¹ «Hã ɲicua nakɛ a ĩ tɔ̃n a na le Donbeeni tonkaro, yiɛ lee pa ho Saade loho keretĩɛɓa kuire yi: «Yiɛ hã hakiira buo heɲun na bii sã le Donbeeni yi wiraa, na hã maabiɛ buo heɲun wi nii yi, le won lee bii biikɛ : Bii mi lee we a ĩ zũ. Ɓa niviɛ lee lieka le mi yu le mukɛ̃ni binbiri, a mi ɲan hurũn le Donbeeni yaho. ² Awa, a ũ bũn fani mi yii yi, a de panka ũten wan, a bii ka maa ɲuhũ hĩɛ yi ɓue. Mu bon. Ĩ zũ lebii fo lee we a ɲii yi tũn ĩ Miɛ Donbeeni yaho. ³ Awa, a ũ bĩni lieka ũ yi bii fo ɲa le le Donbeeni biini a ta le yi buo. Ka fo yi yerema ũ yilera le ũ wera, a le be le biini mu yi. Ka fo yi faniɛ ũ yii, a ĩ ɓuee yooka ũ wan le a kɔ̃nlo buo. Fo man dan man zũn ĩ ɓuenlo mi cãn pãahũ. ⁴ Ɛɛ ka ɓa donso mahã wi ho Saade mu loho keretĩɛɓa kuire tĩɛhũ a ɓuan miten sese le Donbeeni yaho le ũ niviɛ na tĩzĩniɛ lee ce werewere. Ban a a be naa mi ka ɓa zã hã tĩpoa, lebii ɓa ka naa bũn. ⁵ «Naa bũnsii a yiɛ danna ho fũuhũ faa, a won ĩ zĩini le hã tĩpoa. A yeni a ĩ man len biɛ yu le mukɛ̃ni binbiri yennaa vãahũ yi huuu. Ĩ i dĩn ĩ Miɛ le ũ tonkaroɓa yaho a bii le manso buo sã min. ⁶ «Yiɛ lee ɲi buo, a manso ɲi bii le Donbeeni Hakiiri lee bii ni ɓa keretĩɛɓa kuura yi sese». ⁷ «Hã ɲicua nakɛ a ĩ tɔ̃n a na le Donbeeni tonkaro na lee pa ho Filadɛlifii loho keretĩɛɓa kuure yi: «yiɛ na mansii miɛ, na le ho tũiɛ poni manso, yiɛ a *Daviide bɛɛni diro nii na le ho panka wi nii yi le ũ n woohũ wonza, yiɛ hɛra mu buo ɲii, a nive man dan ti mu ɲii, a yiɛ mun pon mu buo ɲii a nive man dan hɛn mu ɲii, le won lee bii biikɛ : ⁸ Bii mi lee we a ĩ zũ. Ĩ zũ le ɓa niviɛ yi man kãnbi miɛ sese, ɛɛ ka mi mahã pa lee be ĩ biini yi, mi yi pã ĩ buo ɓa niviɛ yaho. Awa, ĩ hɛra ho zũkɔ̃ɲii nan miɛ. A nive na mun da a bĩni i pe ho miɛ. ⁹ Mi lon, biikɛ lebii a ĩ i we naa biɛ buo sã a Setãni yi, ban na lee fũaa hã sabie le mi le ɓa *zuifuɓa a mu ɲan yi bon. Ĩ i we a ɓa ɓuee fara mi nankoɲuna wan ũ yaho, a ɓa a zũn le ĩ wa fo. ¹⁰ Bii ĩ heniɛ ni fon le ũ hĩ ũ tĩni a ũ ta ĩ bo yi. Lebũnan a le lonben na ɓuee ƙɛn ho dĩmiɲa niviɛ ɓuenɓuen kuara a Ĩnɛ mɛn mun a kãni fo le yi. ¹¹ Hen naa cĩinu ka ĩ ɓuen. Bii fo do ũ tĩni min lebũn ũ faradĩn wan naa bii fo lee weraa mu, bona a ni a donso hĩɛ yi fe mi buo na lee zeeni le ũ faa ho fũuhũ. ¹² «Yiɛ danna ho fũuhũ faa, won a kɛn le ũ boroboro ĩ Miɛ *Donbeeni zĩbeeni yi fuuu. Manso a kɛn le zĩi mu yi fuuu. Ĩ Miɛ Donbeeni yeni, le ho loho yeni a ĩ tɔ̃n manso wan. Hon loho so le ho Zeruzalɛɛmu fĩnle na a le le waani le Donbeeni cãn a a lii. Ĩnɛ yenfĩnle a ĩ mun a tɔ̃n manso wan. ¹³ «Yiɛ lee ɲi buo, a manso ɲi bii le Donbeeni Hakiiri lee bii ni ɓa keretĩɛɓa kura yi sese». ¹⁴ «Hã ɲicua nakɛ a ĩ tɔ̃n a ni le Donbeeni tonkaro yi, yiɛ lee pa ho Lawodisie loho keretĩɛɓa kuure yi: «yiɛ yeni ɓa le *Amin na, yiɛ lee mi ho tũiɛ poni le Donbeeni ɲii, yiɛ laaroyi wi, yiɛ le ho tũiɛ poni manso, na le Donbeeni dĩn wan leranaa mu buo ɓuenɓuen, le won lee bii biikɛ : ¹⁵ Bii fo lee we a ĩ zũ. Le Donbeeni buo yi, a fo yi suɓa, a fo mun yi wan. Fo da a we le fo suɓa taa a fo a wan, sa bũn pa wãa tũaani. ¹⁶ Ka bii fo yi suɓa a fo mun yi wan, a fo ka tɔ̃ɔn, a ĩ i kũn fo a a kuora. ¹⁷ Fo lee bii le ũ nii buo wi, le fo bo ũten ũ naforo wan, buo donso yi fuora fon, taa. A fo yi zũ ka fo le ɲinbii manso a wi makari yi. Fo le niƙeniɛ. Fo le muii a lee vara ũ bĩɛ. ¹⁸ Awa, ũ diɛ ni ĩ zeeni fo : Ho sãnu binbiri na ceera ho dɔ̃hũ yi a fo wãa ɓuee ya ĩ cãn. Lebũn na fo a we mu buo manso wa binbiri. Mi ɓuee ya hã sĩpoa ĩ cãn a zĩ a ti na ũ nibii yi. Ũ mun ɓuee ya hã yii tĩni ĩ cãn a vaani le ũ yii a ũ we mi. ¹⁹ Biɛ a ĩnɛ wa ka ɓa woƙon, a ĩ za naa ba, a be ɓa. Ũ wɛ̃n bĩni de soobiɛ ũten yi, a yerema ũ yilera le ũ wera. ²⁰ Mi lon, ĩ dĩn ho zũkãhũɲii a lee tɛɛni. Ka yiɛ ɲa ĩ sã a ta le ĩ ɓuee zo, a ĩ zo manso cãn a wa a paani a di. ²¹ «Yiɛ danna ho fũuhũ faa, a ĩ we a manso a kɛɛni mu bazamu kanɓoni wan ĩ nisãni, naa bii Ĩnɛ mun faa ho fũuhũ a kararaa ĩ bazamu kanɓoni wan ĩ Miɛ nisãni. ²² «Yiɛ lee ɲi buo, a manso ɲi bii le Donbeeni Hakiiri lee bii ni ɓa keretĩɛɓa kura yi sese».