¹ Kɔn rɛ́ tɛ̀bɛ́ bə̀ m'a bwə̀l bə byili Mɔwaabɛ shò kwã nɛ́ mɔ́. Ar-Mɔwaabɛ j'a jé tɛ̃́, cəcɛ̃ y kɛ̀bɛ́ bə̀ cɔ̀ y bə gùlí dwã mɔ́. Ciir-Mɔwaabɛ j'a jé tɛ̃́, cəcɛ̃ y kɛ̀bɛ́ bə̀ cɔ̀ y bə gùlí dwã mɔ́. ² Bə̀ n'ê jìl bə̀ zhə̀l bə̀ kúrh còrhó-jì y wə, Jəbɔ̃ nɛ́, ǹdə́ vwə̃̀ né zwə́l jààsɛ́ wa. Mɔwaabɛ lyì bí n'ê kúrh zúzúnú cìlə́ Nəbo pyɔ̀ w ǹdə́ Mɛdəba pyɔ̀ w yó wə. Ywẽ́ né gakó fɔ̀nà, tama nɛ́ gakó fɔ̀nà. ³ Sɔ́msɛ́ yó, bə̀ zù ywə́ə́le gàndɛ. Lyarha nɛ́ wẽ́ ǹdə́ dwã-joló jààsɛ́ wẽ́, lyì bí gakó j'â n'ê kúrh zúzúnú cìlə́, bə̀ yə́-nàná n'ê bobwere tɛ̃́. ⁴ Eshəbɔ̃ lyì bí ǹdə́ Elalɛ lyì bí n'ê búbwéé búbwéése, ǹ gə zhǐ Yaasɛ nɛ́ ǹ nyɛ̌ bə̀ cələ né. Mɔwaabɛ shə̀dɛ́ɛ́sɛ́ myɛ n'ê mà búbwéése nánfwàlsɛ, sə̀ wun j'a gə kókó. ⁵ À wu zhìlì à n'â kúrh Mɔwaabɛ tənà y nɛ: È lyì bí byɛ̀bɛ́ bə̀ n'ê dùr mùnì ga bə lú mú yú Sɔwaarɛ ǹdə́ Egəlaatɛ-Shələsha. Bə̀ n'ê jìl Luyiiti pyɛ̀lɛ́ y ǹdə́ cǐl, wùrhí nánfwɛ̀lɛ̀ j'a kwè Oronəyim sɔ́má yá. ⁶ Nəmərim nàná bɛ́ j'a jǐrh wu-zhùlù dúdú jàà. Gɔ w kùlə̀, ò k'ô t'â púrh yé, gɔ-lyɔ̀ k'ô tɛ̀nɛ́ gàà yé. ⁷ Kɔn tɛ̀bɛ́ bə̀ y'à gwẽ̌ zhe mó, bə̀ n'ê zə rə̀myɛ myɛ bə̀ m'ê zhə̀l Sóləbáa nə̀-gɔ̀lɔ̀ w èpákɛ̀. ⁸ Búbwéésé búbwéé sə m'e kə́kɛ́lɛ́ Mɔwaabɛ tənà y nyí rí gakó, wɔ́wɔ́lɔ́ mɔ́ wɔ́wɛ́lɛ́ mə yí Egələyim, mə lyɛ̃ mə yí Elyim zhìlí yə́. ⁹ Dəmɔ̃+ 15.9