¹ Hik, ketika tian hampir hantok di Yerusalem, rikdik Betfage hik Betania, dibukut Zaitun, Yesus mahitko hua muridni. ² hik cawa guk tian,"Lapahdo guk tiuh dihadapan niku, hik langsung seradu niku ngurukhini, niku akan tegah sai keledai ngura se tekaruk, se kung pernah ditunggangi jelma. Paculkedo keledai hena hik usungdo. ³ Aman wat jelma se nguluh guk niku,'Ngapi niku ngelakukeni?', cawako,'Tuhan merluko keledai hena hik akan segera ngirimni luwot guk dija."' ⁴ Lalu, tian lijung hik tegah sai keledai ngura se tekaruk di rangok, dibagian luah, di ngeraya, lalu tian maculkoni. ⁵ Pira jelma se tegak didisan ngulih guk tian, "Lani se niku lakuko dengan maculko keledai hena?" ⁶ Tian ngejawab nawak se kok Yesus cawako guk tian, hik jelma-jelma hena ngaganko tian lijung. ⁷ Lalu, tian ngusung keledai hena guk Yesus, ngepikko jubah tian dilambung keledai hena, hik Yesus mejong dilambungni. ⁸ Hik, lok jelma membentangko jubah tian di ngeraya, hik se barihni menebar ranting-ranting se tian toktok jak ladang. ⁹ Jelma lok se lapah di hadapan hik se ngesoki berseru, "Hosana! Diberkatido Ia se ratong lom gelar Tuhan. ¹⁰ Diberkatido keratongan Kerajaan Daud, mbai moyang ram! Hosana, di jengan se mahalanggar!" ¹¹ Kemudian, Yesus kuruk guk Yerusalem hik lijung guk Bait Allah.Hik, seradu ngenah segala hal disekelilingni, Ia lapah guk Betania barong kehua belas murid-Ni karena hari kok debingi. Yesus Mengutuk Batang Ara ¹² Hik, jemoh harini, ketika tian ninggalko Betania, Yesus ngerasa betoh ¹³ Seradu ngenah sai batang ara se wat bulungni jak jawoh, Ia lapah untuk ngenah tulek wat se pandai Ia tegahi jak batang hena, Ia at negahi lanipun kecuali bulung-bulung sebab waktu hena ayin musim buah ara. ¹⁴ Karena hena, Yesus cawa guk batang hena, "ikin wat lagi jelma se pernah nganik buah jak niku untuk selamo-lamoni." Hik, murid-murid-Ni nengis. Yesus Lapah guk Bait Allah ¹⁵ Kemudian, tian hantok di Yerusalem. Hik, Yesus kuruk guk Bait Allah hik mulai ngusir jelma-jelma se lagi jual beli di Bait Allah. Ia membalikko meja-meja penukor duithik kursi-kursi se ngejual manuk-manuk merpati, ¹⁶ hik Ia at lagi ngizinko jelma ngusung barang-barang ngeliui Bait Allah. ¹⁷ Kemudian, Yesus mengajar tian hik cawa," Ayinni tertulis, 'Mahan-Ku akan disebut mahan doa bagi unyin bangsa'? Akan tetapi, niku kok mengubahni jadi sarang perampok." ¹⁸ Hik, imam-imam kepala hik ahli-ahli Taurat nengisni hik tian nyepok cara jikpa ngebunuh-Ia. Sebab, tian rabai guk-Ia karna jelma lok hena kagum akan pengajaran-Ni. ¹⁹ Hik, ketika rani mulai manom, Yesus hik murid-murid-NI ninggalko kota hena. Milikido Iman di Lom Allah ²⁰ Lalu, hayu-hayu ketika tian liu, tian ngenah batang ara se kok ngeluh seakar-akarni. ²¹ Petrus ingok hik cawa guk Yesus,"Rabi, Enah! Batang ara se Niku kutuk kok jadi ngeluh!" ²² Hik, Yesus ngejawab tian,"Milikido iman di lom Allah. ²³ Nyak nyawako se sebenorni guk niku, sapa pun se cawa guk gunung henji, Terangkatdo hik tebetakdo guk lom laut,' hik atmik keraguan dilom hatini, tetapi percaya bahwa lani se ia cawako akan terjadi, maka hal hena akan terjadi guk ia. ²⁴ Sebab hena, Nyak cawa guk niku, lani pun se niku doako hik kilu, percayado bahwa niku kok nerimani, mahal hena akan diejikko guk niku. ²⁵ Hik, apabila niku tegak hik berdoa, ampunido aman niku nyegokko sesuatu terhadap sai jelma, supaya Bapamu se disurga akan mengampuni kesalahan-kesalahan niku munih. ²⁶ Namun, aman niku at mengampuni, Bapamu se wat disurga at akan menganpuni kesalahan-kesalahanmu munih." Pemimpin Yahudi Ngulih tentang Kuasa Yesus ²⁷ Kemudian, tian ratong lagi guk Yerusalem. Sementara Yesus lapah guk Bait Allah, imam-imam kepala, ahli-ahli Taurat, hik tua-tua Yahudi ratong guk-Ia. ²⁸ Hik, tian cawa guk-Ia,"Dengan kuasa lani Niku ngelakuko hal-hal hena, atau sapa se ngejuki-Niku kuasa untuk ngelakukeni?" ²⁹ Yesus cawa guk tian," Nyak haga ngulih sai pertanyaan guk niku. jawabdo Nyak, pai Nyak akan nyawakeni guk niku dengan kuasa lani Nyak ngelakuko hal-hal hena. ³⁰ Apikah baptisan Yohanes berasal jak surga atau jak manusia? Jawabdo Nyak!" ³¹ Tian berdiskusi sai terhadap se barih dengan cawa,"Aman ram ngejawab,'Jak surga,'Ia akan cawa,'Lalu ngapi niku at percaya guk Ia?' ³² Akan tetapi, aman ram ngejawab,'Jak manusia'?" Para pemimpin hena rabai guk jelma lok karna tian unyin menganggap bahwa Yohanes benor-benor seorang nabi. ³³ Karena hena, tian ngejawab Yesus, "hikam at pandai." Kemudian, Yesus cawa guk tian, "JUknado munih Nyak, Nyak at akan nyawakeni munih dengan kuasa lanikah Nyak ngelakuko hal-hal hena."