¹ Hari Raya Paskah hik hari raya roti at beragi berlangsung hua hari lagi, imam-imam kepala hik ahli-ahli Taurat lagi nyepok cara untuk nangkap Yesus dengan tipu muslihat hik matike-Ni. V 2 Sebab, tian cawa, "ikin selamo hari raya agar ikin terjadi keributan di antara rakyat." Yesus Diurapi dengan Minyak Nawastu ³ Sementara Yesus wat di Betania, dimahan Simon si Kusta, ketika lagi mejong di meja mengan, ratongdo sai bai dengan sebuah guci renik jak batu pualam isini minyak rum jak narwastu se murni hik mahal. Ia mecohko guci hena hik nuangkoni guk lambung hulu Yesus. ⁴ Akan tetapi, wat pira jelma se cawa dengan kesal sai terhadap se barih," Ngapi ngeborosko minyak rum nawak henji? ⁵ Sebab, minyak henji pandai dijual 300 dinar lebih hik pandai diejukko guk jelma miskin." Hik, tian pun mabuki bai hena. ⁶ Namun, Yesus cawa, "Agankedo ia. Ngapi niku nyarako ia? Ia kok ngelakuko perbuatan se helau bagi-Nyak. ⁷ Sebab, niku selalu wat jelma miskin barong niku, hik idan pun niku haga, niku pandai ngelakuko perbuatan helau bagi tian. Akan tetapi, niku at akan selalu wat Nyak. ⁸ Bai hena radu ngelakuko lani se ia pandai. Ia mengurapi badan-Nyak lebih mena untuk penguburan. ⁹ Nyak nyawako guk niku se sebenorni, didipa Injil aka diberitako di unyin dumia, lani se kok dilakuko bai hena akan dicawako sebagai peringatan akan ia." Rencana Yudas untuk Berkhianat ¹⁰ Kemudian, Yudas Iskariot, salah sai jak ke hua velas murid, lapah guk imam-imam kepala untuk nyerahko Yesus guk tian. ¹¹ Ketika tian nengisni, tian hanjak hik berjanji ngejuki Yudas duit. Karena hena, Yudas nyepok kesempatan se helau untuk nyerahko-Ni. Hidangan Paskah ¹² Pas hari pertamo Hari Raya Roti At Beragi, ketika tian mengurbanko anak domba Paskah, murid-murid Yesus ngulih guk-Ia," Guk dipa Niku kehendaki hikam untuk lapah nyiapko bagi-Niku kanian Paskah?" ¹³ Lalu, Ia mahitko hua murid-Ni hik cawa guk tian," lapahdo guk kota, hik sai bakas se lagi ngusung kendi isini wai akan negahi niku, Sokdo ia, ¹⁴ hik guk dipa pun ia kuruk, cawako guk jelma kedau mahan,'Guru cawa: Didipakah jengan Nyak pandai megan Paskah barong murid-murid-Ku?' ¹⁵ Lalu, ia akan nunjukko guk niku sai ruangan balak dilantai lambung se kok berperabot hik siap sedia. Siapkedo perjamuan bagi ram didisan." ¹⁶ Kemudian, murid-murid lapah hik hantok dikota. Di disan, tian ngedacoki gohgoh nawak se Yesus cawako guk tian, lalu tian nyiapko Paskah. ¹⁷ Ketika debingi, ratongdo Yesus barong ke hua belas murid. ¹⁸ Hik, pas waktu tian lagi mejong hik mrgan, Yesus cawa," Nyak nyawako se sebenorni guk niku, salah sai jak antara kuti, se lagi mengan barong kantik Nyak, akan menghianati-Nyak." ¹⁹ Tian mulai diguai sedih hik cawa guk-Ia sai demi sai," Pasti ayin nyak,kan?" ²⁰ Yesus cawa guk tian," Ia jadodo salah sai jak hua belas murid, jelma se nyelupko roti barong Nyak guk lom mangkuk. ²¹ Sebab, Anak Manusia akan lijung, nawak se kok tadu tertulis tentang Ia, tetapi celakadojelma se olehni Anak Manusia dikhianati! Akan lebih helau bagi jelma hena aman at pernah dilahirko." Peringatan akan Badan Hik Rah Kristus ²² Ketika tian lagi mengan, Yesus ngakuk roti, hik radu memberkatini , Ia mecohkokeni hik ngejukkeni guk