¹ Hayu-hayu benor, imam-iman kepala ngadako sebuah perundingan kantik para tua-tua, hik ahli-ahli Taurat, kantik unyin Sanhedrin. Hik, tian ngaruk Yesus, ngusung-Ni lijung, hik nyerahko-Ia guk Pilatus. ² Lalu, Pilatus ngulih guk-Ia,"Apikah Niku Raja jelma Yahudi?" Hik, Ia ngejawabni," Niku se ngumungkeni." ³ Seradu hena, para imam kepala nuduh Yesus bertubi-tubi ⁴ Hik, Pilatus ngulih lagi guk-Ia," Apikah Niku at ngejawabni? Enah, pira lok tuduhan tian untuk ngelawan-Niku." ⁵ Akan tetapi, Yesus at ngejawab munih sehingga Pilatus heran. Yesus hik Barabas ⁶ Pas Hari Raya Paskah, Pilatus biaso ngebebasko bagi tian sai tahanan se tian kilu. ⁷ Hik, wat sai jelma gelarni Barabas kok ditahan barong para pemberontak se ngelakuko pembunuhan lom sebuah pemberontakan. ⁸ Jelma lok ratong hik mulai kilu guk Pilatus untuk ngelakuko nawak kebiasoan se ia lakuko bagi tian. ⁹ Hik, Pilatus ngejawab tian dengan cawa, "Apikah kuti haga supaya nyak ngebebasko bagi kuti Raja jelma Yahudi henji?" ¹⁰ Sebab, ia pandai bahwa para imam kepala kok menyerahko Yesus karena iri hati, ¹¹ Akan tetapi, imam-imam kepala malah mempengaruhi jelma lok mari kilu membebasko Barabas. ¹² Lalu, Pilatus cawa lagi guk tian,"Jadi, lani se harus nyak lakuko guk Jelma se niku sebut Raja jelma Yahudi henji?" ¹³ Hik, tian berteriak-teriak lagi, "Salibko Ia!" ¹⁴ Kemudian, Pilatus cawa guk tian, "Ngapi? Kejahatan lani se kok Ia lakuko?" Namun, tian berteriak-teriak lebih kuat lagi, "Salibko Ia!" ¹⁵ Karena haga memuasko hati jelma lok, Pilatus ngelepasko Barabas bagi tian, hik seradu mencambuk Yesus, ia nyerahko-Ni untuk disalibko. Yesus Diejek hik Disiksa ¹⁶ Hik, para prajurit ngusung Yesus kuruk guk istana, yaitu gedung pengadilan, hik tian ngeharuh unyin pasukan berkumpul. ¹⁷ Lalu, tian makaiko ia jubah ungu, hik seradu menganyam sebuah mahkota berduri, tian makaikeni guk Yesus. ¹⁸ Kemudian, tian mulai menyampaiko salam guk-Ia," Salam, Raja jelma Yahudi!" ¹⁹ Hik, tian magol huluni makai buluh hik ngeretoki-ni, lalu sujud menyembah-Ni. ²⁰ Seradu tian ngolok-olok Yesus, tian maculko jubah ungu jak Yesus, hik makaiko ia pulunganni diwik. Lalu, tian ngusung Yesus luah untuk menyalibko-Ia. Penyaliban Yesus ²¹ Hik, tian memaksa jelma se lagi liu, Simon jelma Kirene, se ratong jak tiuh, bak jak Aleksander hik Rufus, untuk memikul salibni. ²² Lalu, tian ngusung Yesus guk jengan gelarni Golgita, se artini "Jengan Tengkorak". ²³ Tian ngejuk-Ia anggur becampur mur, tetapi Ia at ngakukni. ²⁴ Kemudian, tian menyalibko Ia hik ngebagi-bagiko pulungan-Ni diantara tian, sambil ngebetakko undi untuk menentuko bagian lani se pandai diakuk oleh masing-masing. ²⁵ Hik, saat hena jam telu ketika tian menyalibke-Ni. ²⁶ Hik, tulisan mengenai