koussoube-marc-lee_isa_text

Kǝ̀kàl-fwɛ̀lɛ̀ 12

¹ Dɛ̃ rɛ́ rə̀myɛ́ mɔ́ yù wə, ǹ m'ǎ wɔ̀: à n'â ce ǹ nə̀báná, Cinu, bə̀ ǹ yà ǹ kwè lyim ǹdə́ nɛ, sə ǹ lyim rí sówə́, ń zɛ̃̀ ǹ nə́ ǹ shíshéré à wu ni. ² Nyǐ à Yi rí tɛ̀bɛ́ rə̀ wɔ́ à Zwennə mó, à wu w jě, à k'â t'â kəkə yé, b'à jàn rɛ́ ǹd'â nwə̃́ yə́, wɔ́ Cinu! Ń yàl à yi-zwẽẽ́ yə́. ³ Á m'ǎ tɛ̃́ nɛ̃̌ ǹdə́ wu-nyɔ̃̀, cìn-nɛrɛ́ y nə̀-bùlsí yó. ⁴ sə dɛ̃ rɛ́ rə̀myɛ́ mɔ́ yù wə, á m'ǎ wɔ̀: ce-nə Cinu nə̀báná, bwə̌l-nə ń yil ré á byili, cĩ́-nə ń tũ̀-fwààlɛ́ nyí dwə́ né sõ, Ká-na á lyǐrh be bə̀ ń yil ré j'â wɔ́ nánfɔ̀lɔ̀ dɛ̃́dɛ̃́. ⁵ Shènè-nə Cinu, bə̀ ń nə́ ń twĩ̀ ǹdə́ ŋwɔ̀nɔ́ nánfɔ̀lɔ̀: bə̀ bwə̌l re bə byili lũ w púlə́púlə́ wə. ⁶ Mǎ wu-nyɔ̃̀ ǹdə́ fùwə́ búbwéése, ǹmyɛ́ mɔ̀bɔ́ ǹ jě Səyɔ̃ nɛ́ mɔ́, bə̀ rə̀ j'â já, ǹ cəcəl wə, Esərayɛl Yi rí tɛ̀bɛ́ rə̀ bə dõ zhe mó.