¹ Kemudian, Yesus lapah jak disan hik hantok dikota asal-NI, hik murid-murid-Ni ngesoki Ia. ² Ketika hari Sabat tiba, Yesus mulai ngajar di sinagoge. Hik, lok jelma se nengis-Ni ngerasa takjub, hik cawa, " Jak dipa Ia ngedacokko unyin hal hena? Hikmah lani se diejukko guk-Ia hik mukjizat-mukjizat nawak hena dilakuko makai culukni? ³ Ayinni Ia tukang kayu, anak Maria, hik puari Yakobus hik Yoses hik YUdas hik Simon? Ayinni puari-puari bai-Ni wat didija barong ram?" Lalu, tian pun tersandung hik menolak Ia. ⁴ Kemudian, Yesus cawa guk tian," Didipa-dipa jelma menghormati nabi, kecuali dijengan asalni diwik, hik diantara puari-puarini diwik, hik dimahanni diwik." ⁵ Maka, Yesus at pandai mengadako mukjizat didisan, kecuali ngepikko culuk-Ni dilambung beberapa jelma sakik hik nyenangko tian. ⁶ Hik, Ia heran karena ketidakpercayaan tian, Kemudian, Ia lapah berkeliling guk kampung-kampung hik ngajar. Yesus Mengutus Murid-Murid-Ni ⁷ Kemudian, Yesus ngeharuh kehua belas murid hik mulai ngutus tian hua-hua, hik ngejuki tian kuasa atas roh-roh najis. ⁸ Lalu, Ia ngejuki perintah guk tian agar tian at ngusung lani-lani lom perjalanan, kecuali kah tungkok, tanpa roti, tanpa tas, tanpa duit lom ikat pinggang tian, ⁹ tetapi memakai sendal hik ikin makai hua pulungan. ¹⁰ Hik, Yesus cawa guk tian, " Di dipa juga niku kuruk sebuah mahan, lekokdo didisan hantok niku luah jak disan. ¹¹ Hik, aman wat jengan se at nerima niku hik at nengisko niku, ketika niku lapah kebaskedo debu jak cukutmu sebagai kesaksian akan tian." ¹² Lalu, tian pun lapah hik memberitako bahwa jelma-jelma harus bertobat. ¹³ Maka, tian ngusir lok sebelis hik mengurapi lok jelma sakik dengan minyak, serta nyenangko tian. Herodes Nengis Berita tentang Yesus ¹⁴ Hik, Raja Herodes kok nengisni, karena gelar Yesus kok terkena, hik jelma cawa, " Yohanes Pembaptis kok bangkit jak anatara jelma mati, maka mukjizat-mukjizat hena bekerja dilom Ia." ¹⁵ Sebagian cawa, " Ia jadodo Elia." Namun, sebagian cawa," Ia jadodo seorang nabi, nawak salah sai jak nabi. ¹⁶ Akan tetapi, ketika Herodes nengis hal hena, ia cawa, "Yohanes, se kok ku penggal huluni, kok dibangkitko!" Yohanes Pembaptis Dibunuh ¹⁷ Memang Herodes diwik se kok mahitko jelma, memerintahkeni untuk nacokko Yohanes, hik membelengguni dilom penjara demi Herodias, kanjong puari bakasni, Filipus, karena Herodes kok ngahjongi Herodias. ¹⁸ Sebat, Yohanes beberapa kali cawa guk Herodes," At benor niku ngakuk kahjong puarimu." ¹⁹ Oleh karena hena, Herodias nyegokko dendam terhadap Yohanes hik haga ngebunuhni, tetapi ia at pandai. ²⁰ Sebab, Herodes rabai guk Yohanes seradu ia pandai bahwa Yohanes jadodo jelma benor hik jelma suci, hik Herodes ngelindungini. Ketika Herodes nengisko Yohanes, ia menjadi sangat bingung, tetapi Herodes sumbung nengisko Yohanes. ²¹ Namun, tibado hari se tepat, ketika Herodes pas hari ulang tahunni ngadako sebuah perjamuan untuk pejabat-pejabat langgarni, hik perwira-perwirani, hik pemimpin-pemimpin Galilea. ²² Lalu pas sanak bai Herodias kuruk hik nari, ia nyenangko hati Herodes hik tian se mejong barong ia. Hik, raja cawa guk muli hena, "Kiludo lani pun se niku haga hik nyak akan ngejukkeni guk niku." ²³ Hik, Herodias bersumpah guk ia, " Lani pun se niku kilu guk nyak, akan ku ejuki guk niku, bahkan hantok menengah kerajaanku." ²⁴ Hik, muli hena lijung hik cawa guk umakni, " Nyak harus kilu lani?" Umakni ngejawab, " Hulu Yohanes Pembaptis." ²⁵ Hik, saat hena juga dengan gancang-gancang, muli hena ratong guk raja hik cawa," Nyak haga ganta juga niku ngejukko guk nyak hulu Yohanes Pembaptis dilambung baki." ²⁶ Karena hena, raja menjadi sedih benor, tetapi karena sumpahni hik jelma-jelma se mengan barong ia, ia at haga menolak muli hena. ²⁷ Lalu, raja segera ngirim seorang algojo dengan perintah untuk ngusung hulu Yohanes, lalu algojo hena lapah hik