¹ Lalu, ketika Yesus ninggalko Bait Allah, salah sai murid-Ni cawa guk-Ia,"Guru, enah alangko helauni batu-batu hik alangko helauni bangunan-bangunan henji!" ² Hik, Yesus ngejawabni,"Apikah niku ngenah bangunan-bangunan se megah henji? Atmik sai batupun se akan lekok dilambung batu barihni se at akan dirubuhko." Awal Mula Penderitaan ³ Hik, sementara Yesus lagi mejong dilambung bukit Zaitun se ngehadap Bait Allah, Petrus, hik Yakobus, hik Yohanes, hik Andreas ngulih guk Yesus diwikan, ⁴ "Cawako dihikam, kapan hal-hal hena akan terjadi, hik lani se menjadi tanda aman unyin hena akan segera berakhir?" ⁵ Lalu, Yesus mulai cawa guk tian,"Berhati-hatido agar atmik jelma se menyesatko niku. ⁶ Lok jelma akan ratonglom gelar-Nyak, cawa, Nyakhado Ia." Hik,tian akan menyesatko lok jelma. ⁷ Ketika niku nengis tentang perperangan hik berita-berita tentang perang, ikin rabai. Hal-hal henji harus terjadi, tetapi akhir jak unyinni kung terjadi. ⁸ Sebab, bangsa akan bangkit ngelawan bangsa, hik kerajaan ngelawan kerajaan. Akan terjadi gempa bumi di berbagai jengan; akan wat kebetohan. Henjido permulaan jak rasa sakik ngelahirko. ⁹ Namun, jagado dirimu. Sebab, tian akan menyerahko niku guk pengadilan, hik niku akan digebukki di sinagoge-sinagoge hik niku akan tegak dihadapan Sanhedrin hik raja-raja karena Nyak, sebagai kesaksian bagi tian. ¹⁰ Hik, Injil harus lebih mena diberitako gun unyin bangsa. ¹¹ Hik, ketika tian ngusung niku hik nyerahko niku, ikindo khawatir mena dengan lani se harus niku umungko, tetapi umungkedo lani pun se dikaruniako guk niku saat hena karena ayin niku se ngumung, melainko Roh Kudus. ¹² Hik, sai jelma puari akan menyerahko puarini guk kematian, hik bak guk anakni. Sanak-sanak akan bangkit ngelawan jelma tahani hik matiko tian. ¹³ Hik, niku akan dinyuwohi oleh unyin jelma karena gelar-Nyak. Akan tetapi, jelma se tetap bertahan hantok akhir akan diselamatko." Hal jahat se Menyebabko Kehancuran ¹⁴ "Namun, ketika niku ngenah pembinasa keji tegak dijengan se at seharusni (para pembaca hendakni ngerti), tian se wat di Yudea harus lijung guk pergunungan. ¹⁵ Jelma se berada di hatok mahan ikin debah atau kuruk guk lom mahan untuk ngeluahko lani pun jak lom mahanni. ¹⁶ Hik, jelma se berada di huma, ikin muloh untuk ngakuk jubahni. ¹⁷ Celakado tian se lagi hamil hik tian se lagi menyusui bayi-bayimi pada hari-hari hena. ¹⁸ Berdoado agar hal-hal henji at terjadi di musim ngison. ¹⁹ Sebab, pada hari-hari hena akan terjadi waktu penderitaan balak se kung pernah terjadi sejak permulaan penciptaan, se Tuhan ciptako hantok ganta, hik at akan pernah terjadi lagi. ²⁰ Hik, aman Tuhan at mempersingkat hari-hari hena, at akan wat sai pun se diselamatko. Akan tetapi, demi se terpilih, se kok ia pilih, Ia akan mempersingkat hari-hari hena. ²¹ Kemudian, aman wat jelma se cawa guk niku,'Enah, Kristus wat didija!'Atau,'Enah, Ia wat didisan!' ikin mempercayaini. ²² Sebab, mesias-mesias palsu hik nabi-nabi akan bangkit hik nunjukko tanda-tanda hik keajaiban-keajaiban untuk nyesatko, aman mungkin, bahkan jelma-jelma pilihan. ²³ Waspadado! Nyak radu memberitahuko unyin henji guk niku sebelumni. ²⁴ Namun, pada hari-hari hena, seradu terjadi masa penderitaan balak,'Matarani akan jadi manom, hik bulan at akan bersinar. ²⁵ Bintang-bintang akan tiak jak langit, hik kuasa-kuasa dilangit akan diguncangko."' Keratongan Anak Manusia ²⁶ "Kemudian, tian akan ngenah Anak Manusia ratong lom awan-awan dengan kuasa hik kemuliaan se balak. ²⁷ Lalu, Ia akan ngutus malaikat-malaikat hik ngumpulko se dipilih jak keepak arah mata angin, jak ujung-ujung bumi hantok ujung-ujung langit. ²⁸ " Belajardo jak perumpamaan batang ara: ketika dahan-dahanni kok ngelunak hik bulung-bulungni luah, mari niku pandai bahwa musim panas kok rikdik. ²⁹ Jukna munih dengan niku, apabila niku ngenah hal-hal henji terjadi, ketahuido bahwa Ia kok rikdik, di hadapan rangok. ³⁰ Nyak nyawako se sebenorni guk niku, generasi henji at akan berlalu hantok unyin henji terjadi. ³¹ Langit hik bumi akan berlalu, tetapi firman-Nyak at akan pernah berlalu." Waspada hik Berjaga-jagado ³² "Akan tetapi, tentang hari atau jam hena, at mik sai jelma pun se pandai, at munih malaikat-malaikat disurga, bahkan at munih Anak, kah Bapa. ³³ Waspadado, berjaga-jagado. Sebab, niku at pandai idan waktuni haga ratong. ³⁴ Hal henji nawak jelma se lagi ngelakuko perjalanan. Ketika ia ninggalko mahan hik ngejuki kuasa guk pelayan-pelayann, dengan gawian masing-masing, hik memerintahko munih penjaga rangok untuk tetap berjaga-jaga. ³⁵ Karena hena, berjaga-jagado karena niku at pandai idan tuan mahan hena ratong, ibi rani, atau tengah bingi, atau pas sisui berkokok, atau hayu-hayu buta, ³⁶ ikin sampai ia tiba-tiba ratong hik ngedacoki niku lagi pedom. ³⁷ Lani se Nyak cawako guk niku henji, Nyak nyawako guk unyin jelma: 'Berjaga-jagado!"'