¹ Lalu, Yesus mulai ngumung guk tian lom perumpamaan-perumpamaan."Wat jelma se mengusahako sai kebun anggur. Ia ngebangun kandang disekelilingni, hik ngali sai lubang untuk meras anggur, hik ngebangun sai menara pengawas. Kemudian, ia nyewakeni guk pengarap-pengarap kebun hik lapah guk luah negeri. ² Waktu musim panen, ia ngirimko pelayan guk para pengarap kebun hena untuk nerima jak tian hasil kebun anggurni. ³ Akan tetapi, tian ngedacokko pelayan hena, hik ngegebukini, terus ngusirni dengan culuk hampa. ⁴ Karena hena, ia ngirimko lagi pelayan se barih guk tian, hik tian ngegebuki huluni, hik tian memperlakukeni dengan cara se ngeliomko. ⁵ Lalu, ia ngirimko pelayan barihni hik tian matikeni. Hal henji terjadi guk lok barihni, sebagian digebuki hik sebagian patike tian. ⁶ Jelma kedau kebun hena masih wat sai lagi, jadodo sanak se dikasihini, Akhirni ia ngirimko sanakni hena guk tian hik cawa,'Tian akan ngehormati anakku.' ⁷ Akan tetapi, para pengarap kebun hena cawa sai terhadap se barih,' Henji jadodo ahli warisni. Ho, ram patiko ia hik warisanni akan jadi duni ram,' ⁸ Lalu, tian nacokko ia, hik matikeni, lalu ngembankeni guk luah kebun anggur. ⁹ Lani se akan dilakuko jelma kedau kebun anggur hena? Ia akan ratong hik ngebalos para penggarap hena hik akan ngejukko kebun anggurni guk jelma barih. ¹⁰ Kung pernah niku baca ayat KItab Suci henji:' Batu se diembanko oleh tukang bangunan, kok jadi batu penjuru. ¹¹ Henjido perbuatan Tuhan, hik perbuatan henji ajaib dimata ram'?" ¹² Kemudian, tian berusaha untuk ngedacokko-Ia tetapi tian rabai guk jelma lok karena tian pandai bahwa Yesus menyampaiko perumpamaan hena untuk tian. Lalu, tian ninggalko Yesus hik lijung. Tentang Membayar Pajak ¹³ Kemudian, tian mahitko ratong guk Yesus pira jelma Farisi hik jelma-jelma Herodian untuk ngejenak Ia dengan umungan-Ni diwik. ¹⁴ Tian ratong hik cawa guk Yesus,"Guru, hikam pandai bahwa Niku benor hik at perduli dengan pendapat jelma barih. Sebab, Nikuat ngenah penampilan jelma tetapi mengajarko ngeraya Allah se sesuai dengan kebenoran. Apikah benor ngebayar pajak guk kaisar atau at? ¹⁵ Haruskah hikam ngebayar ataukah haruskah hikam at ngebayar? Akan tetapi Yesus, seradu pandai di kemunafikan tian, Ia cawa guk tian," Ngapi kuti mencobai Nyak? Usung guk-Nyak 1 dinar hik gakdodo Nyak ngenahini. ¹⁶ Lalu, tian ngusungni, hik Yesus cawa guk tian," Gambar hik tulisan sapa henji?" Tian ngejawab, "Gambar hik tulisan kaisar." ¹⁷ Kemudian, Yesus cawa guk tian," Ejukko guk kaisar hal-hal se menjadi milik kaisar hik guk Allah hal-hal se menjadi milik Allah." Hik, tian heran guk Yesus. Pertanyaan Jelma Saduki untuk Menjebak Yesus ¹⁸ Lalu, jelma-jelma saduki, se nyawako bahwa atmik kebangkitan, ratong guk Yesus hik ngulih guk-Ia, cawa tian, ¹⁹ "Guru,Musa nulis guk ram bahwa aman wat sai jelma, se wai puari bakas, mati hik ninggalko kahjongni, tetapi at ninggalko anak, puari ni se bakas hena harus ngahjongi janda hena hik membangkitko keturunan bagi puarini. ²⁰ Wat pitu jelma long melong. Puari se pertamo ngakuk sai kahjong, hik ketika ia mati, ia at ninggalko keturunan. ²¹ Lalu, puari ni se keduo ngahjongi bai hena, hik mati tampa ninggalko keturunan. Juknado munih kanting puari ni se ke tigo. ²² Hik, atmik jak kepitu puari hena se ninggalko anak. Akhir jak unyinni, bai