koussoube-marc-lee_1ch_text

Kǝ̀kàl-fwɛ̀lɛ̀ 25

¹ Dəvyidi ǹdə́ kùkùlə̀ né nyɛ̀bɛ́ nə̀ n'ê nyǐ Yi jì y tum rí yò mó yó-cìnə́ bé, cír Asaafɛ byǎ bɛ́ ǹdə́ Emã byǎ bɛ́, e súlí Yədutũ byǎ bɛ́ bə̀ n'ê nyǐ tum rí yò; bə̀ y'à n'ê tó bə̀ nwísí bə̀ n'ê kwɛ̃́ ǹdə́ shətáárɛbá ǹdə́ árəpɛbá e súlí sɛmbálɛbá dɛnnɛ bə̀ cĩ́ Yi zɔ̀mà nɛ́ kùrə̀. Nyǐ lyì bí byɛ̀bɛ́ bə̀ y'à n'ê twĩ̀ tumə né nə̀myɛ́ mɔ́ yilə né: ² Asaafɛ byǎ bɛ́ wẽ́, è yàl: Zəkuuri ǹdə́ Zhozefu ǹdə́ Nətanya e súlí Asarəla. Bə̀ da Asaafɛ ń yà ń wɔ́ bə̀ yé né cə́bal, ń yà ń nə́ ń nún ń mə́ ń cĩ́ Yi zɔ̀mà nɛ́ kùrə̀, ǹdə pyɔ̌ mɔ́ gə́ yà ń nə́ ń byili mu ní. ³ Yədutũ byǎ bɛ́ yàl: Gədalya ǹdə́ Səri ǹdə́ Yəshaya ǹdə́ Shəmeyi ǹdə́ Ashabya e súlí Matəca; bə̀ da Yədutũ ń yà ń wɔ́ bə̀ bwə̀ldù y ga yé né cə́bal; ń yà ń nə́ ń tó ń nwə̃́ y ń nə́ ń kwɛ̃́ ǹdə́ shətáárɛ mɔ́ dɛnnɛ ń cĩ́ Yi zɔ̀mà nɛ́ kùrə̀, n mə́ ń cèrhé Cinu Yi n súlí ń mə́ ń gàl ń shə̀nə̀ né. ⁴ Emã byǎ bɛ́ yàl: Bukəyə ǹdə́ Matanya ǹdə́ Uzhəə ǹdə́ Shəbwɛl ǹdə́ Yərəyəmɔɔtɛ ǹdə́ Ananya ǹdə́ Anəni ǹdə́ Alyata ǹdə́ Jədələti ǹdə́ Oroməməti-Ezɛɛrɛ ǹdə́ Yɔshəbəkasha ǹdə́ Məloti ǹdə́ Otiiri e súlí Maazhɔɔtɛ; ⁵ bə̀myɛ́ èta mɔ́ gakó y'à wɔ́ Emã mɔ́ mɔ̀bɔ́ ń yà ń nə́ ń zwẽ Yi zɔ̀mà nɛ́ ń cĩ́ pyɔ̌ mɔ́ nɛ mùnì ga pyɔ̌ mɔ́ jàn rɛ́ súlí mú byǎ. Yi yà ń pɔ bala-byǎ shí ǹdə́ bə̀na e súlí kana-byǎ bə̀tɔ̀ Emã nɛ. ⁶ Bə̀ da ń yà ń wɔ́ bə̀ yé né cə́bal Cinu jì y nwə̃́ y yilə. Bə̀ y'à n'ê kwɛ̃́ nwə̃́ y ǹdə́ sɛmbálɛbáa ǹdə́ zɔ̀n e súlí bwàárɛ. Pyɔ̌ mɔ́ ń yà ń nə́ ń pɛ nyə́ Asaafɛ ǹdə́ Yədutũ e súlí Emã nɛ bə̀ tum rí shò kwã nɛ́. ⁷ Bə̀myɛ́ ǹdə́ bə̀ kùkùlə̀ né lyì bí byɛ̀bɛ́ bə̀ nɔ còrhò Cinu còrhó ǹdə́ nwə̃́ yil mú, e jà bə̀ gakó y'à zɛ̃̀ bə̀ yě kɔn dɛ̃́dɛ̃́ mɔ́ y'à wɔ́ nunə zwã̌-èlyè ǹdə́ shə́-lyɛlɛ ǹdə́ lyɛlɛ. ⁸ Bə tə́ tántɛ́ɛ́ bə m'e byili bə̀ gə́ m'à n'ê zwẽ dwã tum rí wẽ́ né, náncɛrh ǹdə́ bə̀sɔ́ná ga, byɛ̀bɛ́ bə̀ yě ǹdə́ byɛ̀bɛ́ bə̀ gwẽ̌ n'ê cèrhè ga. ⁹ Nyǐ kùkùlə̀ né yó-cìnə́ bé tántɛ́ɛ́ y zɔ mɔ́: nã́yéé y zɔ Asaafɛ byǐ Zhozefu, sǝ̀lyè nyǎ y zɔ Gədalya ǹdǝ́ ń da-byǎ bɛ́ ǹdǝ́ ń byǎ bɛ́; bǝ̀ yàl nunǝ shí ǹdǝ́ bǝ̀lyè, ¹⁰ sǝ̀tɔ̀ nyǎ y zɔ Zəkuuri