¹ Nyǐ zɔ̀mà nɛ́ Nyì-zwennə Zheremyi y’ǎ nə́ ń byili Nərəya byǐ Bəruuci ni mú, ǹdə́ Bəruuci yà ń nə́ kɛ̃ zɔ̀mà nɛ́ Zheremyi nə́ ń byili mu ń kɛ̃ sɛ́bɛ́ rɛ́ wẽ́ mó, è y’à wɔ́ Zhɔzhaasɛ byǐ Zhowəcim Zhidə pyɔ̌ mɔ́ pyɛ̀lɛ́ rɛ́ byinə nə̀na nyǎn rɛ́ yi ní. Zheremyi yà ń nə́ byili mu zɔ̀mà nɛ́ Bəruuci ni ń zhe : ² Bəruuci, nyǐ kɔn rɛ́ dɛ̀bɛ́ Bə-zhɔ-zhe, Esərayɛl Yi rí zɔ̀m ǹ yil mó : ³ Ǹ wə̀lə̀ : Zwini zhe ne ! Bə̀ Bə-zhɔ-zhe já ń nə́ ń súlí lyààrɛ à nɔ̀nɔ̀ w ò zhe ne mó yó ; à wɔ́wɔ́lɛ́ wɔ́wɔ́lɛ́ a lyɛ̀ɛ̀, à bə shìrhə́ nɛ gaga yé. ⁴ Wál Bə-zhɔ-zhe ne : Wɔ́ Bə-zhɔ-zhe ń zɔ̀m èta n wɔ̀ : Nyìwẽ́, kɔn rɛ́ tɛ̀bɛ́ à lù rə̀ zhǐ dɛ̃̌ mɔ́, à m’a wǔr re a ló tɛ̃́ ; kɔn rɛ́ tɛ̀bɛ́ à zhele mó, á m’a mǔr ré a ji tɛ̃́ ; rə̀myɛ́ mɔ́ wɔ́ tənà y kɛ̀bɛ́ gakó yò à n’â zɔ̀mà. ⁵ Sə ǹmyɛ́, ǹ nə mà ń zɛ̃̀ ǹ nə́ ǹ pyà sə wẽ̀ nánfwààlɛ wɛ̀rhɛ́ ǹ yilə ! Sə ǹmyɛ́, bə̀ká ń pyà wẽ̀ ré rə̀myɛ́ yé ! Bə̀ nyǐ, à m’a ce zwini pú numbyínsí gakó ; sə è gə wɔ́ ǹmyɛ́ yilə, à m’a ce ń lú a pɔ̃́ nyǔ mə yə̀ kɔn ǹ jì ǹ zwə̀ búlə́ jàà w ń zwẽ ń mə́ vò jàà y kɛ̀bɛ́ ǹ la è wẽ́ mó wə.