¹ Hik, ketika hari sabat berlalu, Maria Magdalena, Maria umak Yakobus, kantik Salome, kok beli rempah-rempah sehingga tian pandai meminyaki Yesus. ² Pagi-pagi benor, pas hari pertamo minggu hena, ketika matahari terbit, tian ratong guk kuburan. ³ Tian cawa sai kantik se barih, "Sapa se akan ngulingko batu jak rangok kuruk kuburan hena?" ⁴ Namun, seradu ngenah guk lambung, tian ngenah batu se balak hena radu digulingko. ⁵ Hik, seradu kuruk guk lom kuburan, tian ngenah sai pemuda se makai jubah handak lagi mejong dikebelah kanan, hik tian tekanjat. ⁶ Lalu, ia cawa guk tian," Ikin tekanjat, niku nyepoki Yesus jelma Nazaret se kok disaliblo. Ia kok bangkit. Ia atmik lagi di dija. Enah jengan tian membaringko-Ia. ⁷ Akan tetapi, lijungdo, cawako guk murid-murid-Ni hik guk Petrus bahwa Ia kok menai kuti guk Galilea. Di disan, niku akan tegah Ia, nawak se kok Ia cawako guk niku." ⁸ Kemudian, tian luwah hik melariko diri jak kuburan hena karena tian gemetaran hik takjub, hik tian at nyawako lani-lani pun guk sapa pun karena tian kerabaian. [Hik, unyin hal se kok diperintahko agar tian cawako guk Petrus hik kantik-kantikni, tian sampaiko dengan singkat. Seradu hena, Yesus diwikdo se mengutus tian jak Timur hantok Barat, untuk menyatako berita kudus hik se at pandai binasa tentang keselamatan kekal. Amin.] Yesus Menampakko DIri guk Murid-Murid-Ni ⁹ Ketika Yesus bangkit pagi-pagi pada hari minggu hena, Ia pertamo-tamo muncul guk Maria Magdalena se jak ia Yesus kok ngusir pitu roh jahat. ¹⁰ Lalu, ia lijung hik memberitako guk tian se kom barong kantik Yesus, sementara tian lagi berduka hik miwang. ¹¹ Hik, ketika tian nengis bahwa Yesus hurik hik kok di enah oleh ia, tian at percaya. ¹² Seradu kejadian hena, Yesus muncul munih lom bentuk barih guk hua jak tian se lagi lapah guk tiuh. ¹³ Lalu, tian muloh hik memberitahuko guk se barihni, tetapi se barihni hena at mempercayai tian. Yesus Ngumung guk Para Murid-Ni ¹⁴ Seradu hena, Ia muncul diwik guk kesebelas murid-Ni ketika tian lagi mejong mengan hik ia negur tian karna keatpercayaan hik kekerasan hati tian. Sebab, tian at pwrcaya guk jelma-jelma se kok ngenah-Ia seradu Ia bangkit. ¹⁵ Hik, Ia cawa guk tian,"Lapahdo guk unyin dunia hik beritakedi Injil guk unyin ciptaan. ¹⁶ Sapa se radu percaya hik radu dibaptis akan diselamatko, tetapi sapa se at percaya akan dihukum. ¹⁷ Hik, tanda-tanda henji akan ngesoki tian se percaya: LOm gelar-Nyak tian akan ngusir roh-roh jahat; tian akan ngumung lom bahasa-bahasa baru; ¹⁸ tian akan ngating ulay makai culuk tian; hik aman tian nginum racun se mematoko, hal hena at akan mencelakai tian; tian akan ngepikko culuk lambung jelma-jelma behaban, hik jelma-jelma hena akan senang." Yesus Terangkat guk Surga ¹⁹ Lalu, seradu Tuhan Yesus nyawakeni guk tian, Ia terangkat guk surga hik mejong dikebelah kanan Allah. ²⁰ Lalu, tian lapah hik berkotbah di dipa-dipa, sementara TUhan bekerja barong tian hik meneguhko firman-Ni melalui tanda-tanda se menyertaini.