¹ Hik, Yesus mulai mengajar lagi di tepi danau. Berkumpuldo mengerumuni Yesus jelma lok se jumlahni balak sehingga Ia cakak guk lom perahu hik mejong dilambung danau. Sementara, jelma lok hena berada didarat, ditepi danau. ² Hik, Ia mengajar tian tentang lok hal dengan perumpamaan-perumpamaan. Lom pengajaran-Ni, Ia cawa guk tian, ³ "Tengiskedo! Wat sai jelma se lapah untuk menabur. ⁴ Maka terjadido, ketika ia lagi menabur, beberapa benih tiak ditepi ngeraya, hik manuk-manuk ratong, lalu nganikni. ⁵ Sebagian tiak dilambung tanoh berbatu se at lok tanohni. Benih hena langsung tuoh dengan gancang karna tanohni at helom. ⁶ Ketika matahari semakin terik, tanoman hena mutung hik karna atmik akar, tanoman hena jadi ngeluh. ⁷ Sebagian tiak di tengah-tengah semak duri. Lalu, semak duri bertumbuh hik menghimpit tanoman hena hantok mati, hik taniman hena at ngejuki buah. ⁸ Namun, sebagian tiak di tahoh se helau hik ngehasilko buah, bertumbuh, hik bertambah balak, serta ngehasilko telu puluh kali lipat, enom puluh kali lipat, hik seratus kali lipat." ⁹ Kemudian, Yesus cawa," Sapa se wat cuping untuk nengis, gandodo ia nengis!" ¹⁰ Pada waktu Yesus diwikian, jelma di sekeliling-Ni, barong kantik hua belas rasul, ngulih guk-Ia tentang peruimpamaan-perumpamaan hena. ¹¹ Lalu, Ia ngejawab tian," Rahasia Kerajaan Allah kok diejukko guk niku. Akan tetapi, guk jelma-jelma barih, setiap hal disampaiko lom perumpamaan-perumpamaan, ¹² supaya, 'Meskipun pandai ngenah, tian ngenah hik at pandai; hik meskipun pandai nengis, tian nengis hik at memahami. supaya tian ikin bertobat hik diampuni."' Penjelasan tentang Benih lom Perumpamaan Penabur ¹³ Kemudian yesus cawa guk tian, "Atkah niku mengerti perumpamaan henji? Bagaimana niku pandai ngerti unyin perumpamaan hena? ¹⁴ Penabur hena menaburko firman. ¹⁵ Tian hena jadodo jelma-jelma se tiak dipinggir ngeraya, jengan firman hena ditaburko. Saat tian nengis, dengan segera Iblis ratong hik ngerebut firman se ditaburko guk tian. ¹⁶ Jukna munih, tian se ditabur di tanoh berbatu jadodo jelma se nengisko firman hik langsung nerimani dengan sukacita. ¹⁷ Akan tetapi, tian at berakar dilom dirini diwik hik kah bertahan sementara. Kemudian, ketika ratong kesulitan atau penganiayaan karna firman hena, tian langsung tiak. ¹⁸ Hik, barihni jadodo se tiak ditengah semak duri. Tian jadodo jelma-jelma se nengisko firman, ¹⁹ tetapi kekhawatiran akan dunia, hik hawa nafsu akan kekayoan, hik keinginan-keinginan akan hal-hal barih diantara firman hena hik menghimpitni sehingga ia at ngehasilko buah. ²⁰ Namun, tian se ditabur ditanoh se helau jadodo tian se nengisko firman, nerimani, hik ngehasilko buah, telu puluh kali lipat, enom puluh kali lipat, hik seratus kali lipat." Perumpamaan tentang pelita ²¹ Lalu, Yesus cawa guk tian, "Ayinkah pelita at diusung untuk diletakko dibah sebuah gantang atau dibah jengan pedom? Ayinkah pelita hena seharusni diletakko dilambung cukut pelita? ²² Sebab, atmik se tesegok se at diungkapko. Juknado munih, atmik rahasia lanipun karena hal hena akan dinyatako. ²³ Aman wat jelma se wat cuping untuk nengis, gandodo ia nengis!" ²⁴ Lalu, Yesus cawa guk tian, "Perhatikedo lani se niku tengis. Ukuran se niku pakai akan diukurko guk niku, hik masih wat lagi se akan ditambahko guk niku. ²⁵ Karena sapa se wat, ia akan diejuki lagi, tetapi sapa se at mik, lani pun se wat di ia akan diakuk munih jak ia." Perumpamaan tentang benih ²⁶ Kemudian, Yesus cawa,"Kerajaan Allah jadodo nawak sai jelma se menabur benih ditanoh. ²⁷ Penabur hena pedom hik muah mawas hik debingi, hik benih hena ngeluahko tunas hik tuoh. Penabur hena at pandai jikpa jadini. ²⁸ Tanoh hena ngehasilko buah diwik. awalni tunas, kemudian bulirni, lalu biji-biji gandum dilom bulir hena. ²⁹ Ketika biji-biji gandum hena masak, jelma hena langsung nyabitni karna musim panen kok ratong." Perumpamaan tentang Biji Sesawi ³⁰ Kemudian, Yesus cawa,"Dengan lanikah ram mambandingko Kerajaan Allah? Atau, dengan perumpamaan lanikah ram pandai membandingkokeni? ³¹ Kerajaan Allah hena nawak biji sesawi se ditabur di tanoh, walaupun biji hena jadodo biji se paling renik diantara unyin biji dibumi, ³² tetapi ketika ditabur, biji hena akan tumbuh hik jadi lebih balak daripada unyin tanaman kebon, hik ngeluahko cabang-cabang balak sehingga manuk-manuk diudara pandai ngeguai sarang dibah naunganni." ³³ Dengan memakai lok perempamaan nawak hena, Yesus memberitako firman guk tian, sesuai dengan se pandai tian tengis. ³⁴ Ia at pernah ngumung guk tian tampa suatu perumpamaan, tetapi Ia jelasko dengan diwikni guk murid-muridni. Yesus Meredako Angin Topan ³⁵ Hik, pada hari hena, ketika kok ibi Yesus cawa guk murid-muridni, "Marodo ram lapah guk sebelah danau." ³⁶ Seradu ninggalko jelma lok hena, tian ngusung Yesus barong kuruk guk perahu jengan Yesus berada. Hik, perahu-perahu barihni barong kantik-Ia. ³⁷ Lalu, terjadido angin topan se dahsyat hik ombak balak ngehempasko perahu sehingga perahupun akhirni penuh kantik way. ³⁸ Namun, Yesus wat di burutankapal, pedom dilambung bantal. Maka, tian ngegurah-Ni hik cawa guk-Ia, " guru, apikah Niku at perduli aman ram binasa?" ³⁹ Kemudian, Yesus miah hik ngebentak angin, lalu cawa guk laut,"Rekop! Tenangdo!" Maka, angin hena bedak hik menjadi tenang benor. ⁴⁰ Kemudian, Ia cawa guk tian," Ngapi niku kerabaian? Apikah niku masih kung mik iman?" ⁴¹ Tian menjadi rabai benor hik cawa sai terhadap se barih,"Sapakah Ia henji? Bahkan angin kencang hik laut taat guk-Ia!"