koussoube-marc-lee_jos_text

Kǝ̀kàl-fwɛ̀lɛ̀ 15

¹ Nyǐ Zhəda kwálá y byǎ bɛ́ cəl ré kɔn mɛrhɛ dwã ǹdə bə̀ jìsí. Rə̀ y'à twèlé rə vò Edɔm swɛ̃́ rɛ́ səta, Shini èpòlò wə́, kɔn zǎ jə̀-jĩ́ sõ Təyəmã səta. ² Bə̀ swɛ̃́ rɛ́ jə̀-jĩ́ sõ mó y'à zhì Nə̀kwə̃̌ nə̀-fɔ̀lɔ̀ w yə́-pɛ̀lɛ́ y nɛ, kɔn zhì nə̀-fɔ̀lɔ̀ w kə̀kàlà y è nyɛ̌ dwã ǹdə mə̀jòlò ta è zǎ Nəgɛɛvɛ nɛ, ³ rə twèlé rə tó Akərəbyim sə-jìlə́ y ne rə vò jə̀-jĩ́ səta, rə tó Shini ní rə lyɛ̃, rə zɛ̃̀ rə kwẽ̌ rə vò Kədɛshɛ-Barənəya jə̀-jĩ́ sõ, rə tó Eshərɔ̃, rə kwẽ̌ rə zǎ Adaarɛ, rə zɛ̃̀ rə gwɛ̃́ rə̀ zǎ Karəka; ⁴ rə tó Ashəmɔ̃ rə lyɛ̃, rə twèlé rə yí Ezhibti nə̀-gɔ̀lɔ̀ w nɛ, rə vò rə m'e yí Nə̀-fɔ̀lɔ̀ w nɛ. «Wɔ́ rə̀myɛ́ rə̀ m'à yə̀ á jə̀-jĩ́ sõ swɛ̃́ rɛ́.» ⁵ Yi púrhí wə, swɛ̃́ rɛ́ y'à wɔ́ Nə̀kwə̃̌ nə̀-fɔ̀lɔ̀ w e m'e vò Zhɔrdɛ̃ bwǐ y yó-gurə́ y ne. Jə̀-gwã̀ sõ mó, rə̀ y'à zhì nə̀-fɔ̀lɔ̀ w y kə̀kàlà y è zù tənà y wẽ́ mó ne rə̀ vò Zhɔrdɛ̃ bwǐ y yó-gurə́ y nɛ. ⁶ Swɛ̃́ rɛ́ y'à kwẽ̌ rə vò Bɛtɛ-Ogəla, rə tó Bɛtɛ-Araba jə̀-gwã̀ nɛ, rə zɛ̃̀ rə kwẽ̌ rə lyɛ̃ rə yí Orɔbɛn byǐ Bɔwanɛ Nə́kulu w ni. ⁷ Rə̀ y'à kwẽ̌ rə lyɛ̃ rə tó Akɔɔrɛ pyə̀-gɔ̀rɔ́ w nɛ, rə zǎ Dəbyiiri; rə zɛ̃̀ rə gwɛ̃́ jə̀-gwã̀ sõ rə zǎ Jələgal Adumyimi sə-jìlə́ y yé né, nə̀-gɔ̀lɔ̀ w jə̀-jĩ́ sõ. Rə̀ y'à n'ê tó Eyin-Shəmɛshɛ nàná bɛ́ nyí ni rə zɛ̃̀ rə yí Eyin-Orəgwɛl. ⁸ Swɛ̃́ rɛ́ y'à kwẽ̌ rə twèlé Bɛn-Yənome pyə̀-gɔ́rɔ́ w nɛ, Zhəbuzhitibá vɔ̃̀ nɛ, jə̀-jĩ́ sõ, è n'ê yǎl e wɔ̀ Zhərəzalɛm, rə zɛ̃̀ rə lyɛ̃ rə jì pyɔ̀ w kɔ̀bɔ́ ò ŋwɛ́nɛ́ Yənome pyə̀-gɔ́rɔ́ w yé né, yi-zùr w mú, yə́-pɛ̀lɛ́ wa, Erəfəyitibá vɔlɔ w yó-gurə́ y wə, jə̀-gwã̀ sõ mó. ⁹ Swɛ̃́ rɛ́ y'à zhì pyɔ̀ w yə́-pɛ̀lɛ́ wa, rə gwɛ̃́ rə yí Nəfətwa nàná bɛ́ nə̀-bùlì y yó, rə lyɛ̃ rə twèlé rə zǎ Yəyim Efərɔ̃ pyɔ̀ w wẽ́, rə zɛ̃̀ rə gwɛ̃́ rə zǎ Baala, è n'ê yǎl e wɔ̀ Cərəyaatɛ-Yəyərim. ¹⁰ Rə zhì Baala nɛ́ rə gwɛ̃́ yi-zùr wə̀, rə zǎ Səyiiri pyɔ̀ wá, rə tó túr pyɔ̀ w sarh nɛ, jə̀-gwã̀ sõ, è n'ê yǎl e wɔ̀ Kəsalɔ̃, rə só rə vò Bɛtɛ-Shəmɛɛshɛ, rə tó Təməna rə lyɛ̃. ¹¹ Rə y'à twèlé rə tó Ekərɔ̃ sarh nɛ, jə̀-gwã̀ sõ, rə gwɛ̃́ Shəkarɔ̃ nɛ́, rə tó Baala pyɔ̀ w wa rə lyɛ̃ rə yí Yabənəyɛl, rə zɛ̃̀ rə vò rə gu yó Nə̀-fɔ̀lɔ̀ w nɛ. ¹² Yi-zùr swɛ̃́ rɛ́ y'à wɔ́ Mədətərəne y ǹdə́ kɔn gə́ bwə́l gàà mɔ́ nyí rí. Wɔ́ Zhəda byǎ bɛ́ tənà y, kɔn gə́ kə́kɛ́lɛ́ nɛ́ èta, kɔn mɛrhɛ dwã ǹdə bə̀ jìsí. ¹³ Bə̀ pɔ cəl Yəfũne byǐ Kalɛɛbɛ nɛ, Zhəda byǎ bɛ́ cəcəl wə, ǹdə Cinu Yi gə́ yà ń pɔ nyí Zhozwe ne né: wɔ́ Cərəyatɛ-Arəba, ò wɔ́ kɔn rə̀dù ǹdə́ Ebərɔ̃. Arəba yà ń wɔ́ Anakɛ da. ¹⁴ Kalɛɛbɛ jì Anakɛ byǎ bə̀tɔ yá: Shəshəyi, Ayəmã ǹdə́ Tələməyi n zwẽ bə̀ tənà yá. Bə̀ wɔ́ Anakɛ nɛ̀mɛ́. ¹⁵ Ń zhì gàà n zhǐr n vò n bú ǹdə́ Dəbyiiri lyì bí; Dəbyiiri yil nã́yéé ré y'à wɔ́ Cərəyatɛ-Səfɛɛrɛ. ¹⁶ Kalɛɛbɛ zɛ̃̀ n wɔ̀: «À m'à pə à bə̀kɔ́ Akəsa lò mó mɔ̀bɔ́ ń mà n bú ǹdə́ Cərəyatɛ-Səfɛɛrɛ n zwẽ w mó ne, n yə̀ ń kɛ̃.» ¹⁷ Kənaazɛ byǐ Otənyɛl, Kalɛɛbɛ da-byǐ mú, zɛ̃̀ n bú n zwẽ cɔ wa; Kalɛɛbɛ já n pɔ̃ ń bə̀kɔ́ Akəsa ń la n yə̀ ń kɛ̃. ¹⁸ Sə Akəsa