¹ A ĩ bĩniɛ le ĩ lon a lee Piiza na le ɓuee na ɓa le Sion ɓuee wan. Ɓa niviɛ muaasie ɓuara-heɲun, laa muaasie naa paaniɛ wi le wan laa wo. Ɓa niviɛ mu a a Piiza le min Miɛ yennaa tɔ̃nna ɓuraa wan. ² A ĩ ɲa tãmu donso sã le waani le ũ ɲunbeeni vãnalo. Mu sã mun lee ɲi le ũ viiho na lee namaka le ũ panka. Mu sã lee ɲi le ũ koncowa na ɓa lee ɓua. ³ Ɓa niviɛ mu ɓuenɓuen dĩn mu bazamu kanɓoni , le ɓa baa baa naa, le ɓa nikĩɛ yaho ɓa lee sii le lenfĩnle. Nive na da le leni mu a a sii miɛ ka mu yinan ɓa niviɛ muaasie ɓuaraheɲun naa muaasie naa mu na le Donbeeni ya ho dĩmiɲa niviɛ tĩɛhũ. ⁴ Ban a yi paaniɛ naa hãaɓa yi man huuu a ɓa lee ce le Donbeeni yaho. Ɓa lee be a Piiza yi a varaa hã lenna ɓuenɓuen na a won lee va yi. Ho dĩmiɲa niviɛ tĩɛhũ a ɓalɛ le biɛ le Donbeeni ya a ɓa buo sã lelɛ le a Piiza yi le ũ boyaniɛ buosii. ⁵ Ɓa yi fã sabere yi man hari lon wizonkeni. Weƙero buo yi da man mi man lɛɛ ɓa yi. ⁶ A ĩ bĩniɛ le ĩ lon a ĩ man waani tonkara donso a a yoo lee diɛ le waani firicirii. A le a ɓuee bue le bintente na wi bĩn fuuu a ɲii miɛ a a ni ho dĩmiɲa kãna niviɛ le ũ siiɓa ɓuenɓuen yi, hari ɓa kɛn laho lee laho, hari ɓa bii biini le biini. ⁷ A lee bii biikɛ pãnpãn : «Mi we kãnbi le Donbeeni a len le yeni. lebii le Donbeeni citii fĩlo pãahũ dãn. Mi we ɓuaani le Donbeeni na lera le waani, le ho ta, le mu ɲumu ɓuenɓuen». ⁸ A a ɲun nii waani tonkaro na ba ninyiɛni tonkaro man, a lee bii biikɛ : «Ho *Babiloona beeni buo yaara loo! Ha buo yaara! Ho diɛra ho dĩmiɲa niviɛ ɓuenɓuen le ho bafenlo le ho hãfenlo le ũ siiɓa naa soobiɛ le ũ *divɛ̃n na ho ɲuiina naa ba». ⁹ Bũn man a a tĩn nii waani tonkaro na ba ɲun nii man, a biɛ biikɛ pãnpãn : «yiɛ we e ɓuaani a yiɛ na lo mu yamu ɲumu yi le ũ kansi, ka manso a a yiɛ mu fĩimini wi ɓuure taa o nii wan, ¹⁰ a won le Donbeeni tĩni a a cĩ yi naa soobiɛ. Mu u we le ũ divɛ̃n na here a le Donbeeni ɲuiina le manso. A lo a be naa soobiɛ ho kiribi na lee cĩ yi ɓa tonkaroɓa na biɛ sã le Donbeeni yi le a Piiza yaho. ¹¹ A ho dɔ̃hũ na lee bee o la man hi man mi. Ho yiri we e le fuuu hã loliɓa na ɲii miɛ yi. Mu bon, ban na we e ɓuaani a yiɛ le ũ kansi, na ɓa a be o yiɛ mu fĩimini wan, ban lo ƙii we e be le wisoni le ho tĩnaahũ fuuu». ¹² Lebũn a bii buo sã le Donbeeni yi, bii lee be bii le bo heniɛ yi a yi bĩniɛ a Yeezu man, a ko ɓa hĩ mi tĩɛ yi. ¹³ Ĩ ɲa tãmu donso sã le waani, a mu bii : «Tɔ̃n biikɛ : biɛ lee hi ka ɓa paaniɛ la a Ɲuhũso ban ɲuna sĩ biikɛ wan». A le Donbeeni Hakiiri le ũuu le ban ɲuna sĩ. Le ɓa a vũn le lonben na ɓa la bio yi. Ɓa boweniɛ lee zeeni ¹⁴ A ĩ bĩniɛ le ĩ lon a lee dindiire daponi na, a donso le ũ nive kara le wan. A ɓura mu bazamu ƙãnluee na wo le ho sɛ̃nu , a ɓuan le ƙanle na ɲii wi. ¹⁵ A a tonkara donso zoo lo le *Donbeeni zĩbeeni na le waani yi a lee bii pãnpãn naa yiɛ kara le dindiire wan: «La ũ ƙanle a ũ ƙe mu buo ho ta wan, mu ƙero pãahũ dãn». ¹⁶ A yiɛ kara le dindiire wan wãa ƙo mu buo ho ta wan ɓuenɓuen veeniɛ. ¹⁷ A a tonkara donso bĩniɛ zoo lo le Donbeeni zĩbeeni yi le waani, a mun ɓuan le ƙanle na ɲii wi. ¹⁸ A a tonkara donso na lee lon le muini yɛɛnii dɔ̃hũ buo zoo lo ho *ãnsãn cĩinii laho yi. A lee bii biikɛ pãnpãn naa yiɛ ɓuan le ƙanle na ɲii wi: «La ũ ƙanle a ũ lii ƙe ho erezɛ̃n na ho ta wan ɓuenɓuen, ho wãa bon». ¹⁹ - A le waani tonkaro mu lii ƙo ho erezɛ̃n ɓuenɓuen a lee kuaa le dabeeni na ɓa lee ɲaa ho yi ho donkĩɛ hũ. Le dabeeni na ho erezɛ̃n lee ɲaa yi a lee zeeni le Donbeeni tĩ-cĩile buo. ²⁰ Ɓa lee ɲaana ho erezɛ̃n mu, a mu wo le cɛ̃ni vãnaa yu ɓa cuaɓa ɲiɛni buɓa na a kuo ɓa ɲiɛni yi, a la tüi fua.hã kilomɛɛterewa ƙĩɛtĩn sii,