¹ Nyǐ pyǎ bɛ́ byɛ̀bɛ́ ŋwɛ̀nɛ́ búlə́ né wẽ́, bə zwẽ bə̀ tə̀nà y bə cìní Zhɔrdɛ̃ bwǐ y yi-púrhí sõ, kɔn zhì Arənɔ̃ nə̀-gɔ̀lɔ̀ w nɛ e m'e yí Erəmɔ̃ pyɔ̀ w nɛ ǹdə́ Araba jə́ y nyí rí gakó, yi-púrhí səta mɔ́: ² Wɔ́ Səwɔnɛ, Amɔrətibá pyɔ̌ mɔ́: ń yà ń jě Eshəbɔ̃ nɛ́. Ń yà ń cǐ Arɔwɛɛrɛ cɔ w ò ŋwɛ́nɛ́ Arənɔ̃ nə̀-gɔ̀lɔ̀ w nyí ni. Ń yà ń súlí ń cǐ nə̀-gɔ̀lɔ̀ w nyí rí cəcəl ré, e súlí Galaadɛ tənà y kə̀kàlà, kɔn m'e vò Yabɔkɛ nə̀-gɔ̀lɔ̀ w nɛ, Amɔ̃ byǎ bɛ́ swɛ̃́ rɛ́. ³ Ń yà ń súlí ń cǐ Araba, e m'e vò Cənərɔtɛ bù-fwɛ̀lɛ̀ y nɛ, yi-púrhí wə, ǹdə́ kɔn m'e vò Araba bù-fwɛ̀lɛ̀ y nɛ, Nə̀kwə̃̌ nə̀-fɔ̀lɔ̀ w nɛ, yi-púrhí wə, kɔn zǎ Bɛt-Yəshəmɔtɛ səta; e súlí Pyəsəga pyɔ̀ w nə̀bán rɛ́ kùr wə̀, jə̀-jĩ́ sõ, ǹdə́ kɔn gə́ bwə́l gàà mɔ́ nyí rí. ⁴ Pyɔ̌ mɔ́ dõ mó y'à wɔ́ Oge, Bashã pyɔ̌ mɔ́, Erəfəyitibá bə̀ gwẽ̌ dàl mɔ́ mə̀dù. Ń yà ń jě Ashətarɔtɛ ǹdə́ Edərəyi ní. ⁵ Ń yà ń cǐ Erəmɔ̃ pyɔ̀ wá, ǹdə́ Saləka ǹdə́ Bashã nyí rí púlə́púlə́ kɔn b'e yí Gəshuritibá ǹdə́ Myəkətitibá swã́ nɛ́; e súlí e ce Galaadɛ tənà y kə̀kàlà nɛ́, Eshəbɔ̃ pyɔ̌ Səwɔnɛ tənà yá. ⁶ Cinu Yi tùntùnnə Muyiisi ǹdə́ y'à ŋwɛ̀nɛ́ bɛ búlə́ né wẽ́. Cinu Yi tùntùnnə Muyiisi zɛ̃̀ n pə tənà y èmyɛ́ nyí rí gakó Orɔbɛn ǹdə́ Gaadɛ kwálsɛ́ lyì bí ni, e súlí Manasɛ kwálá y kə̀kàlà y nɛ. ^{8 7} Zhozwe ǹdə́ ŋwɛ̀nɛ́ pyǎ bɛ́ bə̀myɛ́ mɔ́ búlə́ né wẽ́, Zhɔrdɛ̃ bwǐ y yi-zùr sõ, kɔn zhì Baal-Gaadɛ nɛ́, Lyəbã jə́ y wə e m'e yí Alakɛ pyɔ̀ w ò zhǐ dɛ̃̌ Səyiiri səta mɔ́. Zhozwe pə tənà y èmyɛ́ nyi rí gakó Esərayɛl lyì byǎ bɛ́ kwálsɛ́ nɛ sə cìní, kɔn tó ǹdə sə gə́ jě jě né: 8 Pyààrɛ́ wa, pyàr rɛ́ kùr w pyǎlsɛ́ y nyí rí wa, Araba nɛ́, Pyààrɛ́ nə̀bán rɛ́ nyí rí wa, èpòlò wə ǹdə́ Nəgɛɛvɛ nɛ́. Wɔ́ Yititibá, Amɔrətibá, Kanaã lyì bí, Pərəzhitibá, Yivyitibá ǹdə́ Zhəbuzhitibá bə̀ y'à jě gàà mɔ́. Nyǐ pyǎ bɛ́ bə̀myɛ́ mɔ́: ⁹ Zheriko pyɔ̌ mɔ́, mə̀dù. Ayi cɔ w ò ŋwɛ́nɛ́ Bətɛl yala nɛ mɔ́ pyɔ̌ mɔ́, mə̀dù. ¹⁰ Zhərəzalɛm pyɔ̌ mɔ́, mə̀dù. Ebərɔ̃ pyɔ̌ mɔ́, mə̀dù. ¹¹ Yərəmɔɔtɛ pyɔ̌ mɔ́, mə̀dù. Ləciishi pyɔ̌ mɔ́, mə̀dù. ¹² Egəlɔ̃ pyɔ̌ mɔ́, mə̀dù. Gɛzɛɛrɛ pyɔ̌ mɔ́, mə̀dù. ¹³ Dəbyiiri pyɔ̌ mɔ́, mə̀dù. Gɛdɛɛrɛ pyɔ̌ mɔ́, mə̀dù. ¹⁴ Orəma pyɔ̌ mɔ́, mə̀dù. Araadɛ pyɔ̌ mɔ́, mə̀dù. ¹⁵ Lyəbəna pyɔ̌ mɔ́, mə̀dù. Adəlam pyɔ̌ mɔ́, mə̀dù. ¹⁶ Makəda pyɔ̌ mɔ́, mə̀dù. Bətɛl pyɔ̌ mɔ́, mə̀dù. ¹⁷ Tapɔwa pyɔ̌ mɔ́, mə̀dù. Efɛɛrɛ pyɔ̌ mɔ́, mə̀dù. ¹⁸ Afɛɛkɛ pyɔ̌ mɔ́, mə̀dù. Ləshərɔ̃ pyɔ̌ mɔ́, mə̀dù. ¹⁹ Madɔ̃ pyɔ̌ mɔ́, mə̀dù. Asɔɔrɛ pyɔ̌ mɔ́, mə̀dù. ²⁰ Shəmərɔ̃-Myərɔ̃ pyɔ̌ mɔ́, mə̀dù. Akəshəfɛ pyɔ̌ mɔ́, mə̀dù. ²¹ Taanakɛ pyɔ̌ mɔ́, mə̀dù. Mejido pyɔ̌ mɔ́, mə̀dù. ²² Kədɛshɛ pyɔ̌ mɔ́, mə̀dù. Yɔkənəyam pyɔ̌ mɔ́, Karəmɛl nɛ́, mə̀dù. ²³ Dɔɔrɛ pyɔ̌ mɔ́, Dɔɔrɛ jə́ y wə, mə̀dù. Goyim pyɔ̌ mɔ́, Gəlile nɛ́, mə̀dù. ²⁴ Tərəsa pyɔ̌ mɔ́, mə̀dù. Pyǎ bɛ́ gakó wɔ́ shí-etɔ̀ ǹdə́ mə̀dù.