koussoube-marc-lee_1ch_text

Kǝ̀kàl-fwɛ̀lɛ̀ 24

¹ 1 Nyǐ Aarɔ̃ byǎ bɛ́ kùkùlə̀ né: Aarɔ̃ byǎ bɛ́ yàl: Nadaabɛ ǹdə́ Abyəwu ǹdə́ Eləyazaarɛ e súlí Yətamaarɛ. ² Nadaabɛ ǹdə́ Abyiyu jɛ̀rɛ̀ bə̀ da bə cì, bə̀ y'à yə̀ byǐ myɛ lùl yé; rə̀myɛ́ ce bə kwè vwĩ̀-zwə́lnə* bé tumə né bə pə Eləyazaarɛ ǹdə́ Yətamaarɛ nɛ. ³ Rə̀myɛ́ kwã nɛ́, Eləyazaarɛ byǐ Sadɔɔkɛ ǹdə́ Yətamaarɛ byǐ Ayəməlɛɛkɛ sɛ̃ Dəvyidi ni n cĩ́ vwĩ̀-zwə́lnə bé kùkùlə̀ né kɔn tó dwã ǹdə́ bə̀ tumə né vwĩ̀-zwə́lnə tum rí wẽ́ mó. ⁴ E jà Eləyazaarɛ byǎ bɛ́ y'à já du Yətamaarɛ byǎ bɛ́; wɔ́ rə̀myɛ́ rə̀ ce bə bɔ̀n Eləyazaarɛ byǎ bɛ́ dwə́ kùrə̀ shí ǹdə́ nyə̀ldù, bə zɛ̃̀ bə bɔ̀n Yətamaarɛ byǎ bɛ́ dwə́ kùrə̀ lyɛlɛ, dwí gakó ǹdə́ rə̀ yó-cə́bal. ⁵ Bə tó tántɛ́ɛ́ dɛnnɛ bə m'e bɔ̀n bɛ, bə̀ Yi jì y yó-cìnə́ ǹdə́ Yi yó-cìnə́ bé y'à wɔ Eləyazaarɛ ǹdə́ Yətamaarɛ ga byǎ bɛ́ wẽ́. ⁶ Nətanəyəə byǐ Shəmaya, ń yà ń wɔ́ sá-kanna Levyi dwí rí lyì bí wẽ́ mó, jòm pyɔ̌ mɔ́ ǹdə́ yó-cìnə́ bé ǹdə́ vwĩ̀-zwə́lnə Sadɔɔkɛ ǹdə́ Abyataarɛ byǐ Ayəməlɛɛkɛ ǹdə́ vwĩ̀-zwə́lnə bé dwə́ né yó-cìnə́ bé e súlí Levyi byǎ bɛ́ dwə́ né yé né n kɛ̃ bə̀ yilə né. Bə̀ y'à n'ê tɛ́ tántɛ́ɛ́ twər rə̀lyè Eləyazaarɛ jì y yilə, bə zɛ̃̀ bə tə́ tántɛ́ɛ́ twər rə̀dù Yətamaarɛ jì y yilə. ⁷ Nyǐ kùkùlə̀ né yó-cìnə́ bé bə̀ tó tántɛ́ɛ́ dɛnnɛ bə cír mú yilə né: nã́yéé y zɔ Yoyəriibi, sǝ̀lyè nyǎ y zɔ Yədaya, ⁸ sǝ̀tɔ̀ nyǎ y zɔ Arim, sǝ̀na nyǎ y zɔ Səworim; ⁹ sǝ̀nu nyǎ y zɔ Maləca, shǝ̀ldù nyǎ zɔ Myamɛ̃, ¹⁰ shàlpyɛ̀ nyǎ y zɔ Akɔɔsɛ, lyɛlɛ nyǎ y zɔ Abya, ¹¹ nǝ̀bɔ́ nyǎ y zɔ Zhozwe, shí nyǎ y zɔ Shəkanya, ¹² shí ǹdǝ́ èdù nyǎ y zɔ Elyəshiibi, shí ǹdǝ́ sǝ̀lyɛ̀ nyǎ y zɔYakɛ̃, ¹³ shí ǹdǝ́ sǝ̀tɔ̀ nyǎ y zɔ Upə, shí ǹdǝ́ sǝ̀na nyǎ y zɔ Yəshəbaabɛ, ¹⁴ shí ǹdǝ́ sǝ̀nu nyǎ y zɔ Byələga, shí ǹdǝ́ shǝ̀ldù nyǎ y zɔ Yəmmɛɛrɛ, ¹⁵ shí ǹdǝ́ shàlpyɛ̀ nyǎ y zɔ Ezhiiri, shí ǹdǝ́ lyɛlɛ nyǎ y zɔ Apyəsɛɛsɛ, ¹⁶ shí ǹdǝ́ nǝ̀bɔ́ nyǎ y zɔ Pətaya, shí-èlyè ǹdǝ́ sǝ̀lyè nyǎ y zɔ Ezəcəə, ¹⁷ shí-èlyè ǹdǝ́ èdù nyǎ y zɔ Yakɛ̃, shí-èlyè ǹdǝ́ sǝ̀lye nyǎ y zɔ Gəmuuli, ¹⁸ shí-èlyè ǹdǝ́ sǝ̀tɔ̀ nyǎ y zɔ Dəlaya, shí-èlyè ǹdǝ́ sǝ̀na nyǎ y zɔ Maazha ¹⁹ Wɔ́ èta bə̀ bɔ̀n bɛ nɛ bə̀ tum rí wẽ́, bə̀ la m'ê twĩ̀ Cinu Yi jì y wə, kɔn tó nyí rí tɛ̀bɛ́ bə̀ da Aarɔ̃ pɔ bɛ mɔ́, nyí rí tɛ̀bɛ́ Cinu, Esərayɛl Yi rí yà ń pɔ ńmyɛ nɛ mɔ́. ²⁰ Nyǐ Levyi dwí rí lyì bí byɛ̀bɛ́ bə̀ y'à dàl mɔ́: Aməram byǎ bɛ́ wẽ́, è yàl Shəbayɛl; Shəbayɛl byǎ bɛ́ wẽ́, è yàl Yəja. ²¹ Erəyabya byǎ bɛ́ wẽ́, è yàl Yəsha, ń dwí rí byì-cɛ yá. ²² Yəsaarɛ byǎ bɛ́ wẽ́, è yàl Shələmɔɔtɛ, Shələmɔɔtɛ byǎ bɛ́ wẽ́, è yàl Yaatɛ. ²³ Ebərɔ̃ byǎ bɛ́ wẽ́, è yàl: Yərəya, byì-cɛ yá, ǹdə́ Amarəya, bə̀lyè nyǎn mɔ́ ǹdə́ Yazhɛl, bə̀tɔ̀ nyǎn mɔ́, e súlí Yəkamam, bə̀na nyǎn mɔ́. ²⁴ Uzhəə byǐ mú yàl: Myəka; Myəka byǎ bɛ́ wẽ́, è yàl Shəmyiiri. ²⁵ Myəka da-byǐ Yəsha byǎ bɛ́ wẽ́, è yàl Zakarɛ. ²⁶ Mərəri byǎ bɛ́ yàl: Məli ǹdə́ Mushi e súlí Yazha; ²⁷ Mərəri byǐ Yazha byǎ bɛ́ yàl: Shɔwam ǹdə́ Zəkuuri e súlí Yəbəri. ²⁸ Məli byǎ bɛ́ wẽ́, è yàl Eləyazaarɛ. Eləyazaarɛ yə̀ byǐ lùl yé. ²⁹ Ciishi ǹdə́ ń byǎ bɛ́ wẽ́, è yàl Yəraməyəə. ³⁰ Mushi byǎ bɛ́ yàl: Məli ǹdə́ Edɛɛrɛ e súlí Yərəyəmɔɔtɛ. Wɔ́ bə̀myɛ́ bə̀ yàl Levyi dwí rí lyì bí, bə̀ bɔ̀n dwí dwí. ³¹ Bə̀myɛ tó tántɛ́ɛ́ dɛnnɛ bə nyǐ bə̀ gə́ m'a twĩ̀ bə m'e zwẽ dwã ma, ǹdə bə̀ da-byǎ Aarɔ̃ byǎ bɛ́ ta; è yàl pyɔ̌ Dəvyidi ǹdə́ Sadɔɔkɛ ǹdə́ Ayəməlɛɛkɛ e súlí vwĩ̀-zwə́lnə bé ǹdə́ Levyi byǎ bɛ́ dwə́ né yó-cìnə́ bé yé né. Bə̀ wɛ̀rhɛ́ byì-cɛ dwí rí ǹdə nyán námpɔ́lɛ́ myɛ dwí rí ta.