gə́ yú Otənyɛl sõ yi ní, ń ce Otənyɛl lwə̀l cɛ ń da Kalɛɛbɛ nɛ. Akəsa gə́ só tɛ̃́ ń bə̀na y yó, Kalɛɛbɛ zɛ̃̀ n bwə̀rh mo n wɔ̀: «Bə̀kɔ́n ǹ nə́ ǹ yàlá?» ¹⁹ N lyár mɔ n wɔ̀: «À n'â lwə̀l mó kɔn rə̀dù. Ǹ gə́ pɔ nɛ cɛ Nəgɛɛvɛ nyí rí wẽ́ mó yilə, súlí ń pɛ̃ nɛ̃̌ myɛ jààsɛ̀.» Kalɛɛbɛ pɔ̃ dɛ̃̌-sõ pwə́ə́lé ǹdə́ tɛ̃́-sõ pwə́ə́lé. ²⁰ Wɔ́ rə̀myɛ́ rə̀ yàl Zhəda kwálá y byǎ bɛ́ cəl ré kɔn mɛrhɛ dwã ǹdə bə̀ jìsí. ²¹ Cɛmɛ nɛ́ nyɛ̀bɛ́ nə̀ y'à ŋwɛ́nɛ́ Zhəda byǎ bɛ́ kwálá yə́-pɛ̀lɛ́ wa, Edɔm swɛ̃́ rɛ́ səta, Nəgɛɛvɛ nɛ́, y'à wɔ́ Kavəsəyɛl, Edɛrɛ, Yəguri, ²² Cəna, Jəmɔna, Adəyada ²³ Kədɛshɛ, Asɔɔrɛ-Yətənã, ²⁴ Zifi, Tɛlɛm, Bəyalɔtɛ, ²⁵ Asɔɔrɛ-Nándũ̀ wə́, Kərəyɔɔtɛ-Esərɔ̃, è n'ê yǎl e wɔ̀ Asɔɔrɛ ²⁶ Amamɛ, Shəma, Mɔlada, ²⁷ Asar-Gada, Eshəmɔ̃, Bɛtɛ-Pəlɛɛtɛ, ²⁸ Asar-Shəwal, Bɛɛr-Shəba ǹdə́ kɔn gə́ bwə́l gàà mɔ́ nyí rí, ²⁹ Baala, Yəyim, Ekɛmɛ, ³⁰ 30 Elətɔladɛ, Kəshili, Orəma, ³¹ Shəkəlagɛ, Madəmãna, Sanəsana, ³² Ləbəwɔtɛ, Shələyim, Eyin-Erəmɔ̃: nə̀ gakó wɔ́ cɛmɛ shí-èlyè ǹdə́ nə̀bɔ́ e súlí nə̀ cə-bwǎlsɛ́. ³³ Pyààrɛ́ kùr w pyǎlsɛ́ y nyí rí cɛmɛ nɛ́ y'à wɔ́: Eshətawɔl, Sɔrɛya, Ashəna, ³⁴ Zanwa, Ein-Gənimi Tapɔwa, Enamɛ, ³⁵ Yərəmɔɔtɛ, Adəlam, Soko, Azɛka, ³⁶ Shərəyim, Adətəyim, Gədəra, Gədərətəyim: cɛmɛ shí ǹdə́ nə̀na ǹdə́ nə̀ cə-bwǎlsɛ́. ³⁷ Sənã, Adəsha, Myəgədal-Gaadɛ, ³⁸ Jələyã, Myəsəpɛ, Yɔkətɛyɛl, ³⁹ Ləciishi, Bɔsəkatɛ, Egəlɔ̃, ⁴⁰ Kəbɔ̃, Lamasɛ, Cətəlishi, ⁴¹ Gədərɔtɛ, Bɛtɛ-Dagɔ̃, Naama, Makəda: cɛmɛ shí ǹdə́ nyə̀ldù ǹdə́ nə̀ cə-bwǎlsɛ́. ⁴² Lyəbəna, Etɛɛrɛ, Ashã ⁴³ Yəfəta, Ashəna, Nəshibi ⁴⁴ Kəyəla, Akəzəbi, Marɛsha: cɛmɛ nə̀bɔ́, ǹdə́ nə̀ cə-bwǎlsɛ́. ⁴⁵ 45 Ekərɔ̃ ǹd'ô cɛmɛ nɛ́ e súlí ò cə-bwǎlsɛ́. ⁴⁶ 46 Kɔn zhì Ekərɔ̃ e súlí kɔn zǎ yi-zùr mú, cɔ kɔ̀bɔ́ gakó ò bwə́l Ashədɔɔdɛ nɛ ǹd'ô cə-bwǎlsɛ́. ⁴⁷ 47 Ashədɔɔdɛ, ǹd'ô gə́ cǐ má nyí rí ǹd'ô cə-bwǎlsɛ́, Gaza ǹd'ô gə́ cǐ má nyí rí ǹd'ô cə-bwǎlsɛ́ kɔn m'e yí Ezhibti nə̀-gɔ̀lɔ̀ w, Mədətərəne ǹdə́ kɔn gə́ bwə́l gàà mɔ́ nyí rí. ⁴⁸ Pyààrɛ́ nyí rí wẽ́ wɔ́: Shəmyiri, Yətiiri, Soko ⁴⁹ Danna, Cərəyatɛ-Sanna, è n'ê yǎl e wɔ̀ Dəbyiiri, ⁵⁰ Anaabɛ, Eshətəmɔwa, Animyi ⁵¹ Gɔshɛn, Olɔ̃, Gəlo: cɛmɛ shí ǹdə́ òdù ǹdə́ nə̀ cə-bwǎlsɛ́. ⁵² Araabɛ Dumə, Eshəyã, ⁵³ Yənum, Bɛtɛ-Tapɔwa, Afɛka, ⁵⁴ Yɔməta, Cərəyatɛ-Arəba, è n'ê yǎl e wɔ̀ Ebərɔ̃, Shəwɔɔrɛ: cɛmɛ nə̀bɔ́ ǹdə́ nə̀ cə-bwǎlsɛ́. ⁵⁵ Məwɔ̃, Karəmɛl, Zifi, Yutə, ⁵⁶ Zhəzərɛyɛl, Yɔrəkəyam, Zanwa, ⁵⁷ Kəyin, Jəbəya, Təməna: cɛmɛ shíyə́ ǹdə́ nə̀ cə-bwǎlsɛ́. ⁵⁸ Aləwuli, Bɛtɛ-Suuri, Gədɔɔrɛ ⁵⁹ Maaratɛ, Bɛtɛ-Anɔtɛ, Elətəkɔ̃: cɛmɛ nyə̀ldù ǹdə́ nə̀ cə-bwǎlsɛ́. ⁶⁰ Cərəyatɛ-Baal, è n'ê yǎl e wɔ̀ Cərəyatɛ-Yərəyim Araba: cɛmɛ nə̀lyè ǹdə́ nə̀ cə-bwǎlsɛ́. ⁶¹ Èpòlò w nyí rí wẽ́ wɔ́: Bɛtɛ-Araba, Myidin, Shəkaka, ⁶² Nəbəshã, Yir-Mɛla, Eyɛ̃-Gedi: cɛmɛ nyə̀ldù ǹdə́ nə̀ cə-bwǎlsɛ́. ⁶³ Sə è gə́ wɔ́ Zhəbuzhitibá bə̀ y'à jě Zhərəzalɛm nɛ́ mɔ́ shò kwã nɛ́, Zhəda byǎ bɛ́ yə̀ ŋwɛ̀nɛ́ bə jì bi bə zwẽ bə̀ tənà y bə cìní yé. Rə̀myɛ́ ce, Zhəbuzhitibá jě ǹdə́ Zhəda byǎ bɛ́ Zhərəzalɛm nɛ́ kɔn b'e yí zà dɛ̃ rɛ́.