¹ A a cua honu nii tonkaro wã ũ bũaani. A ĩ man maabiire donso na kuera liira ho ta yi. Ho kɔ̃hũ na nayilo ɲii miɛ ɲii wonza a ɓa nan a yi. ² A le ɓuee hɛra ho kɔ̃hũ na nayilo ɲii miɛ ɲii, a le minka yiri lo ha yi kuutuu, a pon ho ta ɓuenɓuen yi a mu wo le tibiri a le wii yi man mi. ³ A ɓa kooyoɓa lo le yiri mu yi a bɛra fo ho ta. Ɓa nan ho panka ɓa yi a ɓa we taa ɓa niviɛ le ɓa nakua buosii. ⁴ A ɓa bii nan ɓa yi le le ɲini, le hã vĩntĩɛ, naa buo lee buo na lee sa hã vãnna a ɓa yi tũii yi. Ka ɓa niviɛ na le Donbeeni fĩimini miɛ wan le ban midon a ɓa wee taa. ⁵ Ɓa yi nan le nii ɓa yi le ɓa ɓue ɓa niviɛ mu, ka ɓa mahã a bee ɓa lo naa soobiɛ a a dã hã pĩina buo honu. Bii ɓa lee bee le a nive la ka lon nako taro viɛ buosii. ⁶ Pãahũ na a bũn a we yi ka ɓa niviɛ we e bii le ũ la hurũn sa mu tũaani. Ɛɛ ka ɓa mahã man hi. Ɓa tĩɛ we e va mu humu yi. Ɛɛ ka ɓa man yi mu. ⁷ Ɓa koyoɓa mu ka le ũ cuaɓa na ɓa wiikaa hã hĩɛ tara buo yi. Ɓa ɓuenɓuen ɲuna a mu buo donso ponka yi le ũ bazamu ƙãnluaa na wo le ho sãnu. Ɓa yara ka le ũ niviɛ yara, ⁸ a ɲunvɛ̃ni tuoka le ũ hãaɓa ɲunvɛ̃ni buosii. Ɓa ɲiɛ ka le ũ kudenɓa ɲiɛ. ⁹ Ɓa kotĩɛ ka le hã ponka yi laa hãnlo buoɓa donso. Ɓa miɛ sã lee ɲi wuruwari wuruwari le ũ wotoroɓa le ũ cuaɓa na do le a va hã hĩɛ. ¹⁰ Ɓa zũaa wi a ka le ũ nama zũaa. Le hãn zũaa so ɓa a bee le ɓa niviɛ lo hã pĩina buo honu yi. ¹¹ Ɓa koyoɓa mu bɛɛ le a tonkaro na pan ho kɔ̃hũ na nayilo ɲii miɛ yi. A yeni le mu heberemu ɓa le Abadon, ka mu kɛrɛɛkimu a ɓa lee ve a naa Apoliyon, mu kuara le «Beyaaro». ¹² Bũn le ho ninyiɛni yereke na wo ƙĩina. Yerekeɓa buo ɲun a pa a bĩni i we a a sĩ bũn yi. ¹³ Bũn man a a cua hezĩn nii tonkara wã le bũaani. A ho *ãnsãn cĩinii diɛ na wo le ho sãnu, ĩ ɲa tãmu donso lo hã wãa mi bua naa yi dii wi le Donbeeni yaho ¹⁴ Mu tãmu mu bii nan a tonkaro cua hezĩn nii na ɓuan le bũaani y i: «Ɓa tonkaroɓa na lo le waani numa naa na ɓa can ho muhũ na ɓa le Efaraate ɲii a ũ fee kuora. » ¹⁵ A ɓa tonkaroɓa numa nan na la wiikaa diɛ a pan na den lolile so, hon pĩihũ so, den wizenbiri so, hon pãnkeni keni so, A a feera ɓa kuaara a ɓa ɓue ho dĩmiɲa niviɛ so nkanan cua-tĩn nii ɲuhũ. ¹⁶ Ɓalɛ hĩntaɓa na yoora ɓa cuaɓa a ɓa zeeniɛ ɲii naa mi. Ɓa le ɓa le ho muaasie ƙĩɛpiru piru ɲuna ƙĩɛɲun. ¹⁷ Biɛ ĩ man le ɓa sii le biikɛ : Ɓa ɓuenɓuen mu buoɓa ponka kotĩɛ yi. Mu donso ka huee le ũ dɔ̃hũ. Mu donso le mu boburã. Mu donso le mu bodondo. Ɓa cuaɓa ɲuna ka le ũ kudenɓa ɲuna. Ho dɔ̃hũ le le yiri le ho kiribi lee le le ɓa ɲini. ¹⁸ Mu bosũman buo tĩn mu, ho dɔ̃hũ le le yiri le ho kiribi na lee le le ɓa ɲini lebii ɓoka ho dĩmiɲa niviɛ. Biɛ mu ɓo ɓuenɓuen a a yi ɓa sankanan cua tĩn. ¹⁹ Ɓa cuaɓa mu pankaɓa wi ɓa ɲini le ɓa zũaa yi. Mu bon, ɓa zũaa ɲuna wi a ka le ũ haɓa, le hãn ɓa lee ɓooninaa ɓa niviɛ yi. ²⁰ Ka ɓa niviɛ na mu bosũman a yi yu yi ɓo, ban pa yi yereman yi diɛ mi wãnna hãlo. Ɓa pa lee ɓuaani ɓa cĩnaɓa. Hã wãnna na wo le ho sãnu, naa hĩɛ wo le le wɛnhãnlo, naa hĩɛ wo le ho dãɲan, naa hĩɛ wo le hã huaa le hã ɓuɛɛni, bũn na yi man mi mu bii, a yi man ɲi mu buo, a yi da man we diɛ, lebũn a ban pa lee ɓuaani. ²¹ Ɓa niviɛ ɓuero, le mu nintimu wero, le ho hãfenlo le ho bafenlo le ũ siiɓa, le ho kãnlo, bũn ɓuenɓuen a ɓa pa yi yereman a yi diɛ wero.