tuduhan terhadap Yesus tertulis,"Raja Jelma Yahudi." ²⁷ Lalu, tian menyalibko hua jelma perampok barong kantik-Ia, dikebelah kanan-Ni hik sai di kebelah kiri-Ni. ²⁸ Jadi, tergenapdo Kitab Suci se nyawako,"Hik, Ia terhitung diantara jelma-jelma durhaka." ²⁹ Kemudian, jelma-jelma se lagi liyu ngehujat Yesus sambil menggelengko hulu tian hik cawa," Hai! Niku se akan nebahko Bait Allah hik ngebangunni luwot lom telu hari, ³⁰ selamatkedo diri-Niku diwik hik debahdo jak salib!" ³¹ Juknado munih imam-imam kepala, barong kantik para ahli Taurat, mengejek Yesus dengan cawa sai terhadap se barih," Ia nyelamatko jelma barih, tetapi Ia at pandai nyelamatko diri-NI diwik! ³² Gandodo Mesias, Sang Raja Israel, ganta debah jak salib supaya ram pandai ngenah hik percaya."Tian se disalibko barong kantik Yesus mencela Ia. Kematian Yesus ³³ Pas saat jam keenom, terjadido kemanoman di unyin tanoh hena hantok jam suai ³⁴ Pas jam ke-9, Yesus berseru dengan suara keras, se artini"Allah-Ku,Allah-Ku, ngapi NIku ninggalko Nyak?" ³⁵ Hik, seradu nengisni, pira jelma se tegak dirikdik-Ia cawa,"Enah! Ia ngeharuk Elia." ³⁶ Lalu, sai jelma junglijung, hik ngisi sai spons makai anggur asam, hik ngepikkeni guk sai buluh, hik ngejukkeni guk Yesus untuk nginum, sambil cawa," Gandodo ram enah apikah Elia akan ratong untuk nebahko Ia." ³⁷ Kemudian, Yesus berseru pakai suara keras hik menghembusko nafas terakhir-Ni. ³⁸ Saat hena, tirai Bait Allah cayoh jadi hua, jak lambung hantok bah. ³⁹ Hik, ketika kepala pasukan, se tegak menghadap Yesus, ngenah jikpa Yesus menghembusko nafas terakhir-Ni, ia cawa," Sungguh, jelma henji jadodo Anak Allah!" ⁴⁰ Di disan wat munih pira bai se ngenah jak jawoh, diantara tian jadodo Maria Magdalena, hik Maria umak Yakobus Ngura hik Yoses, kantik Salome. ⁴¹ Ketika Yesus wat di wilayah Galilea, tian ngesoki Ia hik ngelayani Ia. Hik, di disan wal lok bai barihni se ratong barong Yesus guk Yerusalem. Penguburan Yesus ⁴² Ketika hari kok debingi, karena hari hena jadodo Hari Persiapan, yaitu hari sebelum hari sabat, ⁴³ Yusuf jelma Arimatea ratong, sai anggota Majeluis Balak se dihormati,se dirini menanti-nantiko munih Kerajaan Allah, ngeberaniko diri hik lapah guk Pilatus hik kilu badan Yesus. ⁴⁴ Pilatus tekanjat nengis bahwa Yesus kok meninggal. ia ngeharuk kepala pasukan hik ngulih guk ia, apikah benor Yesus kok meninggal. ⁴⁵ Seradu Pilatus pandai jak kepala pasukan, ia ngejukko mayat hena guk Yusuf. ⁴⁶ Hik, Yusuf ngebeliko kain linen hik ndebahko mayat Yesus, seradu ngebungkus-Ni lom kain lenan hena, ia membnaringko-Ni di lom kuburan se digali di bukit batu. Hik, ia ngulingko sai batu guk rangok kuruk kuburan. ⁴⁷ Maria Magdalena hik Maria umak Yoses ngenah jengan mayat Yesus dibaringko.