hena mati munih. ²³ Pada hari kebangkitan, krtika tian bangkit, jadi kahjong sapakah bai hena? Sebab, kepitu puari hena kok menjadiko ia kahjong." ²⁴ Yesus ngejawab tian, "Ayinni henjido alasan kuti menjadi sesat, karena niku at ngerti KItab Suci ataupun Kuasa Allah? ²⁵ Sebab, ketika tian bangkit jak antara jelma mati, tian atmik se ngahjong ataupun dikahjongko, tetapi tian jadi nawak malaikat di surga. ²⁶ Tentang jelma-jelma mati se dibangkitko, atkah niku ngebaca lom kitab Musa, di bagian tentang semak belukar, jikpa Allah ngumung guk ia, 'Nyak jadodo Allah Abraham, hik Allah Ishak, hik Allah Yakub? ²⁷ Ia ayin Allah jelma mati, tetapi Allah jelma hurik. niku benor-benor sesat! Perintah se Paling Penting ²⁸ Kemudian, salah sai jak para ahli Taurat ratong hik nengis tian berdebat. Ketika ia ngenah bahwa Yesus kok ngejawab tian dengan helau, mari tian ngulih guk Yesus," Perintah hipakah se paling penting jak unyinni?" ²⁹ Yesus ngejawab, Hukum se paling utama jadodo: 'Tengis, hai jelma-jelma Israel! Tuhan ram jadodo sai-sai ni TUhan. ³⁰ Hik, kasihido TUhan Allahmu dengan segenap hatimu hik dengan segenap jiwamu, hik dengan segenap pikiranmu hik dengan segenap kekuatanmu. ³¹ Hik, se kehua jadodo: 'kasihilah sesamamu manusia nawak dirimu diwik,' Atmik hukum se lebih balak jak henji." ³² Lalu, Ahli Taurat hena cawa guk Yesus,"Niku benor, Guru, Niku benor dengan nyawako bahwa Ia na sai, hik atmik se barih selain Ia. ³³ Hik, mengasihi-Ia dengan segenap hati, hik dengan segenap pengertian, hik dengan segenap kekuatan, serta mengasihi sesama nawak diri diwik, memang lebih penting daripada unyin kurban bakaran hik persembahan." ³⁴ Kemudian, ketika Yesus ngenah bahwa jelma hena ngejawab dengan bijaksana, Ia cawa guk ia, "Niku at jawoh jak Kerajaan Allah." Seradu hena, atmik lagi jelma se berani ngulih guk Yesus. Kristus jadodo Tuhan ³⁵ Hik, sambil ngajar di Bait Allah, Yesus cawa, " JIkpa pandai ahli-ahli Taurat bahwa Kristus jadodo anak daud? ³⁶ Daud diwik cawa lom Roh Kudus, 'Tuhan awa guk Tuan nyak: Mejongdo dikebelah kanan-Nyak, hantok Nyak menempatko musuh-musuh-Niku dibah cukut-Niku.' ³⁷ Daud diwik nyebut Kristus sebagai 'Tuhan'. Jadi, jikpa mungkin Kristus jadodo anakni?" Hik, jelma lok nengiske-Ni dengan senang. Sikap terhadap Ahli-Ahli Taurat ³⁸ Lom pengajaran-Ni, Yesus cawa,"Hati-hatido terhadap ahli-ahli Taurat, se sumbung lapah-lapah makai jubah tijang hik sumbung nerima salam penghormatan di jengan-jengan umum, ³⁹ hik wat jengan mejong terhormat di sinagoge-sinagoge hik jengan-jengan kehormatan lom perjamuan-perjamuan. ⁴⁰ Tian se ngerampas mahan-mahan para janda hik sebagai dalih berdoa se tijang-tijang. Tian akan nerima hukuman se lebih biak." Persembahan Sejati ⁴¹ Kemudian, Yesus mejong berhadapan dengan kotak persembahan hik ngamati jelma-jelma se ngurukko lom jumlah balak. ⁴² Kemudian, sai jelma janda miskin ratong hik ngurukko hua keping uang logam, se nilai dengan 1 sen. ⁴³ Lalu, Yesus ngeharuk murid-murid-Ni hik cawa guk tian, "Nyak nyawakeni se sesungguhni guk niku, janda miskin henji kok ngurukkeni lebih lok guk lom kotak persembahan hena daripada unyin jelma barihni. ⁴⁴ Sebab, tian unyin ngejuki jak kelimpahan tian, tetapi janda miskin hena, ngejuki jak kemiskinanni, ngejuki unyin se ia miliki, yaitu unyin nafkahni."