koussoube-marc-lee_1ch_text

Kǝ̀kàl-fwɛ̀lɛ̀ 27

¹ Nyǐ Esǝrayɛl lyì byǎ bɛ́ bǝ̀ y'à wɔ́ yó-cìnǝ́ bé pyɔ̌ mɔ́ tumǝ né yil ń kǎlsɛ́ wẽ́ mó yó wǝ́: yó-cìnǝ́ jàlà y'à cǐ nunǝ zɔ̌m zɔ̌m, jàlà wɔ́ mɔ̀rhɔ̀ mɔ̀rhɔ̀, e súlí pyɔ̌ mɔ́ tùnnnǝ dwã bǝ̀ n'ê nyǐ kùkùlǝ̀ né bǝ̀ bɔ̀n bɔ̀n dwã nɛ mɔ́ yò, bǝ̀ n'ê nyǐ nǝ̀ twírí y ǹdǝ́ nǝ̀ kwãɔ̃ yò, cànà cànà gakó e m'e yí byin rí cànsɛ́ gakó. Kùkùl gakó y'à zhe nunǝ mɔ̀ɔ̀rhɛ shí-èlyè ǹdǝ́ rǝ̀na. ² Cànà nã́yéé y kùkùl ré y'à wɔ́ Zǝbǝjǝǝ byǐ Jasǝkɔbǝyamɛ ń yà ń cǐ ri, rǝ̀ y'à wɔ́ nunǝ mɔ̀ɔ̀rhɛ shí-èlyè ǹdǝ́ bǝ̀na. ³ Ń yà ń wɔ́ Pǝrɛɛsɛ byǎ bɛ́ mǝ̀dù, wɔ́ ńmyɛ̌ ń yà ń cǐ kùkùlǝ̀ né gakó yó-cìnǝ́ bé cànà nã́yǝ́ǝ́ yil mó. ⁴ Cànsɛ sǝ̀lyè nyǎ y kùkùl ré wɔ́ Akǝshiti byǐ Donǝyi ń yà ń cǐ ri, ⁵ kùkùlǝ̀ nǝ̀tɔ̀ w yó-cǝ́bal mɔ́, cànsɛ́ sǝ̀tɔ̀ nyǎ y yil mó y'à wɔ́ Bǝnǝja, vwĩ̀-zwǝ́lnǝ Jǝwɔjada byǐ, sǝ lò mǝ̀dù ń yíl Mǝkǝlɔtɛ ń yà ń tó ń wɔ́ ń kùkùl ré yó-cìnǝ́ bé mǝ̀dù, ń yà ń zhe nunǝ mɔ̀ɔ̀rhɛ shí-èlyè ǹdǝ́ rǝ̀na ń cǐ. ⁶ Bǝnǝja mɔ́ ń yà ń wɔ́ búlǝ́ kãdɔ ń ŋwɛ̀nɛ́ nunǝ shǝ́-ètɔ̀ kùkùl wẽ́, ńmyɛ̌ ń yà ń cǐ ri; ǹdǝ́ ń byǐ Amazadabɛ, ńmyɛ yà ń wɔ́ ń kùkùl ré yó-cìnǝ́ bé mǝ̀dù. ⁷ Kùkùlǝ̀ nǝ̀na nyǎn rɛ́, cànsɛ sǝ̀na nyǎ y yil mó y'à wɔ́ Zhɔwabɛ da-byǐ Asǝyǝǝ ń yà ń cǐ ri, ńmyɛ̌ kwã nɛ́ wɔ́ ń byǐ Zhǝbaja; ń yà ń cǐ nunǝ mɔ̀ɔ̀rhɛ shí-èlyè ǹdǝ́ rǝ̀na kùkùl. ⁸ Kùkùlǝ̀ nǝ̀nù nyǎn rɛ́, cànsɛ sǝ̀nù y nyǎ yil mó y'à wɔ́ Jǝzǝra byǐ Sǝshǝyuti, ń yà ń cǐ nunǝ mɔ̀ɔ̀rhɛ shí-èlyè ǹdǝ́ rǝ̀na kùkùl. ⁹ Kùkùlǝ̀ tǝ̀ldù nyǎn rɛ́, cànsɛ shǝ̀ldù y yil mó y'à wɔ́ Yǝkǝsɛ byǐ Yǝra, Tǝkoyi kwálá lò, sǝ ń yà ń cǐ nunǝ mɔ̀ɔ̀rhɛ shí-èlyè ǹdǝ́ rǝ̀na kùkùl ¹⁰ Kùkùlǝ̀ tàlpyɛ̀ nyǎn rɛ́, cànsɛ shàlpyɛ̀ y yil mó y'à wɔ́ Pǝloni byǐ Elɛtɛ, Efǝrǝyimi byǎ bɛ́ mǝ̀dù, ń yà ń cǐ nunǝ mɔ̀ɔ̀rhɛ shí-èlyè ǹdǝ́ rǝ̀na kùkùl. ¹¹ Kùkùlǝ̀ lyɛlɛ nyǎn rɛ́, cànsɛ lyɛlɛ y yil mó y'à wɔ́ Yusǝkǝti byǐ Sǝbǝkayi, Zǝrǝshi kwálá y byǐ, ń yà ń cǐ nunǝ mɔ̀ɔ̀rhɛ shí-èlyè ǹdǝ́ rǝna kùkùl. ¹² Kùkùlǝ̀ nǝ̀bɔ́ nyǎn rɛ́, cànsɛ nǝ̀bɔ́ nyǎ y yil mó, Anatɔtɛ byǐ Abyǝzɛɛrɛ, Bɛ̃zamɛ dwí rí lò, ń yà ń cǐ nunǝ mɔ̀ɔ̀rhɛ shí-èlyè ǹdǝ́ rǝna kùkùl. ¹³ Kùkùlǝ̀ shí nyǎn rɛ́, cànsɛ shí nyǎ y yil mó y'à wɔ́, Nǝtǝfwa byǐ Mǝyǝyi, Zǝrǝzhiti kwálá y lò, ń yà ń cǐ nunǝ mɔ̀ɔ̀rhɛ shí-èlyè ǹdǝ́ rǝna kùkùl. ¹⁴ kùkùlǝ̀ shí ǹdǝ́ rǝ̀dù nyǎn rɛ́, cànsɛ shí ǹdǝ́ èdù nyǎ y yil mó, y'à wɔ́ Pyǝratɔnɛ byǐ Bǝnǝja, Efǝrayimi kwálá y lò, ń yà ń cǐ nunǝ mɔ̀ɔ̀rhɛ shí-èlyè ǹdǝ́ rǝna kùkùl. ¹⁵ Kùkùlǝ shí ǹdǝ́ nǝ̀lyè nyǎn rɛ́, cànsɛ shí ǹdǝ́ sǝlyè nyǎ y yil mó, Nǝtɔfa byǐ Elǝdǝyi, Otǝnyǝǝ kwálá lò, ń yà ń cǐ nunǝ mɔ̀ɔ̀rhɛ shí-èlyè ǹdǝ́ rǝna kùkùl. ¹⁶ Nyǐ Esərayɛl tənà y kwálsɛ́ yó-cìnə́ bé yilə né: Orɔbɛn kwálá y wẽ́, è yàl: Zəkəri byǐ Elyəzɛɛrɛ. Shəmənyɔ̃ kwálá y wẽ́, è yàl: Maaka byǐ Shəfaca ¹⁷ Levyi kwálá y wẽ́, è yàl: Kəmuwəə byǐ Ashabya. Aarɔ̃ byǎ bɛ́ wẽ́, è yàl: Sadɔɔkɛ. ¹⁸ Zhəda kwálá y wẽ́, è yàl: Eləwu, Dəvyidi da-byǎ bɛ́ mə̀dù. Yəsakaarɛ kwálá y wẽ́, è yàl: Myəkayəə byǐ Oməri. ¹⁹ Zabyəlɔ̃ kwálá y wẽ́, è yàl: Obaja byǐ Yəshəmaya. Nəfətəlyi kwálá y wẽ́, è yàl: Azərəyəə byǐ Yərəyəmɔɔtɛ. ²⁰ Efərəyim kwálá y wẽ́, è yàl: Azarəya byǐ Oze. Manasɛ kwálá y kə̀kàlà y è wɔ yi-zùr sõ mó wẽ́, è yàl: Pədaya byǐ Zuwəə. ²¹ Manasɛ kwálá y kə̀kàlà y è wɔ yi-púrhí sõ, Galaadɛ tənà y mɔ́, è yàl: Zakarɛ byǐ Yədo. Bɛ̃zhamɛ kwálá y wẽ́, è yàl: Abənɛɛrɛ byǐ Yashəə. ²² Dan kwálá y wẽ́, è yàl: Yərɔwam byǐ Azarɛl. Wɔ́ bə̀myɛ́ mɔ́ bə̀ y'à wɔ́ Esərayɛl kwálsɛ́ yó-cìnə́ bé. ²³ 23 Dəvyidi yə̀ ce bə gə̀ lyì bí byɛ̀bɛ́ bə̀ y'à yú byinə shí-èlyé ráá bə̀ y'à yə̀ byinə shí-èlyè yí mú yé, bə̀ Cinu Yi yà ń wə̀l bə̀ ń mà n ce Esərayɛl lyì byǎ bɛ́ yə̀ nánzhəzhɔ̌ ǹdə dɛ̃̌-yi cã̀mə́sɔ̌rh ta. ²⁴ Səruyə byǐ Zhɔwaabɛ yà ń ju bə̀ gál kùrə̀, sə ń yə̀ mo zhɛ̀ yé, bə̀ Yi lyim y'à zɛ̃̀ rə̀ n'ê yì Esərayɛl lyì byǎ bɛ́ gál mə̀myɛ́ mɔ́ yilə. Rə̀myɛ́ ce bə̀ yilə né tə̀ pyɔ̌ Dəvyidi Ywẽ̀ né lyǐrh sábá nɛ́ wẽ́ yé. ²⁵ Ajɛl byǐ Azəmavɛɛtɛ yà ń nə́ ń nyǐ pyɔ̌ nə̀cɛ̀ndɛ́ yò. Ozhaasɛ byǐ Yɔnatã yà ń nə́ ń nyǐ pyɔ̌ vɔ̀lɔ́ w ò y'à wɔ gɔ sõ ǹdə́ cə-fwààlɛ́ ǹdə́ cə-bwǎlsɛ́ e súlí jì-fwàlsɛ́ nánjíjínsí sə̀ lù sə vò dɛ̃̌dɛ̃̌ bə̀ m'ê yìlì tənà y mɔ́ yò. ²⁶ Kəluubi byǐ Ezəri yà ń cǐ tùntùnnə bé byɛ̀bɛ́ bə̀ n'ê vwàl cɛsɛ́ gɔ sõ, tənà y w mɔ́ yò. ²⁷ Arama lyì bal Shəmeyi yà ń nə́ ń nyǐ də̀vɛ̃́-cèmé né cɛsɛ́ vwàlnà bɛ́ yò. Shəfam byǐ Zəbədi yà ń nə́ ń nyǐ də̀vɛ̃́ y kɛ̀bɛ́, də̀vɛ̃́-cèmé né cɛsɛ́ vwàlnà bɛ́ y'à n'ê pɛ bə̀ cĩ́ dɛ̃̌ mɔ́ yò. ²⁸ Bɛtɛ-Gədɛɛrɛ lyì bal Baal-Anã yà ń nə́ ń nyǐ olyivyé cèmé né ǹdə́ shəkəmɔ́ɔ́rɛbá nə̀ wɔ pyàr rɛ́ kùr w pyǎlsɛ́ nyí rí w mó yò. Yɔwaashɛ yà ń nə́ ń nyǐ nwǐsí bə̀ n'ê cĩ́ dɛ̃̌ mɔ́ yò. ²⁹ Sarɔ̃ lyì bal Shətərəyi yà ń nə́ ń nyǐ vwàmá nɛ́ nánfwààlɛ́ bə̀ n'ê kál Sarɔ̃ nɛ́ mɔ́ yò. Adələyi byǐ Shafaatɛ yà ń nə́ ń nyǐ vwàmá nɛ́ nánfwààlɛ́ bə̀ n'ê kál vwaalɛ́ w mɔ́ yò. ³⁰ Yəsəmayəə dwí rí lò Obyil yà ń nə́ ń nyǐ yómdé yò. Mərɔnɔɔtɛ lyì bal Yəja yà ń nə́ ń nyǐ bə̀nesé yò. ³¹ Yəzhizi Agəriti mú yà ń nə́ ń nyǐ və̌-yɔ̀lɔ́ w yò. Bə̀myɛ́ èta mɔ́ gakó y'à n'ê nyǐ pyɔ̌ Dəvyidi nə̀cɛ̀ndɛ́ yò. Lyì bí byɛ̀bɛ́ bə̀ y'à bwə́l pyɔ̌ Dəvyidi ni mú ³² Dəvyidi da da-byǐ Yɔnatã yà ń wɔ́ pyɔ̌ mɔ́ cícírnə, ń yà ń zhe surhə, ń yà ń súlí ń wɔ́ sá-kanna. Akəmoni byǐ Yəyəə yà ń nə́ ń nyǐ pyɔ̌ bə̀sɔ́ná bɛ́ kɔ́n mɔ́ yò. ³³ Ayətɔfɛɛ yà ń wɔ́ pyɔ̌ mɔ́ cícírnə; Ushəyi zɛ̃̀ ń yà ń wɔ́ pyɔ̌ mɔ́ dɔwa. ³⁴ Bənaya byǐ Yɔyada ǹdə́ Abyataarɛ tú bə b'e jòm Ayətɔfɛɛ jàà wa. Zhɔwaabɛ ń yà ń wɔ́ pyɔ̌ mɔ́ shə̀dɛ́ɛ́sɛ́ yó-cə́bal.