tian, sambil cawa,"Akukdo, henji badan-Nyak." ²³ Hik, Ia ngakuk cawan, hik ngucapko syukur. Ia ngejukkeni guk tian, hik tian unyin nginum jak cawan hena. ²⁴ Lalu, Yesus cawa guk tian," Henjido rah-Nyak, rah perjanjian se dicurahko bagi lok jelma. ²⁵ Nyak ngumungko guk niku se sebenorni, Nyak at akan nginum lagi hasil buah jak batang anggur, hantok hari ketika Nyak nginum anggur se bahyu dilom Kerajaan Allah." ²⁶ Seradu nyanyinko sai lagu rohani, tian pun lapah guk Bukit Zaitun. Murid-murid Yesus akan ninggalko-Ni ²⁷ Kemudian, Yesus cawa guk tian, " Niku unyin akan ninggalko Nyak, karena wat tertulis, 'Nyak akan menyerang gembala, hik domba-domba hena akan tercerai-berai.' ²⁸ Akan tetapi, seradu Nyak dibangkitko, Nyak akan lapah guk Galilea menai niku." ²⁹ Namun, Petruscawa guk-Ia," Sesekalipun tian unyin ninggalko-Niku, tetapi nyak at." ³⁰ Hik, Yesus cawa guk ia," Nyak nyawako se sebenorni guk niku, bingi sa, sebelum sisui bakas berkoko hua kali, niku akan menyangkal nyak telu kali." ³¹ Akan tetapi, Petrus bersikeras ngejawab," Sekalipun nyak harus mati barong Niku, nyak at akan menyangkal Niku!" Hik, tian unyin nyawako hal se gohgoh. Yesus di Taman Getsemani ³² Kemudian, hantokdo tian di suatu jengan gelarni Getsemani, hik ia cawa guk murid-murid-Ni," Mejongdo didija sementara Nyak berdoa." ³³ Hik, Ia ngusung serta Petrus, hik Yakobus, hik Yohanes barong-Ia, hik mulai jadi rabai hik tertekan. ³⁴ Lalu, cawa-Ni guk tian," Jiwa-Nyak sedih benor, bahkan hantok haga mati. Tetapdo lekok didija hik berjaga-jagado." ³⁵ Mari, seradu ngejawoh cutik, Ia bersujud dilambung tahoh hik berdoa, aman mungkin, saat hena berlalu jak pada-Ia. ³⁶ Hik, Ia cawa,"Abba ,Bapa, segala sesuatu mungkin bagi-Niku. Akukdo cawan henji jak-Nyak. Namun, ayin lani se Nyak kehendaki, melainko lani se Niku kehendaki." ³⁷ Kemudian, Ia ratong luwot hik ngedacoki murid-murid-NI lagi pedom, hik Ia cawa guk Petrus," Simon, ngapi niku pedom? at pandaikah niku berjaga-jaga selama sai jam? ³⁸ Berjaga-jagado hik berdoa supaya niku at tiak guk lom pencobaan. Roh memang penurut, tetapi daging lemah." ³⁹ Hik lagi, Ia lijung hik berdoa dengan ngucapko umungan se gohgoh. ⁴⁰ Hik lagi, Ia ratong hik ngedacoki tian lagi pedom karena mata tian biak benor, hik tian harus ngejawab lani guk-Ia. ⁴¹ Seradu hena, Yesus ratong untuk ke telu kalini hik cawa guk tian," Niku masih pedom hik beristirahat? Radudo, saatni kok tiba. Enah, Anak Manusia diserahko guk lom culuk jelma-jelma berdosa. ⁴² Miahdo, ho ram lapah. Enah, se menyerahko Nyak kok rikdik." Yesus Didacokko ⁴³ Segera seradu hena, sementara Yesus masih cawa, Yudas, salah sai jak hua belas murid, ratong barong jelma lok dengan pedang hik pentungan, diutus oleh imam-imam kepala, ahli-ahli Taurat, hik tua-tua bangsa Yahudi. ⁴⁴ Ia se menyerahko kok ngejuki tian suatu tanda, cawani," Jelma se akan nyak cium. Ianado Jelmani. Dacokko Ia hik usung Ia lijung di bah pengawasan." ⁴⁵ Hik, ketika Yudas hantok, ia langsung ngerikdiki Yesus hik cawa," Rabi!" Lalu, ia nyium Yesus. ⁴⁶ Kemudian, tian ngating Yesus hik ngedacokko-Ia. ⁴⁷ Namun, salah sai jak tian se tegak, nyabut pedangni hik menyerang pelayan Imam Balak, terus noktok cupingni. ⁴⁸ Hik, Yesus cawa guk tian," Apikah niku ratong dengan pedang kantik pentung untuk ngedacokko Nyak nawak maling? ⁴⁹ Setiap hari, Nyak barong kantik niku di Bait Allah sambil ngajar, tapi niku at dacokko Nyak. Namun, hal henji terjadi supaya Kitab Suci pandai digenapi." ⁵⁰ Kemudian, tian unyin meninggalko-Ia hik lijung. ⁵¹ Wat sai meranai se ngesoki Yesus, kah makai kain lenan dibadanni.Hik, tian ngedicokko ia, ⁵² tetapi ia ninggalko kainn lenan hena hik lijung sambil bitung. Yesus Duhakimi Pemimpin Yahudi ⁵³ Kemudian, tian ngusung Yesus guk Imam Balak. Hik, unyin Imam Kepala, hik tua-tua, hik ahli-ahli Taurat tian jadodo anggota Sanhedrin (dewan Yahudi) berkumpul barong. ⁵⁴ Hik, Petrus ngesiki Yesus jak jawoh, hantok guk halaman mahan Imam Balak. Di disan, ia mejong barong para pengawal sambil ngehangatko diri di perapian. ⁵⁵ Para imam kepala hik unyin Mahkamah Agama terus nyepok kesaksian ngelawan Yesus supaya tian pandai matiko-Ia, tetapi tian at ngehalu lani pun. ⁵⁶ Sebab, lok jelma ngejuki kesaksian palsu untuk ngelawan-Ia, tetapi kesaksian tianat sesuai sai kantik se barih. ⁵⁷ Kemudian, beberapa jelma tegah hik ngejuki kesaksian palsu untuk ngelawan Yesus, cawani, ⁵⁸ "Hikam nengis Ia cawa,' Nyak akan ngerubuhko Bait Allah guaiyan manusia, hik lom telu hari, Nyak akan ngebangun se barihni, se at diguai makai culuk." ⁵⁹ Namun, untuk hal henji pun kesaksian tian at sesuai sai kantik se barih. ⁶⁰ Lalu, Imam Balak tegak ditengah-tengah tian hik ngulih guk Yesus,"Apikah Niku at ngejiki jawaban guk jelma-jelma se bersaksi ngelawan -Niku?" ⁶¹ Akan tetapi, Ia tetap rekop hik at ngejawab. Imam Balak ngulih lagi guk Yesus hik cawa," Apikah Niku Mesias, Anak Allah se Terpuji?" ⁶² Hik, Yesus cawa, "Nyakhado Ia, hik niku akan ngenah Anak manusia mejong dikebelah kanan se Mahakuasa hik ratong barong dengan awan-awan dilangit." ⁶³ Lalu, sambil nyayohko jubahni, Imam Balak cawa," Ngapi ram pelu saksi lagi? ⁶⁴ Niku kok nengis hujatan. Lani keputusan niku?" Hik, tian unyin ngehukum-Ia dengan hukuman mati. ⁶⁵ PIra jelma mulai ngeretoki Ia, hik nutupi pudak-Ni, hik ninjuni, hik cawa guk-Ia," Bernubuatdo!" Para pegawai nerima-Ni dengan nampar-Ni. Petrus At Ngakui Yesus ⁶⁶ Hik, sementara Petrus masih wat dibah halaman mahan Imam Balak, salah sai pelayan bai Imam Balak ratong. ⁶⁷ Hik, ngenah Petrus lagi ngehangatko diri, pelayanan hena menatapni hik cawa, "Niku barong Yesus munih, Jelma Nazaret hena." ⁶⁸ Namun, Pertus menyangkal sambil cawa,"Nyak at pandai hik at ngerti lani se niku cawako." Lalu, ia lapah guk rangok gerbang, hik sisui bakas berkokok. ⁶⁹ Pelayan bai hena ngenah Petrus minsan lagi hik mulai cawa lagi guk jelma-jelma se tegak," Jelma henji jadodo salah sai jak tian." ⁷⁰ Akan tetapi, Ia menyangkalni lagi. Hik, at uni kemudian, jelma-jelma se tegak cawa lagi guk Petrus," Niku pasti salah sai jak tian karena niku jelma Galilea munih." ⁷¹ Namun, Ia mulai mengutuk hik bersumpah," Nyak at kenal Jelma se niku umungko!" ⁷² Segera, sisui bakas berkokok untuk kehua kalini hik petrus ingok alan lani se kok Yesus cawako guk ia, "Sebelum sisui bakas berkokok hua kali, niku akan menyangkal Nyak telu kali."Lalu, Petrus at pandai nehan miwang.