ǹdǝ́ ń da-byǎ bɛ́ ǹdǝ́ ń byǎ bɛ́; bǝ̀ yàl nunǝ shí ǹdǝ́ bǝ̀lyè, ¹¹ sǝ̀na nyǎ y zɔ Yəsəri ǹdǝ́ ń da-byǎ bɛ́ ǹdǝ́ ń byǎ bɛ́; bǝ̀ yàl nunǝ shí ǹdǝ́ bǝ̀lyè, ¹² sǝ̀nu nyǎ y zɔ Nətanya ǹdǝ́ ń da-byǎ bɛ́ ǹdǝ́ ń byǎ bɛ́; bǝ̀ yàl nunǝ shí ǹdǝ́ bǝ̀lyè, ¹³ shǝ̀ldù nyǎ y zɔ Bukəyə ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ¹⁴ shàlpyɛ̀ nyǎ y zɔ Yəsarəla ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ¹⁵ lyɛlɛ nyǎ y zɔ Yəshaya ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ¹⁶ nǝ̀bɔ́ nyǎ y zɔ Matanya ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ¹⁷ shí nyǎ y zɔ Shəmeyi ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ¹⁸ shí ǹdǝ́ èdù nyǎ y zɔ Azarɛl ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ¹⁹ shí ǹdǝ́ sǝ̀lyè nyǎ y zɔ Ashabya ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ²⁰ shí ǹdǝ́ sǝ̀tɔ̀ nyǎ y zɔ Shubəyəə ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ²¹ shí ǹdǝ́ sǝ̀na nyǎ y zɔMatəca ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ²² shí ǹdǝ́ sǝ̀nu nyǎ y zɔYərəmɔɔtɛ ǹdə́ ń byǎ bɛ́ ǹdǝ́ ń da-byǎ bɛ́ bǝ̀ yàl nunə shí ǹdə́ bə̀lyè. ²³ shí ǹdǝ́ shǝ̀ldù nyǎ y zɔ Ananya ǹdə́ ń byǎ bɛ́ ǹdǝ́ ń da-byǎ bɛ́ bǝ̀ yàl nunə shí ǹdə́ bə̀lyè. ²⁴ shí ǹdǝ́ shǝ̀lpyɛ̀ nyǎ y zɔYɔshəbəkasha ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ²⁵ Shí ǹdə́ lyɛlɛ nyǎn y zɔ Anəni ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ²⁶ Shí ǹdə́ nə̀bɔ́ nyǎn y zɔ Məloti ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ²⁷ Shí-èlyè nyǎn y zɔ Elyata ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ²⁸ Shí-èlyè ǹdə́ èdù nyǎn y zɔ Otiiri ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ²⁹ Shí-èlyè ǹdə́ sǝ̀lyè nyǎ y zɔ Jədələti ǹdə́ ń byǎ bɛ́ ǹdǝ́ ń da byǎ bɛ́, bǝ̀ yàl nunǝ shí ǹdǝ́ bǝ̀lyè. ³⁰ Shí-èlyè ǹdə́ sǝ̀tɔ̀ nyǎ y zɔ Maazhɔɔtɛ ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. Shí-èlyè ǹdə́ sǝ̀na nyǎ zɔ Oroməməti-Ezɛɛrɛa ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè. ³¹ Shí-èlyè ǹdə́ sə̀na nyǎn zɔ Oroməməti-Ezɛɛrɛa ǹdə́ ń byǎ bɛ́ ǹdǝ́ ń da-byǎ bɛ́, bǝ̀ yàl nunə shí ǹdə́ bə̀lyè.