǎ bɛ́ nyǎn rɛ́ cəcəl wə. ² Cəl ré bə̀ nɔ mɔ́ y'à wɔ́: Bɛɛr-Shəba, Shəma, Mɔlada, ³ Asaarɛ-Shəwal, Bala, Ekɛɛmɛ, ⁴ Elətɔladɛ, Bətuli, Orəma, ⁵ Shəkəlagɛ, Bɛtɛ-Mərəkəbɔtɛ, Aasarɛ-Swəza, ⁶ Bɛtɛ-Ləbəwɔtɛ, Shərəwɛn: cɛmɛ shí ǹdə́ nə̀tɔ̀ ǹdə́ nə̀ cə-bwǎlsɛ́. ⁷ E súlí Eyin-Erəmɔ̃, Etɛɛrɛ ǹdə́ Ashã: cɛmɛ nə̀na ǹdə́ nə̀ cə-bwǎlsɛ. ⁸ E súlí cə-bwǎlsɛ shɛ̀bɛ́ gakó sə̀ y'à kə́kɛ́lɛ́ cɛmɛ nɛ kɔn b'e vò Baalatɛ-Bɛɛrɛ, bə̀ n'ê súlí bə̀ byẽ̀ bə̀ Aramatɛ, jə̀-jĩ́ sõ mó. Wɔ́ rə̀myɛ́ rə̀ yàl Shəmənyɔ̃ kwálá y byǎ bɛ́ cəl ré kɔn mɛrhɛ dwã ǹdə bə̀ jìsí. ⁹ Shəmənyɔ̃ byǎ bɛ́ cəl ré shí Zhəda byǎ bɛ́ cəl ré wẽ́, bə̀ Zhəda byǎ bɛ́ cəl ré y'à já dɛ̃́dɛ̃́ bə̀ yilə; wɔ́ rə̀myɛ́ rə̀ ce Shəmənyɔ̃ byǎ bɛ́ nɔ bə̀ cəl ré Zhəda byǎ bɛ́ nyǎn rɛ́ wẽ́. ¹⁰ Twər rə̀tɔ̀ nyǎn rɛ́, cəl ré tántɛ́ɛ́ y zɔ mɔ́ yàl Zabyəlɔ̃ byǎ bɛ́ yilə, kɔn mɛrhɛ dwã ǹdə́ bə̀ jìsí. Bə̀ cəl ré swɛ̃́ rɛ́ y'à lyɛ̃ rə yí Səriidi. ¹¹ Rə̀ y'à kwẽ̌ rə̀ vò yi-zùr səta ǹdə́ Marəyala səta, rə̀ y'à n'ê dwə̀rh Dabəshɛtɛ ǹdə́ nə̀-gɔ̀lɔ̀ w kɔ̀bɔ́ ò ŋwɛ́nɛ́ Yɔkənəyam yé né mó ne. ¹² Rə̀ y'à zhì Səriidi ní rə gwɛ̃́ rə zǎ yi-púrhí səta, Cəsəlɔtɛ-Tabɔɔrɛ swɛ̃́ rɛ́ yó, rə lyɛ̃ rə twèlé rə zǎ Dəbəratɛ, rə zɛ̃̀ rə kwẽ̌ rə vò Yəfəya ¹³ Rə̀ y'à zhì gàà, rə tó yi-zùr wə, Gaatɛ-Efɛɛrɛ nɛ́, Yəta-Kəsin ní, rə lyɛ̃ rə zǎ Erəmɔ̃na, ò yé y zǎ Nəya səta mɔ́. ¹⁴ Swɛ̃́ rɛ́ y'à n'ê tó Erəmɔ̃na cã̌ nɛ, jə̀-gwã̀ sõ, kɔn zǎ Anatɔ̃ səta rə zɛ̃̀ rə vò rə gu yó Yəfətaa-Elɛ nə̀-gɔ̀lɔ̀ w nɛ. ¹⁵ E súlí Katatɛ ǹdə́ Naalal ǹdə́ Shəmərɔ̃ ǹdə́ Yədəyala ǹdə́ Bɛtələyɛma: cɛmɛ shí ǹdə́ nə̀lyè ǹdə́ nə̀ cə-bwǎlsɛ́. ¹⁶ Wɔ́ rə̀myɛ́ rə̀ yàl Zabyəlɔ̃ byǎ bɛ́ cəl ré ǹdə́ rə̀ cɛmɛ nɛ́ ǹdə́ nə̀ cə-bwǎlsɛ́ kɔn mɛrhɛ dwã ǹdə bə jìsí. ¹⁷ Twər rə̀na nyǎn rɛ́, cəl ré tántɛ́ɛ́ y zɔ mɔ́ yàl Yəsakaarɛ byǎ bɛ́ yilə kɔn mɛrhɛ dwã ǹdə bə̀ jìsí. ¹⁸ Bə̀ tə̀nà y cɛmɛ nɛ́ y'à wɔ́ Zhəzərɛyɛl, Kəsəlɔtɛ, Shənɛm ¹⁹ Afərəyim ǹdə́ Səyɔ̃ ǹdə́ Anaaratɛ, ²⁰ 2ǹdə́ Arəbiti ǹdə́ Cəshəyɔ̃ ǹdə́ Ebɛɛsɛ ǹdə́ ²¹ Erəmətɛ ǹdə́ Ein-Gənimi ǹdə́ Eyin-Ada ǹdə́ Bɛtɛ-Pasɛɛsɛ səta. ²² Swɛ̃́ rɛ́ y'à n'ê dwə̀rh Tabɔɔrɛ, Shaacəma, Bɛtɛ-Shəmɛɛshɛ, rə lyɛ̃ rə vò rə gu yó Zhɔrdɛ̃ bwǐ y yó: cɛmɛ shí ǹdə́ nyə̀ldù ǹdə́ nə̀ cə-bwǎlsɛ́. ²³ Wɔ́ rə̀myɛ́ rə̀ yàl Yəsakaarɛ kwálá y byǎ bɛ́ cəl ré ǹdə́ rə̀ cɛmɛ nɛ́ ǹdə́ nə̀ cə-bwǎlsɛ́ kɔn mɛrhɛ dwã ǹdə bə̀ jìsí. ²⁴ Twər rə̀nu nyǎn rɛ́, cəl ré tántɛ́ɛ́ y zɔ mɔ́ yàl Asɛɛrɛ kwálá byǎ bɛ́ yilə, kɔn mɛrhɛ dwã ǹdə bə̀ jìsí. ²⁵ Bə̀ tənà y cɛmɛ nɛ́ y'à wɔ́: Eləkatɛ, Alyi, Bətɛnɛ, Akəshəfɛ, ²⁶ Aləmyəlɛkɛ, Aməyadɛ, Myəshəyal; bə̀ swɛ̃́ rɛ́ y'à lyɛ̃ rə yí Karəmɛl, yi-zùr wə̀ e súlí Shəwɔrɛ-Lyəbənatɛ; ²⁷ rə̀ y'à n'ê gwɛ̃́, yi rí gə́ n'ê púrh mə̀gã̌, Bɛtɛ-Dagɔ̃ nɛ́, rə lyɛ̃ rə yí Zabyəlɔ̃ ǹdə́ Yəfəta-Elɛ nə̀-gɔ̀lɔ̀ w nɛ Bɛtɛ-Emɛkɛ ǹdə́ Nəyɛl jə̀-gwã̀ sõ; rə lyɛ̃ rə twèlé rə vò Kəbul səta, jə̀-gwã̀ sõ, ²⁸ ǹdə́ Abədɔ̃, Erəwɔbɛ, Amɔ̃ ǹdə́ Kana səta, e b'e yí Sədɔ̃, Cə-fɔ̀lɔ̀-wá. ²⁹ Rə̀ y'à gwɛ̃́ rə zǎ Arama səta, rə lyɛ̃ rə yí Tiiri cɔ w bə̀ lù byíl-fwɛ̀lɛ̀ bə kə́kɛ́lɛ́ w bə̀ m'ê yìlì w mú; rə zɛ̃̀ rə gwɛ̃́ rə zǎ Wɔsa ǹdə́ Nə̀-fɔ̀lɔ̀ w səta, rə zɛ̃̀ rə vò rə gu yó Maalɛbɛ ǹdə́ Akəzibi ³⁰ ǹdə́ Ako ǹdə́ Afɛɛkɛ ǹdə́ Erəwɔbɛ nɛ́: cɛmɛ shí-èlyè ǹdə́ nə̀lyè ǹdə́ nə̀ cə-bwǎlsɛ́. ³¹ Wɔ́ rə̀myɛ́ rə̀ yàl Asɛɛrɛ kwálá y byǎ bɛ́ cəl ré ǹdə́ nə̀ cɛmɛ nɛ́ ǹdə́ nə̀ cə-bwǎlsɛ́ kɔn mɛrhɛ dwã ǹdə bə̀ jìsí. ³² Twər tə̀ldù nyǎn rɛ́, cəl ré tántɛ́ɛ́ y zɔ mɔ́ yàl Nəfətəlyi byǎ bɛ́ yilə, kɔn mɛrhɛ dwã ǹdə bə̀ jìsí. ³³ Bə̀ swɛ̃́ rɛ́ y'à zhì Elɛɛfɛ nɛ́, e súlí Elɔ̃ nɛ́ ǹdə́ ǹ gə tó Sənənim ǹdə́ Adəmyi-Nəkɛɛbɛ nɛ́ ǹdə́ Yabənəyɛl nɛ́ rə m'e vò Ləkum, rə vò rə gu yó Zhɔrdɛ̃ bwǐ y yó. ³⁴ Swɛ̃́ rɛ́ y'à gwɛ̃́ Azənɔtɛ-Tabɔɔrɛ nɛ́, rə zǎ yi-zùr səta; rə zɛ̃̀ rə zhì gàà rə lyɛ̃ rə twèlé rə vò Ukooke səta. Rə̀ y'à n'ê fwàl Zabyəlɔ̃ nɛ, jə̀-jĩ́ sõ, ǹdə́ Asɛɛrɛ nɛ yi-zùr sõ, e súlí Zhəda Zhɔrdɛ̃ bwǐ y ni, kɔn zǎ yi rí gə́ n'ê púrh mə̀gã̌ mɔ́. ³⁵ Cɛmɛ nɛ́ nyɛ̀bɛ́ nə̀ y'à lù nə kə́kɛ́lɛ́ bə̀ m'ê yìlì ni mú y'à wɔ́: Sidim ǹdə́ Sɛɛrɛ ǹdə́ Amaatɛ ǹdə́ Arakaatɛ ǹdə́ Cənərɛtɛ ³⁶ ǹdə́ Adəma ǹdə́ Arama ǹdə́ Asɔɔrɛ ³⁷ ǹdə́ Kədɛshɛ ǹdə́ Edərəyi ǹdə́ Eyin-Asɔɔrɛ ³⁸ ǹdə́ Yərɔ̃ ǹdə́ Myəgədal-Elɛ ǹdə́ Orɛm ǹdə́ Bɛtɛ-Anatɛ ǹdə́ Bɛtɛ-Shəmɛɛshɛ; cɛmɛ shí ǹdə́ nə̀bɔ́ ǹdə́ nə̀ cə-bwǎlsɛ́. ³⁹ Wɔ́ rə̀myɛ́ rə̀ yàl Nəfətəlyi kwálá y byǎ bɛ́ cəl ré ǹdə́ rə̀ cɛmɛ nɛ́ ǹdə́ nə̀ cə-bwǎlsɛ́ kɔn mɛrhɛ dwã ǹdə bə̀ jìsí. ⁴⁰ Twər tàlpyɛ̀ nyǎn rɛ́, cəl ré tántɛ́ɛ́ y zɔ mɔ́ yàl Dan kwálá y byǎ bɛ́ yilə, kɔn mɛrhɛ dwã ǹdə bə̀ jìsí. ⁴¹ Bə̀ cəl ré swɛ̃́ rɛ́ y'à wɔ́ Sɔrɛya ǹdə́ Eshətawɔl ǹdə́ Yiri-Shəmɛshɛ ⁴² ǹdə́ Shələbin ǹdə́ Ayalɔ̃ ǹdə́ Yətəla, ⁴³ Elɔ̃ ǹdə́ Təmənata ǹdə́ Ekərɔ̃ ⁴⁴ ǹdə́ Elətəkɛ ǹdə́ Gəbətɔ̃ ǹdə́ Baalatɛ ⁴⁵ ǹdə́ Yəwudi ǹdə́ Bənɛ-Bərakɛ, Gaatɛ-Erəmɔ̃ ⁴⁶ ǹdə́ Yərəkɔ̃ nàná bɛ́, Arəkɔ̃ ǹdə́ tənà y è ŋwɛ́nɛ́ Zhafa yé né mó. ⁴⁷ Sə bə̀ tú bə zwẽ Dan byǎ bɛ́ tənà y bə̀ jɔ̃̀ wa. Rə̀myɛ́ yi ní, Dan byǎ bɛ́ zɛ̃̀ bə vò bə́ bú ǹdə́ Ləshɛm cɔ w, bə zwẽ wə. Bə gu ò lyì bí ǹdə́ búlə́-shìmì, bə̀ zɛ̃̀ bə zwẽ w bə cìní. Bə j'á jòm gàà; bə̀ zɛ̃̀ bə zə Dan, bə̀ nàmbal mɔ́ yil ré, bə m'ê byẽ̀ Ləshɛm. ⁴⁸ Wɔ́ rə̀myɛ́ rə̀ yàl Dan kwálá y byǎ bɛ́ cəl ré ǹdə́ rə̀ cɛmɛ nɛ́ ǹdə́ nə̀ cə-bwǎlsɛ́ kɔn mɛrhɛ dwã ǹdə bə̀ jìsí. ⁴⁹ Esərayɛl lyì byǎ bɛ́ gə́ tú bə tə̀ tənà y kɔn tó dwã ǹdə́ è swã́ nɛ́ bə zhɛ̀, bə pɔ cəl Nuuni byǐ Zhozwe ne, bə̀ cəcəl wə. ⁵⁰ Bə̀ pɔ mɔ Təmənatɛ-Sɛraa, cɔ w kɔ̀bɔ́ ń yà ń lwə̀l mó, Efərəyim pyàr rɛ́ wa, ǹdə Cinu gə́ yà ń pɔ nyí ní. Zhozwe kwɛrhɛ n lù cɔ w, sə ń já n jòm gàà. ⁵¹ Wɔ́ cələ né nyɛ̀bɛ́ vwĩ̀-zwə́lnə* Eləyazaarɛ ǹdə́ Nuuni byǐ Zhozwe ǹdə́ kwálsɛ́ jìsí cìnə́ bé tó tántɛ́ɛ́ y dɛnnɛ bə tə̀ Shilo né Cinu Yi yé né, Yi kòrhó étwí-ènyí rí ni. Wɔ́ èta bə̀ tə̀l Kanaã tənà y nɛ́ bə zhɛ̀.