memenggal hulu Yohanes di penjara. ²⁸ Kemudian, ia ngusung hulu Yohanes dilambung baki hik ngejukkeni guk muli hena, hik muli hena ngejukkeni guk umakni. ²⁹ Hik, ketika murid-murid Yohanes nengisni, tian ratong hik ngakuk badan Yohanes hik ngepikkeni dilom kuburan. Yesus Ngejuki Kanian gul lebih jak Lima Ribu Jelma ³⁰ Kemudian, para rasul berkumpul barong kantik Yesus hik memberitahuko guk-Ia lani hal se kok tian lakuko hik lani hal se kok tian ajarko. ³¹ Hik, Yesus cawa guk tian, "Marido mengasingko diri di jengan se hion hik beristirahat rebok."Sebab, wat lok jelma se ratong hik muloh, hik untuk menganpun tian at sempat. ³² Lalu, Yesus hik murid-muridni lapah mengasingko diri dengan perahu guk jengan se hion. ³³ Akan tetapi, jelma lok ngenah tian lapah hik ngenali tian. Hik, jelma lok hena lijung barong-barong ngeliui ngeraya darat jak unyin kota, hik tiba didisan menai Yesus hik para murid-Ni. ³⁴ Ketika Yesus lapah guk tepi danau, Ia ngenah lok benor jelma, hik Ia merasa lemot guk tian karena tian nawak domba se atmik gembala. Maka, Yesus mulai ngajarko tian lok hal. ³⁵ Ketika hari mulai manom, murid-murid Yesus ratong guk Yesus hik cawa, " Jengan henji jengan hion hik kok debingi. ³⁶ Pahitkedo tian lapah guk daerah sekeliling hik guk desa-desa supaya tian beli sesuatu untuk dikanik."

37 Akan tetapi Yesus ngejawab," Nikunado se ngejuki tian mengan." HIk, tian cawa guk-Ia,"Haruskah hikam lapah hik meli roti seharga 200 dinar hik ngejuki tian mengan?" ³⁸ Yesus cawa guk tian," Wat beberapa roti se niku miliki? Lapah hik enahdo!" Seradu tian mengetahuini, tian cawa, " Lima roti hik hua iwa." ³⁹ Lalu, Yesus memerintahko tian unyin agar mejong lom kelompok-kelompok dilambung jukuk hujau. ⁴⁰ Jelma lok hena mejong berkelompok, wat se seratus jelma hik wat se lima puluh jelma. ⁴¹ Seradu hena, Yesus ngakuk lima roti hik hua iwa hena, ngenah guk langit, Ia mengucap syukur hik mecohko roti hena, lalu Ia ngejukkeni guk murid-murid-Ni supaya ngehidangkeni guk jelma lok. Ia membagi-bagiko munih hua iwa hena guk unyin jelma. ⁴² Hik, tian unyin mengan hantok betong. ⁴³ Kemudian, tian ngakuk hua belas keranjang se penuh sisa-sisa roti hik iwa. ⁴⁴ Hik, wat lima ribu bakas se nganik roti. Yesus Lapah di Lambung Wai ⁴⁵ Kemudian, Yesus langsung mahitko murid-murid-Ni cakak guk perahu hik lapah menai-Ni guk seberang, guk Betsaida, sementara Ia mahitko jelma lok hena lapah. ⁴⁶ Seradu berpamitan kantik tian, Ia lapah guk bukit untuk berdoa. ⁴⁷ Ketika menjelang manom, perahu berada di tengah danau, hik Yesus diwikan di darat. ⁴⁸ Hik, seradu ngenah murid-murid-Ni mendayung dengan susah payah karena angin bertiup berlawanan arah kantik tian, kira-kira pas jam jaga debingi keempat, Yesus ngeratongi tian dengan berjalan dilambung danau hik Ia haga lapah ngeliui tian. ⁴⁹ Akan tetapi ketika tian ngenah Yesus lapah dilambung danau, tian menyangka bahwa Ia jadodo hantu, lalu tian mengkering, ⁵⁰ karena tian unyin ngenah Yesus hik kerabaian. Namun, Yesus langsung cawa guk tian, hik ngumung guk tian, "Tenangdo. Henji Nyak! ikin rabai." ⁵¹ Lalu, Ia cakak barong tian guk perahu, hik angin pun reda, hik tian takjub benor. ⁵² Sebab, tian masih kung memahami tentang mukjizat lima roti hena karena hati tian masih dikerasko. Yesus Nyenagko Lok Jelma ⁵³ Hik, seradu Yesus hik murid-murid-Ni menyeberang, tian mendarat ditanoh Genesaret hik berlabuh. ⁵⁴ Ketika, tian debah jak perahu, jelma-jelma langsung ngenali Yesus, ⁵⁵ hik jung lijung guk seluruh hena hik mulai ngusung jelma-jelma sakik dilambung lamat, guk dipa pun tian nengis tentang keberadaan Yesus. Maka, guk dipa pun Yesus kuruk guk desa-desa, atau kota-kota, atau daerah-daerah disekitarni, tian membaringko jelma-jelma sakik dijengan rami hik mkemohon guk-Ia supaya tian hiju ngejamah ujung jubah-Ni gawoh. hik sapa pun se ngating jubah-Ni menjadi senang.