¹ Lalu, berkumpuldo jelma-jelma Farisi negahi Yesus barong kantik beberapa ahli Taurat se ratong jak Yerusalem. ² Hik, tian ngenah beberapa murud Yesus nganik roti makai culuk se najis, yaitu culuk se at dibasuh. ³ SEbab, jelma-jelma Farisi hik unyin jelma Yahudi at akan mengan aman culuk tian at dibasuh hantok guk pegelangan culuk karena tradisi nenek moyang se tian kating. ⁴ Hik, aman jelma-jelma Yahudi hena ratong jak jengan umum, tian akan mengan sebelum masuh culuk. Hik, wat lok tradisi barihni se tian terima untuk dikatong, nawak pembasuhan cawan-cawan, kendi-kendi, hik bejana-bejana tembaga. ⁵ Kemudian, jelma-jelma Farisi hik ahli-ahli Taurat ngulih guk Yesus, " Ngapi murid-murid-Mu at hurik menurut tradisi nenek moyang, tetapi malah nganik roti makai culuk najis?" ⁶ Yesus cawa guk tian, " Yesaya bernubuat dengan benor tentang niku se munafik, nawak se tertulis: 'Bangsa henji menghormati Nyak dengan bibir tian, tetapi hati tian jawoh jak Nyak. ⁷ Tian menyembah-Nyak dengan sia-sia karena ngajarko ajaran perintah-perintah se diguai oleh manusia.' ⁸ Sambil mengabaiko perintah Allah, niku ngating kuat tradisi manusia." ⁹ Lalu, Yesus cawa guk tian munih,"Dengan cerdik niku nolak perintah Allah sehingga pandai mermpertahanko tradisimu diwik. ¹⁰ Sebab, MUsa ngumung 'Hormatodo bakmu hik umakmu, ' hik sapa saja se ngutuk bakni atau umakni harus dihukum mati.' ¹¹ Namun, niku cawa aman sai jelma cawa guk bakni atau umakni,'Lani pun keuntungan se akan niku mangsa jak nyak jadodo kurban, yaitu persembahan,' ¹² lalu niku at lagi mengizinko ia ngelakuko lani pun untuk bakni atau umakni, ¹³ dengan jukna niku kok membatalko firman Allah dengan tradisimu se kok turun temurun. Hik niku ngelakuko lok hal lagi nawak henji." ¹⁴ Kemudian, Yesus ngeharuk lagi unyin jelma hik cawa guk tian," Tengiskedo Nyak, kuti unyin, hik pahamido. ¹⁵ At mik sesuatu pun jak luah manusia se kuruk dilom dirini pandai menajiskeni, tetapi hal-hal se luah jak manusiado se menajiskeni." ¹⁶ " Aman sai jelma menpunyai cuping untuk nengis, gandodo ia nengis!" ¹⁷ Lalu, ketika Yesus kuruk guk mahan hik meninggalko jelma-jelma hena, murid-murid-Ni ngulih guk-Ia tentang perumpamaan hena. ¹⁸ HIk, Ia cawa guk tian, ' Apikah niku at mengerti munih? Atkah niku pandai bahwa lani pun se jak luah kuruk guk lom manusia at akan menajiskeni? ¹⁹ Sebab, se kuruk hena at kuruk guk lom hatini, tetapi bungkangni, hik kemudian luah guk jamban."(Dengan jukna, Yesus menyatako bahwa unyin kanian halal.) ²⁰ Lalu Ia cawa, "Lani se luah jak manusiado se menajiskeni. ²¹ Sebab, jak lom, jak hati manusia, muncul pikiran-pikiran jahat, dosa-dosa seksual, pencurian, pembunuhan, ²² perzinahan, keserakahan, kejahatan, tipu daya, hawa nafsu, iri hati, fitnah, kesombongan, hik kebuguan. ²³ Unyin hal se jahat hena ratong jak lom manusia, hik hena se menajiskeni." Iman Sai Bai Siro-fenisia ²⁴ Jak jengan hena, Yesus miah hik lapah guk wilayah Tirus hik Sidon. HIk Ia kuruk guk sebuah mahan hik at haga wat sai pun se pandai, tetapi Ia at pandai luput jak perhatian. ²⁵ Segara seradu nengis tentang Yesus, sai bai se anak mulini kerasukan roh najis ratong hik sujud di cukut Yesus. Bai hena jadodo jelma Yunani, lahir di Siro-Fenisia. Ia memohon guk Yesus untuk ngusir sebelis hena luah jak anakni. ²⁷ Kemudian, Yesus cawa guk bai hena,"Gandodo sanak-sanak dibetongko terlebih dulu. Sebab, at helau ngakuk roti duni sanak-sanak hik betakkeni guk kaci-kaci." ²⁸ Akan tetapi, bai hena ngejawab hik cawa guk Yesus,"Benor, Tuhan. Namun, kaci-kaci se wat dibah mejah pun nganik remah-remah sanak-sanak hena." ²⁹ Lalu, Yesus cawa guk bai hena," Karena niku nyawako henji, niku pandai lijung. sebelis hena radu ninggalko anakmu." ³⁰ Kemudian, bai hena muloh guk mahan tegah anakni lagi berbaring dijengan pedom, hik sebelis hena kok lijung. Jelma se Tulok Disenangko ³¹ Kemudian, Yesus luah lagi jak wilayah Tirus hik lapah ngeliui Sidon meniju guk danau Galilea, di wilayah Dekapolis. ³² Lalu, tian ngusung guk Yesus sai jelma tulok se sara ngumung. Tian memohon guk Yesus untuk ngeletakko culik-Ni dilambung jelma hena. ³³ Kemudian, Yesus ngusung jelma hena menyendiri jak kumpulan jelma lok. Ia ngurukko jari-Ni guk lom cuping jelma hena, hik seradu meretok, Ia ngating cuping jelma hena. ³⁴ Lalu, Yesus ngenah guk langit, Ia menarik napas tijang hik cawa, artini " Terbukado!" ³⁵ Saat hena munih, cuping jelma hena terbuka, ikatan hemani terlepas, hik ia cawa dengan jelas. ³⁶ HIk, Yesus ngelarang tian menceritako peristiwa hena guk sapa pun. Akan tetapi, semakin Ia ngelarang tian, tian semakin memberitakeni. ³⁷ Tian benor-benor takjub hik cawa, " Ia kok ngelakuko segala hal dengan helau. Ia bahkan ngeguai jelma tulok nengis hik jelma bisu cawa."