¹ Bii a a Piiza mahã fi wo ho heɲun nii tomanu na la lan ho vãahũ ɲii, a bii le waani ɓuenɓuen wo tɛtɛtɛ a do mi yi. ² A ĩ le ĩ lon, a ĩ man le Donbeeni tonkaroɓa numa heɲun na dĩn le Donbeeni yaho. A ɓa nan hã bũaani dakeni keni ɓa yi. ³ A le Donbeeni tonkaro bĩni donso la ɓuee dĩn le ho *ãnsãn cĩinii diɛ nisãni. A ɓuan ho lanpoho na ɓa lee we cĩi mu buo na sãmu sĩ yi. Ho wo le ho sãnu. A ɓa nan mu buo na sãmu sĩ cɛrɛɛ a yi a a cĩi mu ho yi ho *ãnsãn cĩinii diɛ na wo le ho sãnu wan, dii wi mu bazamu kanɓoni yaho. A mu buo mu naa bii buo sã le Donbeeni yi fiira a a paani na le Donbeeni yi. ⁴ A mu buo na sãmu sĩ na lee cĩ ho lanpoho na a a ɓuan yi yiri naa bii bio sã le Donbeeni yi fiira paaniɛ yoo dãn le Donbeeni. ⁵ Bũn man a a waani tonkaro mu ƙa hã donfũaa ho *ãnsãn cĩinii a kuaa ho lanpoho mu yi a konkuaa kuaa ho ta wan le ũ panka. Bii a o konkuaa hã kuaa kɛsii, a ho viiho ɲuiikaa a namakaa, a ho ta dĩnkonkaa le ũ panka. ⁶ A le waani tonkaroɓa numa heɲun na ɓuan hã bũaani wãa wiikaa miten hã wĩlo buo yi. ⁷ A a ninyiɛni tonkaro wãa wã ũ bũaani. Bii a a wã le, a ho viiho ɓobiɛ le ho dɔ̃hũ, le le cɛ̃ni lĩnkaa min yi a dĩndĩn to ho ta yi. A ho ta le ũ vĩntĩɛ le ũ ɲini buo na cãka ɓuenɓuen a a yi mu man sankanan cua tĩn. ⁸ A a ɲun nii tonkara wã ũ bũaani. A buo donso le ũ ɓuebeeni na za, a ɓa leera do mu yamu ɲumu yi, a buo yereman wo le cɛ̃ni a a yi mu man sankanan cua tĩn. ⁹ A ɓa buaa na wi le cɛ̃ni mu yi a hurũn. A hã wonna na wi le yi mun fu. ¹⁰ A a cua tĩn nii tonkaro wã ũ bũaani. A le manaayibebeeni donso za wo ho dɔ̃hũ kuera lira hã vũna le hã ɲundãa man sankanan cua tĩn tĩn wan. ¹¹ Le maabiire mu yeni ɓa le Hɛnhɛro. A hã vũna le hã ɲundãa ɲumu, a buo yereman wo mu ɲunhɛniɛ a a yi mu sankanan cuatĩn. A ɓa niviɛ cɛrɛɛ hurũn lebii ɓa ɲun mu ɲunhɛniɛ mu. ¹² A a cua nan nii tonkaro wã ũ bũaani. A le wii, le ho pĩihũ, le hã manaayii sankanan cuatĩn tĩn nii a ɓooniɛ yi, a mu man ƙoomu sankanan cua tĩn tĩn nii a vo. A le wisoni le ho tĩnaahũ sankanan cua tĩn tĩn nii wo le tibiri cĩcoon. ¹³ A ĩ le ĩ lon, a ĩ man diɛ donso a a yoo lee diɛ le waani firicirii a lee bii biikɛ pãnpãn : «Yereke loo! Yereke! Ho yereke a a ta ho dĩmiɲa niviɛ yi lebii le Donbeeni tonkaroɓa numa tĩn nakɛ a a wĩ mi bũaani».